Efezo 5:23 - O Mikanda Ikola

²³ Kuma o ngana uala ni ukota ua kutumina ndona iê, mukuâ ni Kristu ki ala ni ukota ua kutumina o Ngeleja. Kristu muène o Mubhuludi ua Ngeleja, kuma uene o mukutu uê.

Efezo 5:23 ပူးပေါင်းရင်းမြစ်များ

Jipoxolo 20:28

Di langienu-phe enʼuenu, ni kilunga kioso, kuma o Nzumbi Ikôla ua mi bhange mu abidi a kilunga kienʼiki. Kalenu-phe mu abidi a ngeleja ia Ngana Nzambi, kuma Muène ua i sumbu ni manhinga ma Monʼ êlele muene.

I Kolindo 6:13

Sai ni iú uanda kuila uixi: O kudia a ku bhanga phala mu mala, o mala a a bhangela phala o kudia! Xi, kiene muene. Maji o Nzambi-phe hinu kiiadi kiâ uanda ku a bhuisa-ku. O mukutu uetu-phe ki u tokala ku u bhakula mu kubhikila undumbu, maji ua tokala kubhikila Ngana. O Ngana muène ua tokala ku uzala o mukutu uetu.

Efezo 4:15

Maji tu kale tu athu tua jijila o kuzuela kidi ni muẋima ua henda, o mu ima ioso tu kale mù kudila mua muène Kristu, o mutue uetu.

Efezo 5:24

Uila kiki-phe, kala o Ngeleja ki i belesela Kristu, kiene ue jindona ji belesele anumiʼâ mu ima ioso.

Kolose 1:18

Muène ue o mutue uavu mukutu uê o Ngeleja. Muène dimatekenu dia muenhu ua mukutu. Mu kufukunuka, muène thungunu ia madifundu a dianga ku mu fukununa mu ʼalunga. Kienʼiki, phala mu ima ioso muène a kale ku pholo dia ima ioso.

I Tesalonika 1:10

A mu tanga ni kioso enu ki mualù kinga Jezú, o Monʼa Nzambi, uanda kutunda mu diulu, ió a mu fukununa mu madifundu kuala Nzambi. Muenʼió muène u tena o ku tu bhulula ku njinda ia Nzambi hinu ianda kuiza-ku.

Dijingunuinu 19:7

Tu tanienu, tu sanguluke kiavulu! Tu ximane o unéne uê! Kuma o kithangana kia ukaza ua Kambudi kieza-bhu, o dibhanga diê ua di polondala kiá!

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.