Ejidala 1:2 - O Mikanda Ikola

² Silu, sobha ia Pélesa, uambe kiki: Jihova, Nzambi ia maúlu ua ngi bhana maútuminu moso mu ngongo, iú ua ngi tumu ku mu tungila inzu mu Jeluzaleme, mbonge iala mua Juda.

Ejidala 1:2 ပူးပေါင်းရင်းမြစ်များ

I Jisobha 8:27

Maji, ku kidi-phe, Nzambi mbé u tunga mu ngongo? Eie ua lembela maúlu, ni diulu dia maúlu, ku tena kusoka-ku, kuambe dingi o inzo iii i nga ku tungila eme!

II Malunda 2:12

Anga Hilamu uamba dingi, uixi: A tane-ku! Jihova Nzambi ia Izalaiele! Ua bhaanga o diulu ni ixi; Muene ua bhana kua Davidi mona uejiia; njimu iònene, ua xitunuka kiavulu mu thulu, a tunge inzu phala Jihova ni inzu ia utuminu uê muene-muène.

Ejidala 1:5

Bhenhobho jitata ja mabhata ma Juda ni Bejamí anga a balumuka, ni jinganga ni jilevita ni oso kiá a a tonesa o nzumbi moxi kuala Nzambi, phala ku banda mu kutunga inzu ia Jihova iala mu Jeluzaleme.

Ejidala 3:7

Hé a bhana-phe ue kitadi ku akua kubatula ni akua ufunu ua kusonga mabaia kumoxi ue, ni kúdia ni kúnua ni maji ku akua Sidone ni akua Tilu phala kututa ku Libano miẋi ia misédulu, kuijiia na-iu mu kalunga ku Jopa, mukonda kiene kia di kundu ni Silu, sobha ia Pélesa iu ua ehelela ku ki bhanga.

Ejidala 4:3

Bhenhobho-phe ni Zolobabele ni Jesuua ni amukuá dingi, o jitata ja mabhata ma Izalaiele, a a vutuila, exi: Ki ki fuama kuila ni enu ni etu tu tunga kumoxi o inzu ia Nzambi ietu; etuʼene muene, ubheka uetu, tua-nda ku i tungila Jihova, Nzambi ia Izalaiele, kala kia tuʼambela Silu, sobha ia Pélesa.

Ejidala 5:15

Anga u muʼambela, uexi: Tambula itutu iii, ndé, ka i beheke mu tembulu iala ku Jeluzaleme; hé uà kà bhangesa kuila inzu ia Nzambi a i tunga dingi bhu kididi kiê kiʼokulu.

Ejidala 6:10

Phala a bhakule jisata ja dizumba dia mbote kua Nzambi ia diulu, nda a sambele ue muenhu ua sobha ni ua tuana tuê.

Ejidala 6:3

O sobha Silu, mu muvu uê ua dianga, ua bhana ngonge iii: Mu kuzuela ku inzu ia Nzambi mu Jeluzaleme, ia fuama ku i tunga phala kididi kia ku bhela jisata; o madisesa mê ma kola muene; o kitala kiê, makuinhi a samanu a kóvadu; o kuzanza kuê, makuinhi a samanu a kóvadu; ni mikalatata itatu ia matadi a makota, ni umoxi ua miẋi ia ubhe.

Ejidala 7:12

Artaxexe, sobha ia jisobha, kua nganga Ejidala, musoneki ua kitumu kia Nzambi ia diulu; kala ni kutululuka kua kidi!

Nehemiia 1:4

Anga ki bhita kuma, eme mu kuívua o maka iá, nga xikama hanji anga ngi dila, anga ngi bhita izuua muene ni dilamba; anga ngi kuata kujila ni kusamba bhu pholo ia Nzambi ia diulu.

Nehemiia 1:5

Ngixi; Ngana tata, u Nzambi ia diulu, Nzambi ia dikota, u kuatesa uoma! Uene mu bhaka o kikutu ni kulendukila ió oso a kuzola anga a bhaka o ijila ié;

Jisálamu 136:26

Mbàmba, sakidilenu Nzambi ia diulu; kuma kulenduka kuê ki kuene kúbhua.

Jisálamu 85:2

Mundu ué, ua a loloka o kuêla kuâ, o ituxi iâ ioso ua i vungina. (Selah.)

Jisabhu 21:1

Muẋima ua sobha, bhu lukuaku lua Jihova, mukuâ ni milombo ia menha; kuoso kua solo muene, kuene kua u lungisa.

Izaía 41:2

Mukuahi ua takanene muthu uaiuka ku thunda, iu ua mu bheka bhu kinama kiê? Mukuahi ua tula o ifuẋi bhu pholo iê, iu ua mu mu bhangesa kutumina o jingana? O muene iu ua a bhakula ku xibhata iê kala fufuta, ua a seiela ku mufula uê mukuâ ni ibhiate ia di-ambatesa ni kitembu.

