Efezo 5:19 - O Mikanda Ikola

¹⁹ Mu kale mu ku di kunda mudienu ni jisalamu, ni mikumbi ia nzumbi. Muila ni kuimbila Ngana mimbu ni jisalamu ni muẋima ua ku mu sakidila.

Efezo 5:19 ပူးပေါင်းရင်းမြစ်များ

Jisálamu 147:7

Imbidienu Jihova ni kusakidila; xikenu o mbànza mu ximana Nzambi ietu.

Jisálamu 62:8

Enu mu mundu, di fiiadienu Nzambi mu thembu joso; lundululenu o mixima ienu kua muene; kuma Nzambi muene dilengelu dietu. (Selah.)

Jisálamu 86:12

Ngi ku ximana Ngana, Nzambi iami, ni muẋima uami uoso; ngi jingisa jinga o dijina dié, sé ngó kufula, katé ku hádia ni hádia.

Jisálamu 95:2

Tu bhixila bhu pholo iê ni kusakidila; tu mu kola ni kuimba jisálamu.

Izaía 65:14

Talesa, jiselevende jami ja kà kala mu kuimba mukonda o miẋima iâ ia sanguluka, maji enu-phe mua kà ta jingololo mbé o ngongo; muʼá kala ni kukumba mukonda dia kikote kia muẋima uenu.

Matesu 15:8

Athu iá a ngi xila ni mizumbu iâ; miẋima iâ-phe ia ngi kala kualebha.

Matesu 26:30

Kia zubha kuimba muimbu, a tunda, anga aia ku mulundu ua Midiva.

Jipoxolo 16:25

Mu kaxi ka usuku-phe, Phaulu ni Sila a kala mu kusamba ni kuimbila Nzambi, o jipelezu ni akuâ ji kala mu kuividila.

I Kolindo 14:15

Ngi bhanga-phe kiebhi? Ngi samba ni nzumbi, maji ngi samba ue ni kilunji. Ngʼimba ni nzumbi, maji ngʼ imba ue ni kilunji.

I Kolindo 14:26

Muedi-phe kiebhi, enu jiphange? Ngandala ku mi ambela kiki: O ki mu bhongoloka mu Ngeleja, iú u kuata muimbu, iú u kuata maka ma kulonga, iú u kuata kujingununa ima ia jinganana ia Nzambi, iú u kuata kulonga mu mbimbi jengi, o iú u kuata kulombolola kioso kia jimbulula o maka a mu longa ió. Inda ima ioso mu i bhanga kala kia fuama mu kukuatekesa o Ngeleja.

Kolose 3:16

O maka ma Kristu ni jimbote jê joso, ma mi tunge kia nzungule moxi dienu, ma mi bhane kilunji. Mu kala mu ku di longa mudienu, ni ku di bhana phangu ni unjimu uoso. Muimba jinga mu jisalamu, ni mikumbi, ni mimbu ioso ia nzumbi. Muimbila jinga Nzambi ni muẋima uezala kisakidilu.

Tiiaku 5:13

Se sai-ku muthu mudienu uala kutala hadi, a sambe. Se sai-ku ua sanguluka, embe mimbu ia kusakidila.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.