Efezo 5:15 - O Mikanda Ikola

¹⁵ Uila kiki, alukenu-phe kiambote kioso ki muenda. Kana kala mu ioua, maji mu kala mu jinjimu.

Efezo 5:15 ပူးပေါင်းရင်းမြစ်များ

II Samuuele 24:10

Muẋima ua Davidi-phe u mu êlesa, kia zubha kukuata konda ia mundu. Davidi anga u ambela Jihova, uixi: Nga te kituxi kiavulu mu kubhanga kima kiki. Kiki-phe, u Jihova, mulonga ngi katule-u, ngi mubhikʼé, nga ku diondo; kuma nga bhange uoua uavulu.

Jobe 2:10

Maji muene u mu vutuila, uixi: Kala ki zuela dilaji dioso-dioso, kiene ki ua mu zuela eie; mbé tu tambula ngó jimbote kua Nzambi o ia ibha kana? Mu ima ioso ienhiʼii Jobe ka tela-mu kituxi ni mizumbu iê.

Jisálamu 73:22

Kutobha-phe ku nga kexe na-ku, kukamba ku kʼijiia; nga di bhangele kala ngi kiama bhu pholo ié.

Makatukilu 23:13

Ima ioso i nga mi tendelelʼiii, alukenu-iu; kana kutumbula nzambi jengi; o dijina diâ mu kanu dié ki di bhite-mu, mba ku ji banza ngó.

Jisabhu 14:8

Muthu ua dimuka, unjimu uê o ku tongolola kiambote o njila iê; maji o usemenhi ua maioua-phe, o kunganala.

Jisabhu 15:21

Muthu na kambe kilunji, minangu iê o usemenhi; maji o mukua kilunji-phe, uenda ditonono mu uendelu uê.

Matesu 10:16

Talenu, nga mi tundisa kala mu jimbudi mua di lungu ni jimbinji. Muila-phe ni kudimuka kala mu jinhoka, ni kutobha kala mu mêmbe.

Matesu 25:2

Kitanuʼiki kia tobho, kitanuʼiki kia dimuka.

Matesu 27:24

Pilatu-phe kia mono kuma ka lende kima, maji bhuanda kusalumuka mvunda, u tuma kutakana menha, anga u sukula o maku bhu pholo ia mundu, uixi: Ki ki kale kituxi kiami, kia manhinga ma muthu iú uaiuka; enuʼenu sokenu-na-kiu.

Matesu 27:4

Nga te kituxi mu thelekala o manhinga ma muthu uaiuka! Kuala ene-phe: Etu kia tu kuatelahi? Maka mé eie. Eie-muène soka na-kiu!

Matesu 8:4

Jezú anga u mu ambela, uixi: Aiuka, kana ku ki tangela muthu. Ndeie-phe, ua kà di tukuluile kua nganga, mbé ua kà bhane ujitu ua tumu Mozé, phala a ki tambule umbangi kuila eie ua disanze.

Luka 24:25

Muène anga ua ambela, uixi: Enu tata, mua xiti kinène mu thulu, enu mua kokoloka muẋima mu kuxikana ima ioso ia zuela o misèsedi!

I Kolindo 14:20

Jiphange, kana kuxinganeka kala mu anandenge. Mu iaiibha mu kala mu ana auisu, maji-phe mu kuxinganeka mu kala mu adiakimi.

Ngalásia 3:1

Mu akua Ngalásia, tata, o kutobha! Nanhi ua mi bhuiika? Mu athu a mʼidikisile Kristu ni kulomboloka kuoso kala ku mesu enu muene kua mu tela ku dikulusu!

Ngalásia 3:3

Mua tobhela-hi kiosuʼ iki? Enu mu andekelele mu Nzumbi ia Nzambi, kifua muandù zubhila mu xitu?

Efezo 5:2

Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.

Efezo 5:33

Kiene kimoxi ni enu uê: Kala diiala mudienu a zole muhatuʼê kala kia di zolo muène; o muhatu ue a xile munumiʼê.

Filipe 1:27

Kala kiki, hé kima, o uendelu uenu u kale uendelu ua fuama mu Njimbu Iambote ia Kristu. O ki kala ngi mi sanga koko, mba ngi kamba ku mi sanga, kimuua ngʼivua jinga kioso ki muala kubhita na-kiu, kuma mua kolokota ni muẋima umoxi, muedi ni muenhu umoxi mua suinina kubhangela o kuxikana ku tunda ku Njimbu Iambote.

Kolose 1:9

Mukonda dia kiki, etu uetu, tunde kizuua ki tua kʼivu, tua kuata kusamba kua Nzambi sé kufula, ni ku mi bhingila enu. Tua mu bhinga kua Nzambi, phala enu muizale ni kuijiia kua kutongolola o vondadi iê muene, ni unjimu ua kutongoloka koko kuene mú bhana o Nzumbi ia Nzambi.

Kolose 4:5

Kuatenu kilunji mu kuenda kuenu ni athu ku kanga. O bhuoso bhu mu muena kithangana, kienhokio kana kudibotesa-kiu mu ngoho.

I Tesalonika 5:15

Alukenu phala kana muthu a vutule phulu mu phulu. Inda mu jijila jinga kubhanga o mbote, ni ko kuenu mudienu, ni ku athu oso.

I Timote 6:9

Mukonda oso-phe a bhindamena kukala jimvuama, ene kudibhala mu kudianguka, anga a fua mu mubhetu, ni mu jihânji javulu jaiibha ji tobhesa, ji bheka muthu mu kusenguluka anga u jikinina mu dibuikilu.

Jihebeleu 12:25

Uila kiki, di langienu, ki mu ditune kuivua ió uoso u zuela. Kuma enió a ditunine kuivua uoso ua tudilile o Njimbu ia Ngana mu ngongo, kà tenene kubhuluka. Kala kiki, etu uetu tua kà bhulukila bhebhi, se tua mu bhana dikunda uoso ua tu dimuna ku diulu!

Tiiaku 3:13

Nanhi mudienu uejiia, uala njimu? Kiene-phe! Edikize o unjimu ni kuijiia mu muenhu uê uambote ni imbamba ioso ia bhanga mu kubelesela kua unjimu ni kuximbakata.

I Phetele 1:22

O ki mualʼ iki, kuma mua di zelesa kiá o mienhu ienu mu kutumaka o kidi, o henda ienu ue ia jiphange ki i moneka kádia, di zodienu-phe mudienu ni muẋima ua fulujuka.

Dijingunuinu 19:10

Eme anga ngi di bhala bhu inama ia anju phala ku mu bheza. Uixi-phe: Kana ku ki bhanga! Eme ue ngi selevende ni mukuenu, nga sokela ni phange jé oso a kuata o umbangi ua kidi kia Jezú. Bheza Nzambi! Kuma o kidi kia umbangi ua Jezú, uene o uanji u bhana huii ku jipolofeta.