Efezo 6:11 - O Mikanda Ikola

¹¹ Zuatenu kibhakatu kioso kia mi bhana Nzambi, phala mu di fikidile mu kubhânga ni jindunge joso ja Diabhu.

Efezo 6:11 ပူးပေါင်းရင်းမြစ်များ

Nehemiia 4:13

Eme-phe anga ngi ta alangidi a suama bhoxi ku dima dia kimbaka ni ku matala bhulu; anga o kifuxi nga a uana-uana mu mabhata-mabhata a maneka ni mikuale iâ, ni ngumba jâ, ni honji jâ.

Marku 13:22

Mukonda kua ka tukuluka ji-Kristu ja makutu, ni jipolofeta ja makutu, a kèdikiza isuma ni madiuanu, phala a tàmbe kate ni anʼ angene a solo Nzambi, se ki xikina ku ki bhanga.

Loma 13:12

O usuku iú batuka, kua kambe ngó kuma kukia. Kala kiki, tu ehiʼenu kubhanga o imbamba ia usuku. Tu maneke o mata ma kulua-nâ mu muanha.

Loma 13:14

Maji kuatenu o mata a Ngana Jezú Kristu, o xitu ki mu i te dingi muẋima, kuila mu kaiela ngó kubhanga o jihanji jê.

I Kolindo 10:13

O jitendasa jene mù kuiza kokuenu, jene jimoxi ni jala kulua na-ju akuenu oso. Maji o Nzambi-phe kizuelu kiê u ki kumbidila, kehela ku mi diangula kia tundu o nguzu ienu. Maji kioso kʼ iza o mudiangu, Nzambi u mi bhana nguzu phala mu tene kubhalakata, ni ditundilu dia kutena kubhita.

II Kolindo 10:4

O mata metu ma ita ki ma tokala mu ngongʼumu, maji mata ma nguzu ni kutena kua Nzambi ma tena kubula o imbaka. Tu lundumuna ikutu ia makutu,

II Kolindo 11:3

Maji kala Eva kia mu nganalele kuala o nhoka ni makutu mê, eme uami ngala ni hele, sumba ku matelu-matelu, enu uenu ilunji a mi juualesa-iu, nʼa mi katule o kubheza Kristu mu kuzela ni kuiuka.

II Kolindo 2:11

Eme ngi loloka, mbebhu Satana ka tu bhite bhu mbandu, kuma jindunge jê ki tu kamba ku jʼijiia.

II Kolindo 4:4

Ene a kambe kuxikana, kuma o nzambi iaiibha ia mundu iú ua bhake o ilunji iâ mua vundu. Muène ka ehela kumona o mukengeji ua a kiela, o mukengeji ió u tunda ku Njimbu Iambote ia fuma ia Kristu, muène o kidifua kia Nzambi kia kidi.

II Kolindo 6:7

ni mu maka ma kidi, ni mu nguzu ia Nzambi. Mu kumaneka tuala ni ivunga ietu ia kubatula mu kidi, kuene mu batula Nzambi, iene ia kuama na-iu o nguma ni kudibhangela.

Efezo 4:14

Uila kiki, kana, ki tu kala dingi tu anandenge, a tu takujula ku mabhuku, ni ku tu xinjijika kuala o kitembu kia ulongelu uengi uiza-ku ua athu akua mangonha. Kuma enʼiâ mu jindunge jâ kala mibhetu, ambata akuâ mu jinjila ja kutexika.

Efezo 4:24

Mu zuata o muthu uobhe a mu bhangulula mu kidifua kia Nzambi, ki di monekena mu kukala ni muenhu ua kuiuka, ni mu kuzela kua kidi.

Efezo 6:13

Uila kiki, sungenu o kibhakatu kioso kia Nzambi! Phala ki bhixila o kizuua kiaiibha, mu tene kubangâma mu kubhânga ni Nguma, katé ki muila iene ioso mua, i zubha, hanji muemana mu ididi ienu.

Kolose 3:10

enu mua zuata muthu uobhe. O kikexilu kia ubhe kiki muène o muthu uobhe ala ku mu umba kuala Nzambi ni kuijiia kuengi, phala kudifangana ni muène uoso ua mu bhanga.

I Tesalonika 5:8

Etu-phe tua tokala ku muanha, tu kadienu ku mesu azele. O kivunga-thulu kia ita ki tu zuata, o kuxikana ni henda; o kudielela o kubhuluka, kene o kapasete.

Jihebeleu 7:25

Uila kiki, muène ua soko-bho kubhulula katé kia zubha, ene oso ejiia kua muène, ni a bhixile kua Nzambi. Kuma Jezú ua kalé kiá ku muenhu mu ku a diondela jinga.

Tiiaku 4:7

Uila kiki, tolokenu kua Nzambi; zokenu-phe ni Diabhu, muène u mi lenga.

I Phetele 5:8

Kalenu ku mesu azele, mu di lange! Kuma o nguma, Diabhu, ua di bhange, mukuâ ni hoji iala mu zuma, u nhunga jinga mu jimbamndu jenu mu kusota uoso a mu dia.

Juda 1:24

O kiki Nzambi ió ua tena ku mi fudisa ku-di-bhukana ni mu di bhale, ua tena ku mi bhixidisa bhu pholo ia kubenha kuê ni kusanguluka, sé ngó kisemu,

Dijingunuinu 12:9

Kimudikixi kia dikota anga a mu takuila ku kanga! A mu kaia, na Kinhoka Kiokulu, a mu ila Diabhu, a mu ila Satana, mukua kunganala o mundu uoso. A mu lundumuina mu ngongo, ni ji-anju jê a ji lundumuina-nê kumoxi.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

Dijingunuinu 2:24

Nga mi ambela-phe, enu mua xala-ku mu Tiiatila, oso ulonge-lu iú uaiibha ki muene na-u, mua kambe kuijiia o ima iazongo ia Satana, uila kia mu tanga ene, enu ki ngi mi xina dingi kimbamba.

Afundixi 3:2

mbé miiji ia anʼa Izalaiele a kʼijiie, a di longe kúlua ita, oso mʼokulu kejidile luua kúlua;