Efezo 4:9 - O Mikanda Ikola

⁹ Bheniobho bhu ambe exi ua bande, a zuela kiebhi? Kikale ua diangele kutuluka ididi ia beta kuboloka bhoxi mumu mu ngongo.

Efezo 4:9 ပူးပေါင်းရင်းမြစ်များ

Dimatekenu 11:5

Ngana anga u tuluka mu tala mbonge ni kathôndo kala mu tunga anʼathu.

Jisálamu 139:15

Ifuba iami eie kua kambele ku i mona, kioso ki ua ngi bhanga ufunu mu kasuekèdia, kioso ki ua ngi Sokejeka kala koxi a mavu ku ngala.

Jisálamu 63:9

Enhó-phe, oso ala ku ngi séia, phala muenhu uami u di bote, a kà di bota ene mu bombo dia kalunga.

Jisálamu 8:5

Sumbala kiene, maji ki ua mu bhanga, kifua ua bhabhelela kua Nzambi; ua mu zuika kitundu kia ukota ni ujitu.

Makatukilu 19:20

Jihova kia tuluka ku mulundu ua Sinai, u tula bhu thala ia mulundu; Jihova anga u ixana Mozé kubanda bhu thala ia mulundu; Mozé anga u banda.

Jisabhu 30:4

Mukuahi ua bandele kiá ku diulu iu ua tuluka? Mukuahi ua koteka o kitembu bhu maku mê? Mukuahi ua kutila menha bhu kizuatu kiê? Mukuahi ua xikika o jihota joso jaʼxi? Dijina diê nanhi, mba o dijina dia monʼê nanhi, se eie ua mu ijiia.

Izaía 44:23

Enu, maúlu, imbenu ni ngalasa, mbata Jihova muene ua bhange kiki; tanenu-ku, enu mu ididi ia boloka, enu mu milundu te-nu nzongo ia kusanguluka; nʼenu ue mu mixitu, ni mixi ioso iene-mu; mbata Jihova ua kula Jakobo iú ua tambula fuma mu Izalaiele.

Izekiiele 31:14

mbebhu o miẋi ioso bhu mbanduʼa menha ki i zangalale mukonda dia kitala kiâ, mba i zangula o dizoko-zoko diâ muʼaxaxe ka jithangu ja vundu, mba o ioio ia mu nuâ o menha i di dielela kiá ngoho iene, mukonda dia kitala kiâ; kuma iene ioso a i bhakula muene ku kalunga-ngombe, katé ni ixi ia beta o kutunuka, muʼaxaxe ka anʼa athu a i bhakula ue kumoxi ni afi oso ió a tuluka mu kina.

Matesu 12:40

Mbata mukuâ ni kia kexile Jona makumbi ma tatu ni mausuku ma tatu mu mala a kimbiji, ni Monʼa Muthu ue ua kà bhanga makumbi ma tatu ni mausuku ma tatu koxi a mavu.

Nzuá 20:17

Jezú u mu ambela, uixi: Ku ngi kuate; kuma ki ngi bande luua kua Tata iami. Ndé-phe ku jiphange jami kà ambele kuma eme nga-nda kubanda kua Tata iami, kua Tata ienu; kua Nzambi iami, kua Nzambi ienu.

Nzuá 3:13

Kana-ku dingi muthu ua bandele bhulu, kikale ngó ió ua tundu bhulu, muène Monʼ a Muthu, mukua diulu.

Nzuá 6:33

Mukonda o mbolo ia bhana Nzambi, iene ia tuluka mu diulu, i bhana mundu o muenhu.

Nzuá 6:38

Mbata eme nga tuluka mu diulu, kana mu kubhanga o vondadi iami, maji mu kubhanga vondadi ia ió uoso ua ngi tumu.

Nzuá 6:41

Jijudé bhenhobho ji kuata ku mu longolola, mukonda muène uambe, uixi: Eme ngi mbolo ia tuluka mu diulu.

Nzuá 6:51

Eme ngi mbolo ia muenhu ia tuluka mu diulu. Se bhu kala muthu u dia o mbolo iíi, muenhu uê ki ua kà bhua dingi. O mukutu uami, iene o mbolo i nga-nda kubhana, phala o mundu ni u kale ni muenhu.

Nzuá 6:58

Iíi iene o mbolo ia tuluka mu diulu. Ki i soko dingi ni mbolo jitata jenu ia dile, anga àfua. Uoso u dia mbolo iíi, uà kola muenhu sé dizubhilu.

Nzuá 6:62

Ki kala-phe kiebhi hádia, se mu tala Monʼ a Muthu iú banda kunhá, kua kexile mʼ okulu?

Nzuá 8:14

Jezú u a vutuila, uixi: Sumbala nga di bhela umbangi Eme-muène, umbangi uami ua kidi. Kuma eme ngejiia ku nga tundu, ni ku giia, maji enu-phe ni ku nga tundu, ni ku ngiia, ki muejiia-ku.

Jihebeleu 2:7

Kuma ua mu bhange kukala kathangana ndenge ia ji-anju, ua mu zuika kitundu kia fuma ni ujitu, ia tokala o sobha,

Jihebeleu 2:9

Etu-phe tua mono Jezú! A mu bhangele kathangana ku kala ndenge ia ji-anju, phala mu kiadi kia Nzambi a lole kalunga mu mulonga ua mundu uoso. Kiki-phe tua mu mono kuila mukonda dia phaxi ia bhiti na-iu, a mu zuika kitundu kia fuma ni ujitu.