Ejidala 10:6 - O Mikanda Ikola

⁶ Ejidala hé u balumuka, u sondoloka ku pholo ia inzu ia Nzambi, anga u bokona mu xilu dia Nzuanane, monʼa Eiiiasibe; kia mu bhekela mbolo muenhomo, nguê kúdia; kia mu bhana menha, nguê kúnua; kuma ku muẋima kua mu xiialala ni kutondala kua iá a tundu mu ubhika.

Ejidala 10:6 ပူးပေါင်းရင်းမြစ်များ

Ejidala 10:1

Kioso Ejidala kia mu samba kiki, ni kufisala kuku, ni kudila, ua dizale bhoxi ku pholo ia inzu ia Nzambi, a di bongoluela kua muene, kionge kia dikota kia anʼa Izalaiele kia mala ni ahatu ni tuana tua ndenge mukonda mundu ua kexile mu ku dila ni kibulukutu kia dikota.

Ejidala 10:7

Anga a bhita ni ku ki boka, mua Juda ni mu Jeluzaleme, kuila eneʼoso a tundu mu ubhika a di bhongoluele mu Jeluzaleme.

Ejidala 9:4

Ene oso a kexile mu ku teketela o maka ma Nzambi ia Izalaiele, mukonda dia kutondala kua iá a tundu mu ubhika anga a ngi bhongolokela, eme-phe, kiene ki nga xikama ni kimbulambulʼiki kiene, katé mu kumbi dia Sata ia ngoloxi.

Nehemiia 12:10

Anga Jesuua u vuala Joiakime, o Joiakime u vuala Eiiiasibe, Eiiiasibe u vuala Joiada,

Nehemiia 12:22

Ku kua Leví mu izuua ia Eiiiasibe, a a sonekene kuma ene atumini mu mabhata ma jitata jâ, enhá: Joiada, ni Nzuanane, ni Jaduua, há a kala uâ jinganga, katé mu utuminu ua Dario, dia mukua Pélesa.

Nehemiia 13:28

Monʼumoxi ue ua Joiada, monʼa Eiiiasibe, o nganga ia dikota, ua kexile holomʼia Sambalate, dia mukua Hole, kia ngi bhingi ue nga mu kaiesa bhu mbandu iami.

Nehemiia 13:5

anga a mu bhangela xilu dionéne, mʼukulu mu a kexi mu bhaka o mibhaku ia mákudia, ni uasu ua dizumba, ni itutu, ni díjimu dia mbandu ja kakuinhi ja jimbundu, ni ia vinhu, ni maji, ima ioso ioio ia tumine kubhana akua Leví, ni jingimba, ni alangidi bhu mielu, kumoxi ue ni ujitu ua kubhuka ua jinganga.

Nehemiia 3:1

Anga nganga ia dikota, Eiiiasibe u balumuka, ni muene ni phange jê, o jinganga, anga a tunga o Muelu ua Jimbudi, a u lumbila, anga a u ta o mabhitu mê; a lumbila katé ni mbonge ia Meiah, ni mbonge ia kathondo, Hananele.

Nehemiia 3:20

Mbaluke, monʼa Zabai, anga mu kaiela mu kuiudika ni huii ioso, bhabha dikaẋi diê diengi, kutunda bhu thungi katé ki uia bhu muelu ua inzo ia nganga ia dikota, Eiiiasibe.

Jobe 23:12

Ku kijila kia mizumbu iê, tundeʼami ukulu kiluua ngi tunda-ku; o maka ma dikanu diê, ma beta ku ngi uabhela o kúdia kuami ndenge.

Jisálamu 102:4

Muẋima uami ua xoueta, ua lela muene kala iangu; ni kúdia ngó o kadikoka kami kua ngi jimbi kiá.

Makatukilu 34:28

Mozé anga u kala kuenhoko ni Jihova, makuinhi auana a izuua ni makuinhi auana a usuku; ka di mbolo, ka nu menha. Jihova anga u soneka ku ibasakasa ia matadi o maka eneʼá a kikutu, o kuinhi dia ijiia.

Izaía 22:12

O Jihova phe, Jihova dia Ilômbo Ieta, mu kizuua kiná ua kà mʼixanena kudila, ni kuta jingololo, ni dikongelu dia mítue, ni kuzuata jisaku.

Daniiele 9:3

Anga ngi lungulukila pholo iami kua Ngana Nzambi, mu ku mu sota ni musambu ni ku mu dionda, bhenhobho nga jidi, ngi di ta kidinhaji, ngi di kuua utókua.

Matendelelu 9:18

Anga ngi diʼumba bhu pholo ia Jihova, kala ki nga tuamene kiá kubhanga, ngi mukua makuinhi auana a makumbi ni makuinhi auana a usuku, ki bhua kúdia mbolo, ki bhua kúnua menha; dilamba diosoʼidi-phe kia di bheka o mulonga ua kituxi kienu ki mua lokalala na-kiu Jihova, ni ku mu thathamesa.