Ejidala 10:3 - O Mikanda Ikola

³ Kindala-phe muene, tu ta kikutu ni Nzambi ietu, kuila, ahatu oso tu a senga, ni kioso kiòvuale kua ene kala kiambe kaiula ka Jihova, ni ka iá a kuata uoma ua ngonge ia Nzambi ietu, tu bhange kala kiambe o kitumu.

Ejidala 10:3 ပူးပေါင်းရင်းမြစ်များ

II Jisobha 11:17

Joiada anga u ta kikutu bhu kaẋi ka Jihova ni sobha ni mundu, phala ene kukala ngó mundu uangene ua Jihova; kiene kimoxi ue bhu kaẋi ka sobha ni mundu uene.

II Malunda 29:10

Kindala-phe mu muẋima mua mu ngi bhita kuila tu ta kikutu ni Jihova, Nzambi ia Izalaiele; phala o kutêma kua njinda iê ku tu somboke ni kuie kuengi.

II Malunda 30:12

Lukuaku lua Ngana Nzambi phe lua kexile mua Juda, lu lua a bhana muẋima umoxi ngó, mu ku bhanga ioso ia tumu sobha ni makota mê, kala kioso kia tange o kizuelu kia Jihova.

II Malunda 34:21

Ndenu mua kà ngʼibhuile kua Jihova, kua iá a subhuka mua Izalaiele ni mua Juda, ku thandu dia maka a divulu didi dia bongo; mukonda o njinda ia Jihova ia vulu ia lundulukila ku thandu dietu; mukonda o jitata jetu ka bhake o kizuelu kia Jihova, phala kubhanga ioso kala kia i soneka mu divulu didi.

II Malunda 34:27

Kuma o muẋima ué eie ua teketa, eie ua tolokela Nzambi, kioso ki uevu o maka ma tange kubhanga o kididi kiki, ni ió oso a tungu-bhu, eie ua toloka bhu pholo iami, eie ua tandula o izuatu ié, eie ua ngi didila, eme ue nga kuivu, kienhiki kiene kiambe Jihova.

Ejidala 10:11

Kiki-phe, di fisadienu kua Jihova Nzambi ia jitata jenu, mu bhange kioso kia mu uabhela muene; ki mu di bunde ni athu akua jixi jengi, ahatu a jixi jengi di muangununienu-nâ.

Ejidala 10:44

Ene osoʼâ a sakanene ahetu a jixi jengi; amoxi-mu a vuala-nʼâ, muene, ana.

Ejidala 10:9

Bhenhobho-phe, athuʼoso mua Juda ni mua Bejami, mu izuua itatu anga a di bhongoluela mu Jeluzaleme; mbeji ienhoio-phe iene ia kávua, mu kizuua kia makuinhi aiadi ku mbeji; mundu uoso anga a xikama ni kuteketa mu lumbu lua inzu ia Nzambi, ki mukonda ngó dia kima kienhiki maji ni mukonda ue dia mvula ia vudile kinéne.

Ejidala 9:4

Ene oso a kexile mu ku teketela o maka ma Nzambi ia Izalaiele, mukonda dia kutondala kua iá a tundu mu ubhika anga a ngi bhongolokela, eme-phe, kiene ki nga xikama ni kimbulambulʼiki kiene, katé mu kumbi dia Sata ia ngoloxi.

Nehemiia 10:1

Oso a jikile o kikutu ni kidimbu enhá: Nehemiia, dia nguvulu, monʼa Hakaliia, ni Zedekiia,

Nehemiia 8:14

Anga a sanga mu kitumu muòsoneke kuma, Ngana ua tumine, mu ukunji ua Mozé, kuila anʼa Izalaiele, mu izuua iangene ia fesa, ku mbeji ia kasambuadi, a kala mu jifundu.

Nehemiia 9:38

O mukonda dia ima ioso iii, tua te kikutu kia kidi, kʼi tua soneka; ni ilamba ietu, ni jilevita jetu, ni jinganga jetu, ia a ki jika ni idimbu iâ.

Jisálamu 119:120

Xitu ja ngi teketa mukonda dia uoma ué, kuma o kufundisa kué, Ngana, ku kôla.

Jisálamu 119:59

Nga xinganeka kuoso ku ngi bheka o jinjila jami, ngixi-phe kota inama iami i kutuke mu kaiula ké.

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Izaía 8:20

Inda tuila: Ku Kitumu ni ku Umbangi; ene se nguauá kuzuela kala kiambe o kizuelu kiki, o mukengeji ua kimene ka kà u mona.

Izekiiele 9:4

Ngana hé u mu ambela, uixi: Bhita mu kaxi ka mbonge, muʼaxaxe ka Jeluzaleme, u te kidimbu bhu mabhômo ma athu oso a mu di tula muenhu ni kukema, mukonda dia isunji ioso iaiibha ialuʼia ni kubhanga athu mu kaxi ka mbonge mumu.

Matendelelu 29:12

phala ene oso a bokone mu Kikutu kia Jihova Nzambi ié, ni mu mulôko uoso uate Jihova Nzambi ié nʼeie lelu.

Josuué 9:6

Anga eza kua Josuué, bhu kibangu bhu Jidingale, anga a mu ambela, ni muene ni mala a Izalaiele, kuila: Tua tundu ixi iadikanga; ndokuenu, mu te kiá kikutu nʼetu, kindala.