Efezo 6:6 - O Mikanda Ikola

⁶ Kana kukumbidila ngó kioso ene kia kala ku mi tala mesu, kala mualù sota ku di uabhesa ku athu. Maji muila kala mu abhika a Kristu, mualù bhanga o vondadi ia Nzambi ni muẋima.

Efezo 6:6 ပူးပေါင်းရင်းမြစ်များ

Jelemiia 24:7

Anga ngʼa bhana muẋima phala nʼa ngʼijiia, mbata eme ngi Jihova; ene a kà kala mundu uami, eme nga kà kala ngi Nzambi iâ; mbata a kà bilukila kokuami ni muẋima uâ uoso ua muvimba.

Jelemiia 3:10

Hanji-phe, o phèke-phèke ia phangiʼé na Juda, o muʼaxaxi ka ima ioso iii, ngué kuvutuka kokuami ni muẋima ua kidi, maji ua vutuka ngó makutu, Jihova ua ki tange.

Matesu 12:50

Mbata uoso u bhanga o vondadi ia Tata iami uene mu diulu, muène phange iami ia diiala, muène phange iami ia muhatu, muène mamʼetu.

Matesu 7:21

Ki ene oso a ngʼila Ngana, Ngana, a kà bokona mu mbanza ia diulu; kikale ngó ió u bhanga o vondadi ia Tata iami uene mu diulu.

Marku 3:35

Kuma uoso u bhanga vondadi ia Nzambi, muéne phange iami ia diiala, muéne phange iami ia muhatu, muéne mamʼetu.

Loma 6:17

Maji tu sakidilienu-phe Nzambi, mukonda sumbala mua kexile mu abhika a ituxi, o kiki mua tumaka ni muẋima uoso o phangu ia ulongelu iú u mua tambula kunu ku mua sambuka.

I Kolindo 7:22

Kuma uoso a mu ixana kuala Ngana mu ubhika muala, ua biluka fôlo ia ngene ia Ngana. Kiene ue kimoxi o muthu uala fôlo a mu ixana kuala Kristu, uala mubhikʼ a ngene a Kristu.

Ngalásia 1:10

Manhi ki ngalʼ iki, ngalù sota ngó kukala mu ujitu ua athu? Lémbua! Kuma o ki nga solo eme, o ujitu ua Nzambi! Mbé kifua ngalù sota ngó kuuabhela athu? Se nga kexile mù uabhela ngó athu, ki ngejù kala dingi ngi selevende ia Kristu.

Efezo 5:17

Kana kukala-phe mua tobho, maji mu tongolola ioso o vondadi ia mi mesena Nzambi o kubhanga.

Filipe 2:12

Uila kiki, enu akuetu, kuma enu mu akua kutumaka jinga, kana ngó bhu pholo iami kioso ki ngi kala-bhu maji mua fuama mu kala dingi kota mu ku ngi tumaka, kiki ki nga tundu-bhu. Mu kieniiki, tutumbenu ni ujitu uoso ni uôma, phala mu mone o kubhuluka.

Kolose 1:9

Mukonda dia kiki, etu uetu, tunde kizuua ki tua kʼivu, tua kuata kusamba kua Nzambi sé kufula, ni ku mi bhingila enu. Tua mu bhinga kua Nzambi, phala enu muizale ni kuijiia kua kutongolola o vondadi iê muene, ni unjimu ua kutongoloka koko kuene mú bhana o Nzumbi ia Nzambi.

Kolose 4:12

Epafala muthu ua mi tokala mudienu kuenhoko, mubhika ua Jezú Kristu, ua mi menekena. Muène mukua ku mi bhângela luavulu mu kusamba kuê kua Ngana. Uene ku mi bhingila jinga phala Nzambi a mʼimike mu Maka mê, a mi bhane kukala mu adiakime mu nzumbi, ni kukala polondo ia kubhanga o vondadi ia Nzambi.

I Tesalonika 2:4

Inda tua mu tanga o Maka kala kia mesena Ngana. O Nzambi-phe, kia tu mono ni ufiiele, ua tu lundisa o Njimbu Iambote, phala tu i tange kuoso, kala ki tuene kiá mù zuela; kana mu kuuabhela athu, maji mu kuuabhela Nzambi u tena kulola miẋima ietu.

I Tesalonika 4:3

Kuma o vondadi ia Nzambi ienʼ iii, kuila: Mu zela muẋima, o undumbu mu ueha.

Jihebeleu 10:36

Mua bhingi mu kala ni kinhenge, kuma ki mua kà zubha o kubhanga vondadi ia Nzambi, mua kà tambula polomesa iê.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.

I Phetele 2:15

Kuma iene o vondadi ia Nzambi, kuila enu mu kubhanga kiambote mu belesa jisemenhi ji tanga o uoua.

I Phetele 4:2

Kala kiki, o thembu ienu ia mi xala-ku mu xitu, ki mu ende dingi mu jihânji jaiibha ja athu, maji kiá mu vondadi ia Nzambi.

I Nzuá 2:17

O mundu-phe u buila, ni ima iê ioso iene mu kuinda athu. Maji uoso-phe u bhanga o vondadi ia Nzambi, ió muène o muthu u nangenena.