Efezo 6:9 - O Mikanda Ikola

⁹ Enu uenu mu jingana, ima iene imoxi i mu bhanga o abhikʼ enu, kana kuia ni ku a kusa. Kuma mua kʼ ijiia kuila ku diulu sai-ku Ngana iâ, muene ue Ngana ienu, o muène kene ni katungu ka athu.

Efezo 6:9 ပူးပေါင်းရင်းမြစ်များ

Nehemiia 5:5

Suke-phe, atuenhoso tu akua xitu imoxi, kuma etu ni akua muiji ua Juda, tu jiphange; o anʼetu úe a sokuʼâ ngó ni anʼâ ene; talesa, o kiki anʼ etu a mala ni anʼetu a ahatu tu a bhakula mu ku kala abhika; tua suku mu kuila amoxi mu anʼetu a ahatu ejidila kiá ni ubhika, o kia ku akula na-kiu, bhu makuʼetu, tua ki lémbua; mukonda athu amukuá a tambula kiá o jixi jetu ni mivide ietu, iii iala kiá bhu maku ma athu engi.

Jobe 34:19

Kuambe dingi ió kene ni kubhanga katungu ka uthu ua ilamba, mba mvuama u beta ku mu bhana ujitu, o jingadiama nʼa kala ndenge; kuma enʼoso kikalakalu kia maku mê.

Jisálamu 140:12

Ngejiia kuma Jihova u fundila jinga ió uoso a mu tatesa, u tetuluila ió uoso ua bhindama.

Ndongixi 5:8

Se u mona mu ixi o jingadiama a ji tatesa, o kusuína anga kukala bhu kididi kia kufundisa ni kubatuila o milonga, eie-phe kienhókio ku di uanekiu; mukonda muthu né uala ditala dionéne, sai-ku ue a mu tundu, o ió uâ sai-ku dingi a beta, a a tundu ue ene. Maji sai-ku Umoxi ngó ua tundu enhoso, ua-lu tumina mu ngongo ioso.

Izaía 47:6

Nga thathamana kiavulu ni mundu uami, undundu uami nga u kasanesa, eme nga ku bhakuila-nâ bhu lukuaku lué; eie-phe ngué ku a kuatela jihenda, katé ni ikulakaji, akuka, ua a tuika kimbamba kia neme.

Daniiele 3:15

Kiki-phe, hé kia mi tetulukila kiá, enu muala kiá polondo, kioso ki mu ívua mbimbi ia buzina, ni ia mbèndu, ni ia kakoxi, ni ia mbànza, ni ia kisanji, ni ia ngaieta ia jiphukila, ni maxikile oso a kuxika, anga mu diunda hé mu bheza o kiteka ki nga iudika, kiauabha! O ki muila, nguenu ku ki bheza, mu kithangana kienhokio muene, a-nda ku mi takuila mu kijiku kia túbhia tua muzukuta; Nzambi kuxi-phe ua-nda kutena o ku mi kudila bhu lukuaku luami?

Daniiele 3:6

Uoso u kamba kufukama ni ku ki bheza, mu uola ienhoio a-nda ku mu takuila mu kijiku kia uama túbhia tua muzukuta.

Ijila 19:13

Mukuenu kana ku mu bhondeleka, mba uenda ni ku mu nhana imbamba iê; o futu ia ngunza, kana ku i bhaka ni ikala nʼeie katé mungu ki kúkia mu kimene.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Matesu 22:10

Jiselevendeʼojo anga ji tunda mu ikoka, ji bhongolola athu oso-oso a a mono, aiibha ni auabha. O ku inzu ia ukaza anga kuizala asonhi.

Matesu 22:8

Muène anga u ambela jiselevende jê, uixi: Ukaza uala polondo, asonhi-phe tua exanene, ka fuamene ku a bhanga-kiu.

Matesu 24:48

Selevendeʼoio iaiibha-phe, kià kela ku muẋima uê, uixi: Ngana iami, ki lelu eza!

Matesu 24:51

Anga u mu bhana kibetu kiavulu, u mu bhana kididi ni akua mangonha. Kuene kuà kala o kudila ni ku di kokota ku mazu.

Matesu 7:12

Kala kiki, ima ioso-phe i mua mesena kuila athu a mi bhanga-iu enu, iene ue muene i mua bhanga ene; mbata kiene kia jimbulula o Kitumu kia Mozé ni milongi ioso ia jipolofeta.

Luka 6:31

Kioso ki mua mesena athu a mi bhanga-kiu enu, kiene ue muene ki mu a bhanga ene.

Nzuá 13:13

Enu mua mu ngʼ ixana Mesene, mua mu ngʼ ixana Ngana. Kidi-phe ki mua zuela, mukonda eme-muène-muene.

Jipoxolo 10:34

Phetele anga u kuata kuzuela, uixi: Kia kidi kiene, nga mono kuma Nzambi kene ni kathombo ka athu.

Loma 2:11

Mukonda kua Nzambi ki kuene katungu ka athu.

I Kolindo 1:2

tua soneka o mukanda iú phala Ngeleja ia Nzambi iala mu Kolindo, kiene-phe, oso kiá a a kôlesa mua Kristu Jezú, a exana phala kukala mundu ua Nzambi. Mukanda iú uosoneke ue phala oso kiá akua kuhingila mu dijina dia Ngana ietu Jezú Kristu mu ididi ioso, Ngana iâ ene, Ngana ietu-etu.

I Kolindo 7:22

Kuma uoso a mu ixana kuala Ngana mu ubhika muala, ua biluka fôlo ia ngene ia Ngana. Kiene ue kimoxi o muthu uala fôlo a mu ixana kuala Kristu, uala mubhikʼ a ngene a Kristu.

Matendelelu 10:17

Kuma o Jihova Nzambi ienu, muene o Nzambi ia jinzambi, muene Ngana ia jingana, muene Nzambi ngó Suke-ku, o uzonda uê uvula, ukuata uoma, ka moneka kathômbo kʼathu, ka xikina ku mu futila.

Kolose 3:25

Uoso-phe u bhanga phulu, ua kà tambula dingi kia fuama mu phulu iê ia bhange. Mukonda athu oso Nzambi u a fundisa kiene kimoxi, mbata kuene kana-ku katungu kʼathu.

Kolose 4:1

Enu jingana, kalenu ni muanu ua kubhana abhikʼenu kioso kiaiuka kiasokela. Kuma muejiia kuila enu uenu sai Ngana ienu ku diulu.

Tiiaku 2:13

Mukonda o Nzambi kia kà fundisa, ka kà lendukila athu ió a kambele kukala ni henda ia akuâ. Maji o kukuatela henda kua somboka o kufundisa.

Tiiaku 2:8

Enu-phe se mu kumbidila o Kitumu kia Utuminu mua bhange kiambote kala kia mi fuama o kubhanga. Mbata a ki soneka mu Mikanda Ikôla, exi: O mukuenu u mu zola kala ki ua di zola eʼmuène.

Tiiaku 5:4

o futu ia jingunza ja kalakala mu mabhia menu, mua emina-iu. O mu kuditenda kuâ ivenu kia-lu dikola! O mitendu ia enhó a munu o mabhia menu, ia bokona mu matui ma Ngana Nzambi, Muteni-a-Ioso.

I Samuuele 15:17

Samuuele uixi: Sumbala eie ua tolele ku mesu mé eʼmuene, maji a ku zangeleka-ze mù kala u mutue ua miji ioso ia Izalaiele; Jihova iú ua ku undu kukala u sobha iâ?