Efezo 6:2 - O Mikanda Ikola

² Ẋila tatʼ enu ni mamʼ enu, kiene o kijila kia dianga ni polomesa,

Efezo 6:2 ပူးပေါင်းရင်းမြစ်များ

Makatukilu 20:12

Bhana ujitu kua tatʼenu ni mamʼenu, phala izuua ié i vule, mʼoxi i ku bhana Jihova, Nzambi ié.

Jisabhu 20:20

Uoso u xinga tatʼâ mba mamʼâ, mvela iê ia kà jima, anga u xalela mu kitombe ki bheka kikote.

Jelemiia 35:18

O ku dibhata dia Jelekabita, Jelemiia uixi; Jihova dia Huxi, Nzambi ia Izalaiele, uambe kiki: Mukonda mua tumaka kijila kia Jonadabe, tatʼenu, enu mua bhake ijila iê ioso, enu mua bhange muene kala kia mi tendelesa muene,

Jelemiia 35:7

Ki mua kà tunga inzu, mba mu kuna mbutu, mba mu phapha miẋi, mba mu kala ni dibhia dioso-dioso dia mivide; maji izuua ienu ioso mua kâ tunga mu jifundu ja jibalaka, mbé mu kole muenhu mu ndumba dia izuua kulu-dia-mundu, ku muala kuenda ni kunhunganena.

Izekiiele 22:7

Ni tata ni mama a di tunina jinga na-u momué; o ngenji a mu bhondelekela jinga momué; o hukunhu ni mutudi momué a a talesela-mu hadi.

Malakiia 1:6

Mona u xila tatʼâ, o mubhika u xila nganga iê; Eme-phe, se ngi Tata, o ujitu ua ngi fuama, iú kuebhi? Se Eme ngi ngana ienu, o uoma ua ngi tokala, iú kuebhi? Eme ngi Jihova dia Ifuẋi, ngambela enu mu jinganga mua-lu dituna kuxila Dijina diami. Enu-phe muexi: Mu kima kiahi etu mu tua ditunu o kuxila Dijina dié?

Loma 13:7

Kala kiki, bhanenu-phe kua ene oso kioso ki mua tokala ku a bhana: Lubhaku kua ió ua tokala o lubhaku; dijimu kua ió ua tokala o dijimu; uôma kua ió ua tokala uôma; ujitu kua ió ua tokala o ujitu.

Efezo 6:3

phala ioso i kuende kiambote, u kole muenhu mu ngongo.

Matendelelu 27:16

Lamba dia ió uoso u lebhula tatʼâ mba mamʼâ! Mundu uoso-phe a kèla: Amén!

Matendelelu 5:16

Bhana ujitu kua tatʼenu ni mamʼenu, kala kia ku tendelela Jihova Nzambi ié, nda u vule izuua ia kukola muenhu mu ngongo, u tunge usome mʼoxi ia ku bhana Jihova Nzambi ié.

I Timote 5:4

Mutudi uoso-phe uala ni anʼê, mba alaula, ene a diange kuidikiza o ubhezelu uâ mu jindandu ku bhata diâ. Kuma mu kubhanga kiki, ene uâ ende ni kufuta ku mbote ia tambula jinga ku jitata jâ ni ku jikuku, mukonda o Nzambi kia mu uabhela kienhiki.