Ejidala 2:68 - O Mikanda Ikola

⁶⁸ Amoxi-mu ku jitata ja mabhata, mu kuiza mʼonzo ia Johova, iala mu Jeluzaleme, a bhana mu vondadi iâ, maujitu phala inzu ia Nzambi, phala a i tunge dingi bhu kididi kiê.

Ejidala 2:68 ပူးပေါင်းရင်းမြစ်များ

I Malunda 21:18

Bhenhobho o anju ia Jihova phe uambela Ngade, uixi: Kà tangele Davidi, kuila a bande mù kuimikina Jihova kalatódio, bhu kididi kia kubhiatela kia Holonane, mukua Jebuze.

I Malunda 22:1

Davidi anga uamba, uixi: Kididi kiki kiene kia kà kala o inzo ia Ngana Nzambi, o kalatódio kaka kene ka kà kala kalatódio ka sata ia kuoha phala Izalaiele.

II Malunda 3:1

Solomá he uandeka kutunga o inzu ia Jihova mu Jeluzaleme, ku mulundu ua Moliia, kua di londekezele Jihova kua Davidi, tatʼâ, bhu kididi kia iudikile Davidi, bhu dizanzu dia Holona, mujebuzi.

Ejidala 2:67

Jikamelu jâ, hama jiuana ni makuinhi a tatu ni kitanu; jibulu, midi jisamanu ni hama sambuadi ni makuinhi a iadi.

Ejidala 2:69

Kala muthu kioso kia tena, a bhana phala jimbongo ja kikalakalu: ku ulu, makuinhi a samanu ni umoxi dia midi ia iphaka; ku phalata, kunema kuê ku kala midi jitanu ja halata ni hama ia izuatu ia jinganga.

Ejidala 3:3

Anga a xikika Kalatódio ku ibhuna iê (o ifikidilu iê), sumbala a kexile bhoxi dia uoma uavulu mukonda dia ku a zuididika kuala akua jixi mu jimbandu, Jihova hé a mu bhakuila muene jisata ku thandu diê mu kimene ni mu ngoloxi.

Ejidala 9:9

Mukonda etu tu abhika, maji mu ubhika uetu, eie u Nzambi ietu, ku tu ehelela; inda ua zale jihenda jé ku thandu dietu, etu tua bongo kiadi bhu pholo ia jisobha ja Pélesa, mbé o ku tu bhana dingi muenhu phala kubalumuna dingi o inzu ia Nzambi ietu ni kutunga dingi jingùndu jê, mbé a tu bhane kimbaka kia ku kondamena.

Jisálamu 110:3

Makuenze mé ma kà di bheka muene mu vondadi iâ, bhu kizuua ki u katula o kilômbo; ni kukemba kuazele, anʼé a kà tomboloka kala dimume dia lelu mu kimene.

Makatukilu 25:2

Ambela anʼa Izalaiele a ngi bhekele ujitu ua ku di fikisila. Ku athu oso a zanguka muxima iâ, mu kubhana ni kieha, kuene ku mu ngi tambuila ujitu uami.

Makatukilu 35:21

Anga eza, muthu uoso muxima uê ua mu tumu-kiu, ku nzumbi iê kua mu kala vondadi, a bheka ujitu ua Jihova, imbamba ia kuiudika balaka ia kutakanena, ia tokala mu kikalakalu kiê, ni izuatu iê ikola.

Makatukilu 35:29

Anʼa Izalaiele a bheka ujitu ua vondadi iâ kua Jihova; ni mala ni ahatu oso ala ni vondadi ia muxima, a bheka ima ioso ia tokala mu kikalakalu kia kuiudika ioso ia tumu Jihova kua Mozé.

Makatukilu 36:3

Eneʼá anga a tambula kua Mozé ujitu uoso ua bheka anʼa Izalaiele, o ima ia kuiudika imbamba ioso ia dibhezelu. Ene hanji-phe enda ni ku mu bhekela maujitu ma vondadi izuua ioso mu kimene.

II Kolindo 8:12

Kuma se sai muthu uandala kubhana, Nzambi u xikina o ujitu, kala muthu kioso ki ala na-kiu.

II Kolindo 8:3

Ngala ngi mbangi iâ, kuma ene a suku bhuoso bhu a tena, katé o bhuene bhu a tena a somboka-bhu. Maji a bhana mu vondadi iâ,

II Kolindo 9:7

Kala muthu a bhane uila kia mu kala mu muẋima uê, ka bhane ni kuluuala, mba mu ku mu bhinjika. Mbata Nzambi ua zola mukua kubhana ni ngalasa ioso.