Efezo 6:1 - O Mikanda Ikola

¹ Enu ana, muala mua Ngana, tumakenu adi enu, kuma kiene kia tokala.

Efezo 6:1 ပူးပေါင်းရင်းမြစ်များ

Dimatekenu 28:7

Jakobo iú ua tumaka tatʼâ ni mamʼâ, iú ua katuka iú uai muene ku Padalane.

Dimatekenu 37:13

Iza-laiele-phe u ambela Zuze, uixi: Phange jé kala mu disa ibhaku bhu Xikeme? Izá ngi ku tume kua ene. Kuala muene: Emʼiú.

Dimatekenu 48:12

Zuze anga u a katula bhu kaẋi ka jiphuna ja inama ia tatʼâ; muene anga bhetama o pholo bhoxi mu kudiunda ni ujitu uoso.

Dimatekenu 50:12

Anʼê anga a mu bhanga muene kala kia ambelele muene.

Nehemiia 9:13

Anga u tuluka ku mulundu ua Sinai, hé u a zuelesa tunde ku diulu; anga u a bhana mabatuilu ma iuku, ni itumu ia kidi, ni matendelelu ni ijila iambote.

Estere 2:20

Kuma Estere kiluua a di tanga muiji uê ni jindandu jê, mukonda Moledekai kiene kia mu tendelela; kuma hanji u evua jinga kioso ki mu ambela Moledekai, mukuâ ni kia kexile-nê ku mu sasa.

Jobe 33:27

Ua kà tala ku athu anga u zuela, uixi: Nga te kituxi, o kuiuka nga ku tondala, o kuene ki ngi katula-ku ngó kima, o Nzambi ue ka ngi vutuila kia fuama o ikuma iami.

Jisálamu 119:128

Kala kiki, o ijila ié nga i mono kuiuka mu ima ioso; njila ioso ia makutu nguami na-iu dingi.

Jisálamu 119:75

Nga kʼijiia muene, u Jihova, kuma o mabatuilu mé ma kidi kioso; o ki ua ngi talesa hadi, ua ki bhange muene ni ufiiele.

Jisálamu 19:8

Ijila ia Jihova ia tetuluka, i bheka ngalasa ku muẋima; kitumu kia Jihova kiazele, ki muikina o mesu.

Jisabhu 1:8

Eie, monʼami, ivua ulongelu ua tatʼenu, kana kueha o ijila ia mamʼenu.

Jisabhu 23:22

Eie monʼa-kime, tatʼenu ua ku vuala enda ni ku muivua jinga, o mamʼenu-phe kieza mu kukuka, kana ku mu ehelela.

Jisabhu 30:11

Sai-ku muiji ua athu a lebhula tatʼâ, o manhʼâ a tokoka ku mu tanga o mbote.

Jisabhu 30:17

Muthu uoso mesu mê ma kala mu bhanga kasekelu kua tatʼâ, o mamʼâ ka xikina ku mu tumaka, muthu ió ilombelombe ia honga hinu i mu lokola-nâ, anga anʼa jiholokoko a ma dia.

Jisabhu 6:20

Eie monʼami aiuka o kitumu kia tatʼenu, o ngonge ia mamʼenu-phe ku i ehe.

Jelemiia 35:14

Maka ma Jonadabe, monʼa Lekabe, a tendelela ku anʼê kuila ka nue vinhu, a a bhake, mbata kanu muene katé mu kizuuʼiki, kia a kala kota evu muene o kijila kia tatʼâ; eme-phe ngène mu mi zuelela enu, ngi di meneka mu ku mi zuelela, enu nguenu ku ngʼivua.

Jelemiia 35:18

O ku dibhata dia Jelekabita, Jelemiia uixi; Jihova dia Huxi, Nzambi ia Izalaiele, uambe kiki: Mukonda mua tumaka kijila kia Jonadabe, tatʼenu, enu mua bhake ijila iê ioso, enu mua bhange muene kala kia mi tendelesa muene,

Jelemiia 35:8

Tua tumaka-phe o dízui dia Jonadabe, monʼa Lekabe, tatʼetu, mu iene ioso ia tuʼambela; kí kia tu bhekela kuila mu izuua ietu ioso ki tu tena kúnua vinhu, kixi etu, kixi ahetuʼetu, kixi anʼetu a mala, kixi anʼetu a ahatu.

Hozeia 14:9

Mukuaʼhi uala ni kuijiia, nʼa tongolola ima iii? Nanhi muene uala njimu, ima iii na tena ku i ijiia? Mbata o jinjila ja Jihova ja iuka, athu ambote muene mua kala mu kuendela, maji akua kutondala-phe muenhumu a sanga-mu ibhalu.

Ijila 19:3

Muthu ni muthu aẋile manhiʼâ, aẋile phaiiʼâ, ende ue ni kualuka o izuua iami ia jisabhalu; Eme-muene Jihova Nzambi ienu nga ki ambe.

Luka 2:51

Muène anga u kulumuka-nâ, hé aia mu Nazalé, anga u kala mu ku a tumaka. Manhʼâ, anga u lunda o maka mosoʼ ama ku muẋima uê.

Loma 12:2

Ki mu kaiele o funza ia mu ngongo mumu, maji ehelenu Nzambi a mi kitule kiengi, katé kilunji kienu kieza ku ubhe. Phala mu tongolole ioso o vondadi ia Nzembi, iauabha, ia ujitu, iatenena, i mu uabhela kiambote.

Loma 16:2

Phangiʼetu ia muhatu muenʼ iú mu tambululienu mua Ngana, kala kia fuama akua Ngana, mu mu kuatekesa ue, se uala ni maka ma mi bhinga enu. Kuma muene uala mukuatekexi ua athu avulu, ni eme-muène ue.

Loma 7:12

O Kitumu-phe kia zele muene, o kijila ue kia zele, kia iuka, kia uabha.

I Kolindo 15:58

Uila kiki, enu phange jami, kolokotenu, ki mu toloke. Mu suine jinge mu kikalakalu kia Ngana, kabasa mua kʼ ijiia kuma Ngana se mua mu talela hadi, o hadi ki i kala ia ngó.

Matendelelu 21:18

Se bhu kala muthu u vuala mona uedi ni kubhukumuka ni kuhuka, ka xikina kuívua ki zuela tatʼâ, mba ki zuela mamʼâ, anga a mu ila o betʼé, lémbue.

I Timote 5:4

Mutudi uoso-phe uala ni anʼê, mba alaula, ene a diange kuidikiza o ubhezelu uâ mu jindandu ku bhata diâ. Kuma mu kubhanga kiki, ene uâ ende ni kufuta ku mbote ia tambula jinga ku jitata jâ ni ku jikuku, mukonda o Nzambi kia mu uabhela kienhiki.

I Phetele 2:13

Mukonda dia Ngana, athu oso a a bhana kijîngu, a belesedienu: kixi muenexi, ua suku ku pholo;

Lute 3:5

Lute anga u mu ambela, uixi: Kioso ki ua ngi tangela kiene ki ngi bhanga.

I Samuuele 17:20

Kúkia ni kimene Davidi anga u dimeneka, jimbudi jé u ji xa ni kafunga, u zangula kimbamba kiê, uia kala kia mu tumu tatʼâ Jese. Anga u tula bhu kibangu mu kithangana kioso kiala kutunda o kifuẋi, ala ku ta nzòngo phala ku di lua.