Ejidala 3:1 - O Mikanda Ikola

¹ Kia bhixila mbeji ia kasambuadi, kuila anʼa Izalaiele ala kiá mu jimbonge jâ, mundu uoso u di bhongoluela mu Jeluzaleme kala muthu umoxi ngó.

Ejidala 3:1 ပူးပေါင်းရင်းမြစ်များ

Nehemiia 7:72

Anga o kifuxi kia subhuka a bhana uâ, makuińhi aiadi a midi ia jidalama, ja ulu; ni midi jiiadi ja jimina ja phalata, ni makuinhi asamanu a izuatu ia jinganga.

Nehemiia 7:73

Anga o jinganga, ni akua Levi, ni alangidi a mielu, ni jingimba ni amoximu ku kifuxi, ni ateki a menha ni aẋangi a jihuinhi, ni Izalaiele ioso, hé a tunga mu sanzala jâ.

Nehemiia 8:1

Kia bhixila o mbeji ia kasambuadi, kuila anʼa Izalaiele a kala kiá mu sanzala jâ, kifuxi kioso hé ki bhongolokela bhu muhenda, kala muthu umoxi ngó, bhua lulama ni Muelu ua Menha; anga ambela Ejidala, dia musoneki, exi: A bheke o divulu dia kitumu kia Mozé, Ngana kia tumine Izalaiele.

Nehemiia 8:14

Anga a sanga mu kitumu muòsoneke kuma, Ngana ua tumine, mu ukunji ua Mozé, kuila anʼa Izalaiele, mu izuua iangene ia fesa, ku mbeji ia kasambuadi, a kala mu jifundu.

Ijila 16:29

O kiki kijila ki xialela katé ku hádia; bhu mbeji ia sambuadi mu kizuua kia kakuinhi ku mbeje, huhenu o mienhu ienu, ikalakalu ehelenu-iu bhoxi enu-oso muene, ni akua-bhata, ni nzuangiza uoso ua tungu momuenu.

Ijila 23:24

Anʼa Izalaiele a tangele, uixi: Bhu mbeji ia kasambuadi, mu kizuua kiê kiadianga, mu kala ni dinhohenu dia dikota, bhu kala muene kuxika jikoloneta, mu di sakese hanji ni ngalasa, bhu kale kionge kikôla.

Sofoniia 3:9

Kuma kienhokio-phe ifuẋi ioso nga kà i bhana mizumbu ia zele, phala ene oso a tene ku hingila o dijina dia Jihova, phala ene oso a mu bhikile ni muẋima umoxi.

Jipoxolo 2:46

Izuua ioso a jiza ni muẋima umoxi o kubhongoloka jinga mu Tembulu ni kubukula o mbolo ku bhata, hé a kuata kúdia jinga kumoxi ni kusanguluka ni kubatama muẋima.

Jipoxolo 4:32

Kifuẋi kioso kia iá a xikana anga a kala muenhu umoxi, ni muxima umoxi. Kana-bhu muthu ua tena kuila ku jimbongo jê u jijila-ku kimbamba kuma kiê-muène, maji ene oso a kala ni ima ioso mu kisangela, anga enda ni ku di uanena na-iu ene oso mudiâ.

I Kolindo 1:10

Nga mi diondo-phe, jiphange, mu dijina dia Ngana ietu Jezú Kristu, kuila mu dʼivua jinga kiambote mu kuzuela, ki mu kale mu kudiuana-uana ku ibuka-ibuka mudienu. Inda mu kala kumoxi kiambote mudienu, mu kala ni kilunji kimoxi, mu fika kiene kimoxi.

Matendelelu 16:16

Mala oso mu kaẋi kenu a tokala kuiza lutatu ku muvu mu ku di bhakula bhu pholo ia Jihova Nzambi ié, bhu kididi bhuoso bhua solo muene; moxi, bhu fesa ia jimbolo ja hangâla; kadi, bhu fesa ia jisemana; tatu, bhu fesa ia jifundu; maji kana kuiza ni maku ahatu bhu pholo ia Jihova.

Afundixi 20:1

Kienhokio ana Oso a Izalaiele hé a tunda, kilombo kioso anga ki bhongoloka kala muthu umoxi ngó, tundé ku Dani katé ku Bele-seba, ni ixi ia Ngiliiade kumoxi, a bhongoloka kua Jihova bhu Mixipa.