Efezo 5:21 - O Mikanda Ikola

²¹ Anga muia ni ku di belesela enu-enu mudienu, mu uôma ua Kristu.

Efezo 5:21 ပူးပေါင်းရင်းမြစ်များ

Dimatekenu 16:9

Anjo ia Jihova anga u mu ambela, uixi: Vutuka kua ngana ié, u tulokele bhu lukuaku luê.

I Malunda 29:24

O ilamba ioso, ni makota, katé ni ana oso a sobha Davidi, a tolokela sobha Solomá.

II Malunda 19:7

O kiki-phe, uoma ua Jihova u kale ni enu; alukenu-kiu, mu ki bhange; kuma kua Jihova, Nzambi ietu, ki ku moneka kituxi, mba kusuua jipholo ja athu, mba kuẋikina maujitu.

Nehemiia 5:15

Nguvulu ja dianga-phe, ja ngi diangelele eme, a kexi mu tatesa kifuxi, ni ku a tambula kúdia ni vinhu, anga ku thandu diê, a ta-ku ku futa makuinhiʼauana a xikulu ia itadi ia phalata; o minzangala iâ hanji ue a kuata kubhikisa o kifuxi; maji eme-phe ki kiene ki nga bhange, mukonda dia kuxila Nzambi.

Nehemiia 5:9

Ngixi dingi: Ki mua mu bhanga kima kiambote! Kífua ki mua fuamene kuenda mu uoma ua Nzambi, mbé kuiengesa ku tu lebhula kuala jinguma jetu, o matumbu?

Jisabhu 24:21

Eie, monʼami, xila Jihova, ni muenexi ue mu xile; kana kubhangana kumoxi ni akua kulungujuka.

I Kolindo 16:16

endenu ni ku a kaiela mu im ioso ia longa, kumoxi ni akuá oso a mu a kuatekesa mu kikalakalu kioso kia mu bhanga.

II Kolindo 5:11

Ki tualʼiki, tuejiia kioso ki kala o uôma ua Ngana, kienhiki athu tu sota ku a ejidisa o kidi. Maji o Nzambi ua tu ijiia muene kiambote, tamanu enu ue mu tu ijiia muene kiambote mu miẋima ienu.

II Kolindo 7:1

O ki tualʼ iki, enu akuetu, o ikanenu ioso ienʼ iii ia tu tokala etuene. Tu dʼ iẋikienu, ni tu bhue o ufusa uoso ua xitu ni ua nzumbi, ni tu zubhe o kuzela, tu kale mù xila Nzambi.

Ngalásia 5:13

Kuma enu, jiphange, a mʼ ixanena kukala mu jifôlo. Maji o ku ofôlo uenu ki mu katule-ku maditatu ma kuehela o jihanji ja xitu ku mi tumina, maji muenda ni ku di bhikila mudienu ni henda.

Efezo 5:22

Enu ahatu, beleselenu anumiʼ enu, kala Ngana muène mua mu belesela.

Efezo 5:24

Uila kiki-phe, kala o Ngeleja ki i belesela Kristu, kiene ue jindona ji belesele anumiʼâ mu ima ioso.

Filipe 2:3

Ki mu bhange kima ni masunga a kusota ngó mbote ienu, mba izala ia ku mi ximana. Maji ni kubatama, kala muthu a kite mukuâ kota diê; Kana ku di fika kuila mua beta kuiuka o akuenu ndenge.

I Timote 2:11

O ahatu a di longe ni kudixibha ni kubelesela.

I Timote 3:4

Maji u kala muthu ua tena kutumina kiambote o dibhata diêmuène, ni kubhangesa kuila anʼê a kala mu ku mu tumaka ni ujitu uoso.

Jihebeleu 13:17

Enió oso a mi kala ku pholo a tumakienu, mu itaie ioso ia mi mesena ku bhanga. Kuma ene a mi lange o mienhu ienu, mbata athu a bhinga hinu a kà ki bhela konda kua Nzambi. Se enu mu a tumaka, ene o kikalakalu a ki bhanga ni ngalasa, kuma se o kikalakalu a ki bhanga ni malamba, enu ki kala kima kia kuxixima kuenu.

I Phetele 2:13

Mukonda dia Ngana, athu oso a a bhana kijîngu, a belesedienu: kixi muenexi, ua suku ku pholo;

I Phetele 2:17

Mu xila athu oso. Di zodienu ni jiphange jenu mu kuxikana. Mu kala ni uôma ua Nzambi. Mu kala ni ujitu ua muenexi.

I Phetele 5:5

Enu mu minzangala ue kiene, beleselenu adiakime. Katé ni enʼuenu oso di kutienu o kubatama kua ku di bhikila mudienu, kuma o Mikanda ia Ngana, iambe iexi: Nzambi u bhânga ni akua izala, u bhana-phe ujitu oso a batâma.