Efezo 5:25 - O Mikanda Ikola

²⁵ Enu ue mu mala, Zolenu ahatu enu kala Kristu kia zola o Ngeleja, iú ua di bhakula bhu kididi kiê.

Efezo 5:25 ပူးပေါင်းရင်းမြစ်များ

Dimatekenu 2:24

Mukonda dia kiki, kibhangesa diiala u xia tatʼâ ni mamʼâ anga u di banda kua mukajiʼê, ene kiiadi kiâ hé a di bhanga xitu imoxi ngó.

Dimatekenu 24:67

Izake anga u bheka Bebeka mu balaka ia manʼiâ Sala, anga u tambula Bebeka u kala mukajiʼê; anga u mu zola; malamba a mu sosoloka ma kúfua kua manhʼiâ.

II Samuuele 12:3

maji ngadiama-phe kala ni kima, kibhaku kiala-na-kiu kamona kamoxi ka mbudi ka mukaji, ua ka sumbu, iu ua ka sase; anga u kala na-ku, ka kudila kumoxi ni anʼê; ka dia ku kakudia koso ka dia muene, ka nua ku nganza ioso i muina muene, ka zeka bhu jihata jê, kifua ka di bhange kala kamona kê ka muthu.

Mukumbi ua Mikumbi 1:11

Makembu ma ulu u tuanda ku ku iudikila, tu phaphela-ku muene jifuma ja phalata.

Matesu 20:28

Mukonda uila ki eza Monʼa Muthu, kana kukala ni athu a mu bhikila muène, maji muène-ku kubhika, ni kubhana o muenhu uê mu kukula mundu.

Nzuá 6:51

Eme ngi mbolo ia muenhu ia tuluka mu diulu. Se bhu kala muthu u dia o mbolo iíi, muenhu uê ki ua kà bhua dingi. O mukutu uami, iene o mbolo i nga-nda kubhana, phala o mundu ni u kale ni muenhu.

Jipoxolo 20:28

Di langienu-phe enʼuenu, ni kilunga kioso, kuma o Nzumbi Ikôla ua mi bhange mu abidi a kilunga kienʼiki. Kalenu-phe mu abidi a ngeleja ia Ngana Nzambi, kuma Muène ua i sumbu ni manhinga ma Monʼ êlele muene.

Ngalásia 1:4

Kristu ió ua di bhakuile ku kalunga phala ku tu bhulula ku ituxi ietu, nʼa tene ku tu kudila ku mundu iú uaiibha, kala Nzambi ietu, Tata, kia mu kala mu vondadi iê.

Ngalásia 2:20

Kiki ki eme dingi ngala ku muenhu, maji Kristu uala ku muenhu moxi diami. O kiki o muenhu u ngala na-u mu xitu, nga u muena mu kuxikana Monʼa Nzambi, ió ua tenene ku ngi zola ni ku di bhakula mukonda diami.

Efezo 5:2

Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.

Efezo 5:24

Uila kiki-phe, kala o Ngeleja ki i belesela Kristu, kiene ue jindona ji belesele anumiʼâ mu ima ioso.

Efezo 5:28

Kiene ue o jingana ja tokala kuzola o jindona jâ, kala mikutu iâ ene. Diiala uoso ua zolo muhatuʼê, muenié ua di zolo.

Efezo 5:33

Kiene kimoxi ni enu uê: Kala diiala mudienu a zole muhatuʼê kala kia di zolo muène; o muhatu ue a xile munumiʼê.

Kolose 3:19

Enu mu mala, Zolenu ahatu enu, kana ku a thathamena jinga.

I Timote 2:6

ua di bhele kíximbi kia ku tu kula etu ene oso. O iú uene umbangi uê uaxalela, ua bhana bhu thembu ioso ia tokala, kuila Nzambi uendi athu oso a bhuluka.

I Phetele 3:7

Enu mala ue kiene, akaji enu mu tunga-nâ ni kilunji. Mu bhana muhatu ujitu, kuma muène kitutu kia tolo nguzu. Mbata muène ue mukuenu ua sokela-nê mu kulundula o muenhu Nzambi ua-nda ku mi bhana enu. Se mua kambe ku ki bhanga, misambu ienu i sukamena.

Dijingunuinu 1:5

ni kua Jezú Kristu, o mbangi ia kidi, ia fiiele. Muène mutuameneni ua dianga kufukunuka kuʼalunga, muène ue mutumini a jisobha mu ngongo. Muène ua tu zola, ua tu jituna ku ituxi ietu ni kúfua kuê,

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.