Efezo 5:20 - O Mikanda Ikola

²⁰ Muila ni kusakidila jinga ima ioso kua Nzambi, muène Tata, mu dijina dia Ngana ietu Jezú Kristu.

Efezo 5:20 ပူးပေါင်းရင်းမြစ်များ

Jobe 1:21

Uamba, uixi: Ngeza ni tuẋi mu mala dia mamʼetu, hádia ue nga kà vutuka ni tuẋi kuenhoko; Ngana ua bhele, Ngana ua tambula; dijina dia Ngana a kale mu ku di ximana jinga!

Jisálamu 34:1

Ngi benzela Jihova mu thembu joso; diximanu diê di kala jinga mu kanu diami.

Izaía 63:7

Ngi tumbula kulenduka kua Jihova, ngi tanga ue diximanu dia nzungule dia Jihova, dia soko ni ima ioso ia tu bhange Jihova; ni jimbote javulu joso jene kubhanga ku diembu dia Izalaiele, ja a bhange muene mu jihenda jê, kala kia soko o nzungule ja kulenduka kuê.

Nzuá 15:16

Ki enu mua ngi solo eme. Maji eme nga mi solo enu, eme nga mi tumu ni muende ni kubhana ibundu, o ibundu ienu ni i nange, i kambe kuzangiua. Ni ioso ue i mu bhinga Tata mu dijina diami, muène ni a mi bhane-iu.

Jipoxolo 5:41

Ene kieniokio, a tunda bhu pholo ia Kionge kia Jitata ni kusanguluka kuavulu, kuma Nzambi ua a kiti athu a fuama kutambula malebhu mukonda dia dijina didi dia Jezú.

Loma 1:8

Kima kia dianga, nga sakidila Nzambi iami kua Jezú Kristu mukonda dia enu oso; kuma o kuxikana kuenu kua fumana mu ngongo ioso.

I Kolindo 1:4

Eme ngene mù sakidila jinga Nzambi, mukonda dienu, mukonda dia kiadi kia Nzambi kia mi bhana mua Kristu Jezú.

I Kolindo 15:24

Kiene kiua kià kèza o dizubhilu. Kristu hinu ua kà zubha-ku o mautuminu oso a nzumbi, ni maungana moso, ni nguzu joso, hé ungana uoso ua kà u bhakuila Nzambi, muène Tata.

Efezo 5:4

Né jindaka, né kuzuela kua uoua, mba kasekelu, iene ioso íii ki i mi fuama. Inda kota o kukala mù sakidila jinga Nzambi.

Filipe 1:3

Ngene mú sakidila jinga Nzambi iami, kioso ki ngi kala mu ku mi xinganeka.

Filipe 4:6

Ki mu kale ni hele ia kima, ki mu ile bhidibhidi, maji ima ioso-phe iiza-ku, mu ila ni kusamba ni kudionda, kumoxi ni kusakidila, mu ende ni kubhinga kua Nzambi ioso i mua mesena.

Kolose 3:17

Kala kiki, ioso-ioso-phe i muila, kixi mù zuela, kixi mu kubhanga, iene ioso bhangenu-iu mu dijina dia Ngana Jezú, hé mu sakidila jinga Nzambi Tata kua muène.

I Tesalonika 3:9

O kiki ngʼila kiebhi mu kusakidila Nzambi kala kia tokala mukonda dienu, mukonda dia ngalasa ioso i tua mi tanena bhu pholo ia Nzambi ietu!

I Tesalonika 5:18

Sakidilenu Nzambi mu ima ioso; kuma iene o vondadi ia mi kala na-iu muène, mua Kristu Jezú.

II Tesalonika 1:3

Etu tua tokala tu sakidila jinga Nzambi mukonda dienu, enu jiphange! Mukonda kia tu fuama muene ku ki bhanga, kuma o kuxikana kuenu kua mu kula dingi kiengi, ni henda ienu i mua di kuatela mudienu iavulu dingi.

II Tesalonika 2:13

Tua tokala-phe tu sakidila jinga Nzambi, mukonda dia enu, mu jiphange jozole mua Ngana. Kuma Nzambi ua mi sola tunde ku dimatekenu, phala mu bhuluke mu nguzu ni kutena kua Nzumbi Ikôla, ni mu ku mi kôlesa nzumbi moxi mu kuxikana o kidi. Muène ua ki bhange, nʼa tena ku mi kitula mu athu a ngene a Nzambi.

Jihebeleu 13:15

Mukonda dia Jezú Kristu tu bhanienu kilumbu kia kuximana jinga Nzambi. O diximanu didi, iene o sata i tua bhakula—ujitu ua tundu ku mizumbu i fisala o dijina diê.

I Phetele 2:5

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.

I Phetele 4:11

Uoso u zuela, a zuele kala kia fuama o maka ma Nzambi. O uoso u sedivila, a sedivile ku nguzu ia mu bhana Nzambi. Mu bhanga jinga kienhiki phala Nzambi a fumane mu ima ioso kua Jezú Kristu uavu o fuma ni unéne mu mivu ni mivu sé dizubhilu! Amén.