Efezo 4:8 - O Mikanda Ikola

⁸ Kiene ki ambe o Mikanda Ikôla, exi: Muène kia bande o ditala dia di leka, uambata jihutile javulu, o athu ua a uanena maujitu.

Efezo 4:8 ပူးပေါင်းရင်းမြစ်များ

Estere 2:18

Muenexi anga u bhanga fesa ia dikota ia jifixiiadi jê ni akua mbèle iê; i kala fesa ia fuma ia Estere. Mu sengu joso anga u a bhana hanji kithangana kia kunhoha, o mundu u a uanena maujitu ma kutubhula ni kuidikiza o fuma ia muenexi.

Jisálamu 68:18

Eie ki ua bande bhuluʼèlele, ni mu diendu dié ubhika ua u katula-mu eie ua u ambata kuma hutile ié i ua kutu; ni mahitula mé, ua ma tambula muʼaxaxi ka athu; katé ni iá a xibhakele, a xikina kiá kuila, Jihova Nzambi a tunge muʼaxaxi kâ.

Jisabhu 30:4

Mukuahi ua bandele kiá ku diulu iu ua tuluka? Mukuahi ua koteka o kitembu bhu maku mê? Mukuahi ua kutila menha bhu kizuatu kiê? Mukuahi ua xikika o jihota joso jaʼxi? Dijina diê nanhi, mba o dijina dia monʼê nanhi, se eie ua mu ijiia.

Efezo 4:11

Muène ua uanena o maujitu ku athu. Amoxi-moxi ua a bhana kukala Jipoxolo; amoxi Jipolofeta; amoxi akunji a kutula o Njimbu Iambote; amoxi jipaxtolo; amukuâ jimesene ja kulonga mu Ngeleja.

Kolose 2:15

O jinguzu ja maukota ni maungana ji fudisa mu nzumbi, Kristu ua ji tolola, ku dikulusu diê. O maukota ni maungana enhó a fudisa mu nzumbi, iú ua a bhake mu kanga ni ku a tadika ku jisonhi kioso kia kola o kikoue ku dikulusu dienhodio, ni ku a bhanga jihutile jê.

Afundixi 5:12

Phaphumuka, phaphumuka, eie Debola! Phaphumuka, Phaphumuka, u kuate kuimba muimbu, balumuka, eie Balake, monʼa Abinouamu, u kute enhó a ku kutile eie!

I Samuuele 30:26

Davidi anga u bhixila bhu Zikilake, ku ibhaku ia tambula anga u tumikisa-ku ku adiakimi a Juda, o makambʼê, uixi: Ujitu-ze iú u nga mi tumikisa, ua tundu ku ibhundile i tua bhûndu ku jinguma ja Jihova.