Ejidala 2:65 - O Mikanda Ikola

⁶⁵ Abhikʼâ a mala ni a ahetu ka kexile-mu, kuma ió a kexile sambuadi dia midi ni hama jitatu ni makuinhi a tatu ni sambuadi; anga a kala ni hama jiiadi ja jingimba ja mala ni ja ahatu, akua kuimba.

Ejidala 2:65 ပူးပေါင်းရင်းမြစ်များ

II Samuuele 19:35

Leluʼidi ngala kiá mu makuinʼake a mivu, kifua ngi tena dingi kutungula kiauabha ni kiaiibha? Ki ngalʼiki, ngi mubhikʼé, ua fika kifua ngala kuívua dingi o kutouala kioso ki ngi dia mba kioso ki ngi nua? Kifua ngi tena dingi kuívua kiambote, o mázui ma jingimba ja mala ni jingimba ja ahatu? Ngi mubhikʼé, ngi di bhangela-hi ngó kimbamba kia ku ku nemena, kùku, ngana iami?

II Malunda 35:25

Jelemiia anga u bhanga mimbu ia thambi mu kudila Joziia; o jingimba joso ja mala ni ja ahatu anga a tenda Joziia mu mimbu iâ ia kudila, katé mu kizuua kia lelu. Mbata iòbhane, i kale mu jingonge ja Izalaiele; ni kiki iòsoneke mu madidilu.

Ejidala 2:64

Anga kilômbo kioso kiâ kienhiki, ki kala makuinhi a uana ni kiiadi kia midi ni hama jitatu ni makuinhi a samanu.

Ejidala 2:66

Jikabalu jâ, ja kexile, hama sambuadi ni makuinhi a tatu ni kisamanu; o jimula jâ, hama jiiadi ni makuinhi a uana ni kitanu.

Nehemiia 7:67

kutange dingi abhikʼâ a mala ni a ahatau, a tenene sambuadi dia midi ni hama jitatu ni makuinhʼatatu ni sambuadi, ió ki ene; anga a kala ni hama jiiadi ni makuinhʼauana ni kitanu kia jingimba ja mala ni jʼa ahatu.

Jisálamu 68:25

Akua kuimba a tuamena, akua kuxika a kaiela ku dima; a di ambatesa kumoxi ni ilumba a kuata kuxika o isaka.

Ndongixi 2:8

O phalata ni ulu anga ngi i bhaka ku maxita-maxita, ni makembu oso a jisobha ni ma akua jixi; nga dʼizalesa ue ni jingimba ni mala ni ahatu, ni ima ioso ia uabhela anʼathu kulu-dia-mundu; ndumba ia mala ni ahatu, ni ima ioso kiá ia kuxikila o mimbu ue.

Matesu 9:23

Kia zubha jezú kubhixila mʼonzo ia kilamba, u sanga akua kuxika jimbendu, ni mundu uoso ala mu bhaka jibuia, uixi:

Luka 12:45

Mubhika ió-phe, kià kela ku muẋima uê: Ngana iami ua kokoloka mù kuiza, anga u kuata kubeta abhika ni akuâ, a mala ni abhikʼa ahatu, ni kùdia ni kùnua ni kudodiua;