Ejidala 10:4 - O Mikanda Ikola

⁴ Eie-phe balumuka, mukonda uenji iú éʼmuene ua ku tokala, etu tua-ndu kala nʼeie kumoxi. Suína-phe nda u bhange kienhiki.

Ejidala 10:4 ပူးပေါင်းရင်းမြစ်များ

I Malunda 22:16

O ku ulu, ni phalata, ni kobidi ni felu, ni imʼii iala nzungule, kana-ku dialuilu diê; eie balumuka-phe u bhange o kikalakalu, o Ngana Nzambi akale ni eie.

I Malunda 22:19

Dibhakudienu-phe, kindala, ni muẋima uenu uoso ni muenhu uenu uoso mu kusota Jihova Nzambi ienu. Di iudikienu ue, nda mu balumuke, ni mu tunge o kididi kikôla kinéne kia Jihova Nzambi, phala o álaka ia kikutu kia Jihova, ni itutu iokolese ia Ngana Nzambi, eze na-iu mu inzo iii ia tembulu, ia-nda ku tungila o dijina dia Ngana.

I Malunda 28:10

Talesa-phe kindala, kuma Jihova ua ku solo phala u mu tungile o Tembulu iê Ikôla, Suina-phe, u bhange o kikalakalu.

I Malunda 28:20

Davidi anga uambela monʼê Solomá, uixi: Suina, u kale u kindanda, u kalakale. Ku kale ni hèle, mba u kala ni uoma. Mukonda o Jihova Nzambi, Nzambi iami, uanda kukala ni eie. Muène kanda ku ku xisa ubheka, mba u ku ehelela, katé ki u zubha o kikalakalu kioso kia inzo ia Jihova.

I Malunda 28:21

Tala, o ibuka ia jinganga ioio, ni ia Jilevita phala o ukunji uoso ua inzo ia Nzambi. O akalakadi phala kikalakalu kioso, uala na-u ue, athu ala ni kuijiia kuoso kua kubhanga kikalakalu kia ufunu uoso-uoso sai. Kiene ue ni ilamba ioso, ni mundu uoso phala o ima ioso i u tuma.

Ejidala 10:5

Ejidala bhenhobho hé u balumuka, anga u lokesa makota moso ma jinganga, ni jilevita ni Izalaiele ioso kuila a bhanga muene kala kiambe maka eneʼá; ene anga a loka muene.

Ndongixi 9:10

Kioso kia kuiza bhu maku phala ku ki bhanga, bhanga-kiu muene katé bhuoso bhua suku o nguzu ié, mukonda o mu mbila mu ua-nda kuia, kana-mu dingi kikalakalu, mba ufunu, mba uhete, mba kuijiia kuoso-kuoso.

Marku 13:34

Kia kela mukua ni muthu uaii mu uenji, kʼoxi iengi, u xa dibhata die, u lekela akua mbele, he u a uanena kala muthu ni kikalakalu kiê, o mukua muelu he u mu tuma o kulangidila.

Jihebeleu 10:24

Tu di xinganekienu mudietu, tu di suinise mu ku dizola, ni kubhanga o mbote.