Ejidala 10:11 - O Mikanda Ikola

¹¹ Kiki-phe, di fisadienu kua Jihova Nzambi ia jitata jenu, mu bhange kioso kia mu uabhela muene; ki mu di bunde ni athu akua jixi jengi, ahatu a jixi jengi di muangununienu-nâ.

Ejidala 10:11 ပူးပေါင်းရင်းမြစ်များ

II Malunda 30:22

Ni kulenduka kuoso, Ezekiia anga u zuelesa jilevita joso a kexile ni kilunji mu kuijiia kiambote Jihova. O maujitu ma fesa anga a ma dia mu sambuadi dia kizuua, ni kubhakula maujitu ma uembu, ni kuximana Jihova, Nzambi ia jitata jâ.

Ejidala 10:10

Nganga Ejidala bhenhobho anga u balumuka, u a tangela, uexi: Enu mua tondala, mua sakana ni ahatu a jixi jengi; mulonga ua Izalaiele mua u vudisa.

Ejidala 10:12

Kionge kioso anga etaia ni mázui ma suína, exi; Kiene muene! Kioso ki ua tange, kiene muene kia tu fuama kubhanga.

Ejidala 10:3

Kindala-phe muene, tu ta kikutu ni Nzambi ietu, kuila, ahatu oso tu a senga, ni kioso kiòvuale kua ene kala kiambe kaiula ka Jihova, ni ka iá a kuata uoma ua ngonge ia Nzambi ietu, tu bhange kala kiambe o kitumu.

Ejidala 9:1

Kiabhu-phe ima iii, kua ngi sange adiakimi, exi: O kifuxi kia Izalaiele, ni jinganga ni jilevita ka di tungula bhuma ni akua jixi jengi mu ku kasana kua akua Kanana, ni akua Hiti, ni Jipelezé ni Jijebuzé, ni akua Amone ni akua Mouabhi ni akua Ijitu ni Mamole.

Nehemiia 13:3

Kia bhiti-phe kuma, mu kuívua o kituimu kiki, a tungula athu oso a di fungile mua Izalaiele.

Nehemiia 9:2

Anga muiji ua anʼa Izalaiele u di sandula mu matumbu oso a kexe muʼaxaxi kâ, hé a dʼimanena, anga mu kudifisala a kuata kuditanga o ituxi iâ, ni ikuma ia jitata jâ.

Jisálamu 32:5

Ngixi-phe: Kota ngi di xikina kituxi kiami ko koué, o kuêla kuami ki ngi ku sueka; o ki ngedi ngi fisala kutondala kuami kua Jihova, eie kindala ua ngi loloka o kituxi ni mulonga.

Jisabhu 28:13

Muthu uoso u vunga o ikuma iê, katena kubhanduluka; maji muthu uoso-phe ikuma iê u i fisala, anga u i ambula, ió hinu a mu kuatela henda.

Izaía 56:4

Mbata Jihova uambe: Jingolambole joso, jene kualuka jisabhalu jami, anga a tungula ioso ia ngi uabhela eme, nʼa tambulula kikutu kiami ni vondadi.

Jelemiia 3:13

Hé kima diẋikine ngó kikuma kié: ki ua tondalela Jihova Nzambi ié, eie ua lebhesa o jinjila jé katé kua akua jixi jengi, bhu makota a mixi ioso ia uisu; eie ua kambe ku bhana matui ku dizui diami, kiene kiambe Jihova.

Jelemiia 7:3

Jihova dia Ilombo Ieta, Nzambi ia Izalaiele, uambe kiki: Iukisenu o jinjila jenu ni ikalakalu ienu, nda ngi mi tungise mu kididi kiki.

Izekiiele 18:30

Kala kiki, Jihova Nzambi ua tange, uixi: Enuʼenuʼoso, nga-nda ku mi fundisa kala muthu kioso kia fuama mu njila jê, enu mu dibhata dia Izalaiele; zenu-phe mu diele ku itondalu ienu ioso, o ikuma ienu ki i mi kale kidibhukanu.

Nzuá 9:24

Bhenhobho jifalizeu jʼixana lua kaiadi o muthu ua kexile kifofo, anga a mu ambela, exi: Fumanesa Nzambi. Etu tuejiia kuma muthu ió mukua-ituxi.

Loma 12:2

Ki mu kaiele o funza ia mu ngongo mumu, maji ehelenu Nzambi a mi kitule kiengi, katé kilunji kienu kieza ku ubhe. Phala mu tongolole ioso o vondadi ia Nzembi, iauabha, ia ujitu, iatenena, i mu uabhela kiambote.

II Kolindo 6:17

Ngana muène uixi, dingi: Uila kiki, Tundenu mu mundu uâ, mu di kalele, eme ngi Ngana. Kana kubabata kima kia ufusa, eme nda ngi mi tambulule.

Kolose 1:10

Phala mu kale mù kuenda kioso kiandala Ngana, ni kubhanga jinga ioso ia mu uabhela kiambote muène. Muandù kuima ibundu mu ikalakalu iambote, hé muenda ni kukula mu kuijiia kua Nzambi.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.

Josuué 7:19

Josuué anga uambela Akane, uixi: Monʼami, nga ku diondo, bhana fuma kua Jihova, Nzambi ia Izalaiele, u fisale bhu pholo ia muene; ngi tangele kioso ki ua bhange; kana ku ngi dingila-kiu.