Efezo 5:10 - O Mikanda Ikola

¹⁰ Sotenu kudilonga jinga ioso i uabhela kiambote Nzambi.

Efezo 5:10 ပူးပေါင်းရင်းမြစ်များ

Jisálamu 19:14

O kuzuela kuami kua dikanu, ni kubanza kuami kua muẋima, ku kale kuoso kua ku ku uabhelʼeie, u Jihova, u Nguzu iami, u Mukudi uami!

Jisabhu 21:3

Kubatula o milonga mu kidi ni kufundisa athu sè katungu, kia beta ku uabhela Jihova, ku mu bhakuila jisata, ndenge.

Izaía 58:5

Mbé kuene o kujila ku nginda emeʼuku? ngixi muthu a di huhe muenhu uê kumbi dioso dia kambàmba? o kubheteka mútue kala mbamba, ni ku di-sukika mulàla ua kidinhaji ni ku di-kuua uthôkua, mua fika kuene o kujila, kuambe? o kidi eie u ki kita kujila, uixi kiene o kizuua ki tena kuuabhela Jihova?

Jelemiia 6:20

Uasu ua dizumba-phe uahi uene, ua mu ngi tundila ku Seba kuná, ni lumbungu lua beta kuiuka lua ima ia mazumba lua tundu ku jixi ja makanga? mibhaku ienu ia kuoha ki ia ngi uabhela, o jisata jenu ue ki ja ngi kala ku vondadi.

Loma 14:18

Kuma uoso u bhikila Kristu kala kiki, Nzambi u mu uabhela, o athu a mu ximana kuila mukua ujitu.

Filipe 1:10

phala mu tene kusola o ima ioso iauabha, nda mu kale sé kadia, sé ngó kima ki mi fudisa, katé bhu kizuua kia Kristu.

Filipe 4:18

Kiki-phe ima ioso i mua ngi tumikisa, nga i tambula, eme ngala na-iu kala ia ngi vudila. Ngezala ni imbamba ia ngi bhekela Epafrodito i mua mu tumu na-iu, kifua mukuâ ni dizumba di nuha kiambote, sata i tambulula Nzambi, i mu uabhela kiambote.

Kolose 1:10

Phala mu kale mù kuenda kioso kiandala Ngana, ni kubhanga jinga ioso ia mu uabhela kiambote muène. Muandù kuima ibundu mu ikalakalu iambote, hé muenda ni kukula mu kuijiia kua Nzambi.

I Tesalonika 5:21

Tungulenu jinga o ima ioso, phala mu kuate-bhu ioso iauabha,

I Timote 2:3

Kienhiki kima kiambote, o Nzambi, Mubhuludi uetu, kiene kia mu uabhela.

I Timote 5:4

Mutudi uoso-phe uala ni anʼê, mba alaula, ene a diange kuidikiza o ubhezelu uâ mu jindandu ku bhata diâ. Kuma mu kubhanga kiki, ene uâ ende ni kufuta ku mbote ia tambula jinga ku jitata jâ ni ku jikuku, mukonda o Nzambi kia mu uabhela kienhiki.

Jihebeleu 12:28

Uila kiki, tu kalienu ni kisakidilu, mukonda tua tambula Utuminu ki u tena kutunguta. Tu kalienu ni kisakidilu ki tu bhekela kubheza Nzambi kala kioso kia mu uabhela, ni ujitu ni uoma.

I Phetele 2:20

A ki ximana kiebhi, se mua bhange kiaiibha, nʼa mi bhana jihuxi, anga mu xididika? O ki kala-phe mua bhange kiambote, anga mu tala hadi, anga mu xididika, kienhiki, Nzambi u mi bhela-kiu dibesá.

I Phetele 2:5

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.

I Samuuele 17:39

Davidi anga u maneka xibhata ku thandu dia mbinza iii, anga u sota kuenda; mukonda ima iii ki ia mu ijidila luua, ua lémbua. Davidi anga u ambela Saúlo, uixi: Ki ngi tena kuenda ni imʼiii, mukonda ki ia ngʼijidila. Davidi anga u i zula.