Efezo 4:6 - O Mikanda Ikola

⁶ Sai-ku Nzambi imoxi ngó, Tata ia etu ene oso, uala Ngana ia ene oso, u kalakala mu ʼaxaxe ka ene oso, iú uala moxi dia ene oso.

Efezo 4:6 ပူးပေါင်းရင်းမြစ်များ

Dimatekenu 14:19

Anga u mu tanesa, uixi: Tana-ku, tana-ku! Eie u Mbalamu ia Nzambi Suke-ku, uavu o diulu ni ixi.

Jisálamu 95:3

Kuma o Jihova, kota dia Nzambi, Ngana ia dokota ua tundu o jinzambi joso.

Izaía 63:16

Maji-phe, eiʼeie u Tatʼetu, né-mbe hanji o Mbalahamu ka tu ijiia, o Izalaiele ue ka tu suu; Eie-phe, Ngana, u Jihova, eie muene u Tatʼetu; u Mukudi uetu tundé xahúlu, diene o dijina dié.

Malakiia 2:10

Manhi ki tuala tu akua tatʼimoxi, etuʼene oso? Ki Nzambi imoxi muene ua tu bhanga? Phalahi-phe tuia ni ku di bhanga ufe mudietu? Phalahi akuetu tuenda-nâ ni mangonha, anga tu fukuila o kikutu kia jitata jetu?

Dialuilu 16:22

Maji-phe ene a di ṗhudikila o jipholo jâ bhoxi, anga ela exi: Uá! Nzambi, tata! Eie u Nzambi ia jinzumbi ja xitu ioso, abha mukonda dia muthu umoxi ua-te o kituxi, eie u thathamena kiavulu kiki o kilômbo kiosuʼiki?

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.

Matesu 6:9

Kienhiki, mu kusamba kuenu, muila kala kiki: Tata ietu uene mu diulu, dijina dié a dixile.

Nzuá 14:23

Jezú u mu vutuila, uixi: Muthu se ua ngi zola, kikale u aiuka o maka mami; o Tata iami-phe u mu zola. Mu kiki, ni eme ni Tata iami, tuiza kua muene, hé tu tunga-nê.

Nzuá 17:26

Eme nga ejidisa o dijina dié, hanji ngi dʼ ijidisa dingi, phala o henda i ua ngi zola na-iu eme, ni i kale mua ene, ni eme-muène mua ene.

Nzuá 20:17

Jezú u mu ambela, uixi: Ku ngi kuate; kuma ki ngi bande luua kua Tata iami. Ndé-phe ku jiphange jami kà ambele kuma eme nga-nda kubanda kua Tata iami, kua Tata ienu; kua Nzambi iami, kua Nzambi ienu.

Loma 11:36

Mukonda o ima ioso muène ua i bhanga, o ima ioso iala-ku, iemanena mua muène, phala muène. O fuma i kale iê-Muène ku mivu ni mivu sé dizubhilu. Amén!

I Kolindo 12:6

O unjimu ua maufunu ua di tungula mu idifanganu, maji-phe Nzambi imoxi u bhana unjimu moxi dia ene oso, phala muthu ni muthu nʼ a bhange o kikalakalu kiê.

I Kolindo 8:6

Etu-phe kua tu kala ngó Nzambi imoxi. Muène Tata ua bhanga o ima ioso, etu tuala kulaia phala muène. Sai-ku ue Ngana imoxi ngó, muene Jezú Kristu; o kua Muene kuene kua bhangela o ima ioso; o muenhu u tuala na-u tua u muena kua Muène.

II Kolindo 6:16

O kididi kia Tembulu ia Ngene ia Nzambi, ki bangana kiebhi ni iteka ia akua mundu? Kuma etu tuala tu tembulu ia Nzambi ia muenhu. Uila kiambe muène Nzambi, uixi: Eme ngiia mu kutunga, hé ngi kala-nâ kumoxi. Ngi kala ngi Nzambi iâ, ene a kala mundu uami.

Efezo 1:21

O kiki Kristu muene ualù tumina o mautuminu oso mu madimbinza, ni atumini oso, ni nguzu joso ni makutena oso. Muène a mu zangeleka ku thandu dia mautuminu oso ala ku mundu iú, ni ku mundu uà kʼ eza-ku.

Efezo 2:22

Mu kieniiki, enu oso ue mua tunguia mua Kristu kumoxi ni akuenu oso mu kukala dibhata dia Nzambi, mua tena kubhanga kibuta kiê mu Nzumbi.

Efezo 3:17

Eme nga mu bhinga dingi phala Kristu a mi tunge ku miẋima ienu mu kuxikana. Nga mu samba phala o ki muila mua te jindanji, mua kuata, mua xikama mu henda,

Efezo 6:23

Jiphange koko a kale ni paze, ni henda kumoxi ni kuxikana, i tunda kua Nzambi Tata, ni kua Ngana Jezú Kristu.

Matendelelu 6:4

Ivua, Izalaiele, tata! O Jihova, Ngana dia Nzambi ietu, muene Ngana imoxèlele ngó, ka moneka mukuá.

I Nzuá 3:24

Uoso u aiuka o ijila ia Nzambi, ió ua tungu mua Nzambi, o Nzambi ue ua tungu momuʼê. O mukonda dia Nzumbi ia tu bhana Nzambi, bhene bhu tu kʼijidila kuma Nzambi ua tungu moxi dietu.