Izaía 44:26

Eme-muène ngi kuatesa o kizuelu kia selevende iami, ngi kumbidila ulongelu ua jiphunga jami; ngambela Jeluzaleme ngixi: Eie a kà ku tunga dingi; ngambela madiembu ma Juda, kuma: Enu a kà mi tunga lua mukua, eme ngi some dingi jingundu jâ.

Izaía 44:28

Anga ngi tanga Silu kuila: Muenhó kabhila kami, muene ua kà kumbidila o vondadi iami ioso ia ngi uabhela; ngambela ue Jeluzaleme ngixi: Tunga-soma; o Tembulu, ue, ngixi: Tunga dingi o madisesa mé!

Izaía 45:1

Jihova uambe kiki, kua muthu uê a mʼundu ni maji, muene Silu, muthu nga mu kuata mu lukuaku lua dilu, phala muene a ngi toluele o ifuẋi bhu pholo iê, anga jisobha ngi ji sokomona miongo, phala ku mu jikuila mabhitu; mabhitu a bhingi kuila ka kà ma jika dingi.

Izaía 66:1

Jihova uambe kiki: O diulu kiandu kiami, oxi kibhuna kia inama iami; enu mu ngi tungila onzo ia kidifua kiahi? Kididi ki kuebhi ki ngi nhohena?

Jelemiia 10:11

A tangedienu kiki: O jinzambi joso ja kambele ku bhanga maúlu ni oxi, ja-nda ku jikinina kulu dia mundu, ni bhoxi dia diuluʼabha jijimuka-bhu.

Jelemiia 27:5

Eme nga bhange oxi, ni muthu, ni iama iala ku thanduʼa mavu mu ngongo, ni kutena kuami eme-muène, ni lukuaku luami lua nguzu, hé ngi i bhana ue uoso ua ngi uabhela ku mesuʼami.

Jelemiia 29:10

Mukonda Jihova uambe kiki: Ni kidi kiene, hádia ki mu zubha kutenesa makuinhi sambuadi a mivu mu Babilonha, nga-nda ku mi zungila, o kizuelu kiami kiambote kokuenu, nga-nda ku ki kumbidila muene, hé ngi tona ku mi bheka dingi bhu kididi kiki.

Daniiele 1:21

Kienhiki Daniiele anga unakina muenʼomo katé mu muvu uadianga ua sobha Silo.

Daniiele 2:21

Muene u sondolola o jithembu ni ithangana; muene mukua kutulula o jisobha ku ungana mba u a tudika-ku; muene mukua kuila jinjimu u a bhana unjimu, akua kilunji u a bhana o kuijiia ni uhete.

Daniiele 2:28

Sai-ku Nzambi ku diulu, muene mukua kujingununa ijinganu ioso; muene-phe ua-tumu kuijidisa sobha Nabukodonozolo kioso kia-nda kuiza-ku mu izuua ia sukidila-ku; o nzoji ié ni isuma i ua diuana ki uele ku kilu bhu hama ié, ienhiʼii:

Daniiele 4:25

Kala kiki, muʼaxaxi ka athu, a-nda ku ku tubhula-mu anga utunga ni jixitu ku mukáu, a-nda ku ku disa iangu mukuâ ni ngombe, mbundu ia bhulu ia-nda ku ku sukila anga i ku betesa muene; anga unakina sambuadi dia jithembu ji bhita kuthandu dié kienhiki; katé ki u kʼijiia kuamba mbé Suke-ku muene u tumina ma-usobha ma athu, muene u ma bhana uoso ua mu andala.

Daniiele 4:32

A-nda ku ku kaia, o muʼaxaxi kʼathu u tunda-mu, inda utunga kiá ni iama ku mukáu; a-nda ku ku disa iangu kala ngombe, anga ukala kienhiki katé kua ku bhiti sambuadi dia jithembu, anga ki ku tetulukila kuamba, o Suke-ku mbé muene uene kutumina ma-ungana ma athu, uoso ua mu andala muene, muène a mu bhana-u.

Daniiele 5:23

Eie ua di zangeleka, kua xila Ngana ia diulu, o itutu iaʼnzo iê a ku bhekela-iu eie; eie-phe, ni ilâmba ié, ni akajiʼé, ni akamʼé, muene mu mua kuata kunuina o vinhu. Eie ua te-ku dingi o kuximana jinzambi ja phalata, ni ja ulu, ni ja ngòndo, ni ja jifelu, ni ja miẋi, ni ja matadi, o jene ki ji tena kumona, ki ji tena kuívua, ki jʼejiia kima, jedi ngó ni jene hudí; maji o Nzambi, uoso ua ku kuata o muenhu ué ni jinjila jé joso, ji uenda, muenhú kua xikina ku mu jingisa.

Daniiele 6:25

Kienhiki sobha Ndala u sonekena miji ioso, ni ifuẋi ni athu akua madimi moso ma tunga kulu dia mundu kuila: O paze i mi vudile.

Jona 1:9

O muene u a tangela uixi: Eme ngi Hebeleu, ngene mu kubheza Jihova, o Nzambi ia diulu, ua bhanga musanza ua kalunga nʼoxi ia kukuta.