Efezo 5:11 - O Mikanda Ikola

¹¹ Kana kukala mu kisangela kia imbamba ioio ia kitombe, ki iene ni kuima, iene mù bhanga akuenu. Kota mu kala mu ku i bazela, phala ku i bheka muazele.

Efezo 5:11 ပူးပေါင်းရင်းမြစ်များ

Dimatekenu 20:16

Anga u ambela Sala, uixi: Talesa, phangʼié nga mu bhana midi ia itadi ia phalata; i kale ia ku ku futa ku mesu, ni oso a ku tokala ni ku athu engi oso-oso; ki bhuala dingi bhu tua ku tondala, ki bhuala dingi mulonga.

Jisálamu 141:5

Uoso uaiukʼó, kia ngi beta, ngʼila kuma ua ngi bhange mbote; o kia ngi bazela, ki kala kala maji ma ngi uaie, ma ngi tula muene kiambote mu mútue; ió né a jijila uthu uengi, eme ngi kolokota ni kusamba.

Jisabhu 1:10

Monʼami, akua ituxi se a sota ku kusendula ni izuelu iâ ia ẋanana, eie kana ku a evua.

Jisabhu 1:31

Kala kiki-phe, a kà diaula-ku ku kibundu kia tundu ku uendelu uâ, anga jiphangu jâ-ene muene jʼa kuma.

Jisabhu 13:18

Uoso ka xikina ku mu bazela, uaxikamena uadiama ni usuéia; maji uoso-phe u suua kia mu bazela, uaxikamena kijingo.

Jisabhu 15:12

Semenhi ua di-zemba ni uoso u mu bazela; muene ka xikina kubhiẋila bhuoso bhuala o jinjimu.

Jisabhu 19:25

Ua beta o seletete, ni kiximba ua mu dimuna; bazela mukua kilunji, ua mu mone kia di longa kiua kiambote.

Jisabhu 25:12

Mukua ni ki kala o jibixa ja ulu, ni jinzenzela ja ulu ua fina, kiene ue kia soko o kubazela kua njimu mu dítui dia uabhela o kubatekela.

Jisabhu 28:4

Oso a xisa bhu mbandu, kioso kia xindi o kitumu, kifua a ximana o isuéia; oso-phe a lunda o kitumu ni ku ki bhanga, isuéia ala kuzoka na-iu.

Jisabhu 29:1

O muthu uila: Lelu a mu bazela, mungu, a mu bazela, sè kueha o njila iê, maji u kolesa o muẋma uê, hinu u tukumuka a mu jimi o mbutu, sè ngó bhua bhulakela.

Izaía 29:21

ni oso a uabhela kutuika mulonga ku muthu mu diba dimoxi ngó, a sota o ndunge ia kukuata oso a a bazela bhu muelu; o muthu uaiuka a sota kioso kia mu uanuna mu dianda diâ, sè kikuma.

Jelemiia 15:17

Ki ngene ku xikama bhu nangu dia jisemenhi, né ngó kuila ngi tana-nâ; mukonda dia lukuaku lué, ngene ku di xikamena ubheka uami, kuma eie ua ngiʼzalesa ni njinda.

Ijila 19:17

Mukuenu ku mu bhakele unguma ku muxima; inda ku fule ku mu bazela, se ua mu mono kutondala; kima kiaiibha ki ua mono kua mukuenu ku di xibhe na-kiu.

Matesu 18:15

Mukuenu se ua ku te kituxi, ndeie u mu idikize kikuma kiê, maji ni eie ni muène ngó ku ubheka uenu. O kia kuívua, mukuenu ua mu nganhala.

Luka 3:19

Helode-phe, dia sobha, ki a mu bazela, mukonda dia kusakana ni Helodiia, mukaji a phangʼ iê Felipe, ni ima iamukuá dingi iaiibha ia kexile mù bhanga,

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.

