Efezo 4:7 - O Mikanda Ikola

⁷ Kala muthu-phe mudienu, a tu uanena kiadi mu kizongelu kia ujitu ua tu bhana Kristu.

Efezo 4:7 ပူးပေါင်းရင်းမြစ်များ

Matesu 25:15

Iú anga u mu bhana talendu jitanu ja kitadi; o iú jiiadi, o iú imoxi; kala muthu kioso kia soko na-kiu; anga u katuka njila iê.

Nzuá 3:34

Uoso a mu tumu kuala Nzambi, u zuela maka ma Nzambi, kuma muène kia mu bhe o Nzumbi, Nzambi ka mu bhana Nzumbi ni ku i zonga.

Loma 12:3

Mu kukumbidila o kiadi kia ngi bhana Nzambi mu ujitu uê, ngʼ ambela kala muthu mudienu, kuila: Muthu ka di fike ima ia mu tundu. Maji a banze ni ku di tululula katé ua di fika ia kubatâma. Kienʼ iki kala muthu a di banze kiasoko mu kixikanu kioso kia mu bhana Nzambi.

II Kolindo 6:1

Uila kiki, ki tuedi tu akuenu mu kikalakalu kia Nzambi, tua mi bhingi kiki: O kiadi kia Nzambi, ki mua tambula kiá, ki mu ki ehele dingi ku di bota.

Efezo 3:2

Mbata nga fika kuila ki mu kamba ku kʼivua o ukunji ua ngi bhana mu kiadi kia Nzambi, phala mbote ienu.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

Jihebeleu 2:4

Nzambi ue mbangi iâ, kuma ua a bhana kubhanga isumua ni madiuanu, ni jinguzu javulu, ni mauhete ma Nzumbi Ikôla, kioso kia mu kala mu vondadi iê.

I Phetele 4:10

Muthu uoso uhete uê ua tambula kua Nzambi a u kumbidile mudienu, kala mufuni ua mbote ua kiadi kia Nzambi kia vula o matelu phala mbote ue ia akuâ.