Loma 13:12

O usuku iú batuka, kua kambe ngó kuma kukia. Kala kiki, tu ehiʼenu kubhanga o imbamba ia usuku. Tu maneke o mata ma kulua-nâ mu muanha.

Loma 16:17

Nga mi diondo-phe, jiphange, di langienu ni enʼió oso ala kubheka o makudimuanga ni kutondalesa akuâ mu kuxikana o ulongelu uâ uengi, ki uene u mua di longo enu. Enʼiá muenda ni ku a ebha.

Loma 6:21

Thembuʼ oio-phe mua kexile ni kisakidilu kiahi mu imbamba i mua kexi mù bhanga, lelu i mua kuatela jisonhi? Kuma ima ioso ieneʼ oio dizubhilu diê o kufua.

Ngalásia 6:8

Uoso u kuuila ima inda o xitu, ku xitu iê uandù bhongolola kalunga. Maji uoso u kunina ku ima iandala o Nzumbi ia Nzambi, ku Nzumbi uandù bhongolola muenhu ki uabhua.

Efezo 4:22

Bhu kaxiʼ abha ni kikexilu kienu kia bhiti, zulenu o muthu Uokulu, ua bolo, mù kaiela o jihanji ja kudinganala.

Efezo 5:12

Kuma ima i bhanga enʼ ió mu kasuekele, ni ku i tanga ngó, ki kuata sonhi.

Efezo 5:7

Enu-phe, enʼ ió kana ku di lunga-nâ.

Kolose 1:12

Muenda ni kusanguluka mu kusakidila Tata ua tu bhangesa o kufuama kididi kietu mu undundu ua akua Ngana mu Utuminu ua mukengeji.

I Tesalonika 5:7

Kuma oso aia ku kilu, o kilu kʼijiia mu usuku; oso a kodiua, a kodiuila mu usuku.

II Tesalonika 3:14

Se bhu kala muthu nguê kutumaka o njimbu ietu iii mu mukanda uenhú, muenhó mu tungudienu. Kana ku di lunga-nê, phala sonhi ji mu kuate.

II Tesalonika 3:6

Kiki-phe tua mi tendelela, enu jiphange, mu dijina dia Ngana ietu Jezú Kristu, kuma mu di kalelela ku uphange ni muthu uoso u enda ngó ni ulalu, u kamba kukalakala hé ufula kukaiela dilunda di tua mi bhana.

I Timote 5:20

Oso a ta ituxi, a bazele bhu pholo ia ene oso, phala akuâ a kale ni uôma.

I Timote 5:22

Ku bhange lusolo mu kutula maku ku thanduʼa muthu, phala ku mu lumbila mu kikalakalu kia Ngana. Ku bhange ue kisangela ni athu engi mu ituxi iâ. Di bhake eie-muène ni kuzela.

I Timote 6:5

ni kuhoia kua kambe mbàmbe kua athu a bolo kilunji, a tokoka o kidi. Athu kala kiki a fika kuila o kubheza (Nzambi) mubhetu ua kumuena umvuama. Athu a kala kiki, a sondoloke.

II Timote 3:5

Ku kanga a kuata kidifua kala kia kuxila Nzambi, maji ki kalakala o kutena kua Nzambi-phe, a ditunu-kiu. Athu a kala kiki ue, a sondoloke.

II Timote 4:2

Enda ni kutanga o maka; sakalala mu ku a jimbula bhu kala kithangana, ni mú kamba kithangana. A tolole miẋima, a bazele, a longese, ni kuxididika kuoso ni kulombolola.

Tito 2:15

Imʼiii iene ima i u zuela, i u longa, u bazele ue ni uphoxi uoso, oso ala ku ku ivua. Ki bhu kale muthu a ku tènde.

Dijingunuinu 18:4

Anga ngʼivua dízui dia mukuá ku diulu, dixi: Tundenu moxi dia mbanza íii, enu mu mundu uami! Tundenu-mu! Kana ku di lunga-nê mu ituxi iê, phala ki mu tambule mbandu ku mabhebhu mê!