Efezo 4:5 - O Mikanda Ikola

⁵ Sai-ku Ngana imoxi ngó, kixikanu kimoxi, ni batizu imoxi.

Efezo 4:5 ပူးပေါင်းရင်းမြစ်များ

Zakadiia 14:9

Jihova muene ua kà kala Sobha mu ngongo ioso. Bhu kizuuʼokio-phe, Ngana ia kà kala imoxi ngó ni dijina diê dimoxi ngó.

Matesu 28:19

Enu-phe ndenu, mua ka longe jixibulu ku akua jixi joso, ni ku a batizala mu dijina dia Tata, ni dia Mona, ni dia Nzumbi Ikôla;

Jipoxolo 10:36

Enu muejiia kuma muene ua tumikisa maka ku ana a Izalaiele, o Njimbu Iambote ia paze ia kolele Jezú Kristu, muène Ngana ia mundu uoso.

Jipoxolo 2:36

Uila kiki, dibhata dioso dia Izalaiele di tume ku kʼ ijiia mu kidi, kuma Jezú imoxi iíi, mua mu tele ku dikulusu, Nzambi ua mu bhanga muène Ngana, muène Kristu.

Loma 3:30

Kuma o Nzambi imoxi ngó iene ialaku, o ió akua kifua kia kusaia, u a lungisila mu kuxikana; o a kambe kifua kia kusaia, kiene kimoxi, u a lungisila ue mu kuxikana.

I Kolindo 1:13

Kifua Kristu ua di muangununa ku jimbandu-jimbandu? Inga Phaulu a mu jibhile ku dikulusu bhu kididi kienu? Manhi enu a mi batizala mu dijina dia Phaulu?

I Kolindo 1:2

tua soneka o mukanda iú phala Ngeleja ia Nzambi iala mu Kolindo, kiene-phe, oso kiá a a kôlesa mua Kristu Jezú, a exana phala kukala mundu ua Nzambi. Mukanda iú uosoneke ue phala oso kiá akua kuhingila mu dijina dia Ngana ietu Jezú Kristu mu ididi ioso, Ngana iâ ene, Ngana ietu-etu.

I Kolindo 12:13

Kuma ku Nzumbi imoxi etu oso a tu batizala mu mukutu umoxi, kixi tu Jijudé, kixi ki tu Jijudé, kixi tu abhika, kixi tu jifôlo. Etu oso a tu nuisa ku Nzumbi imoxi.

I Kolindo 12:5

O maubhikilu ue ma di tungula mu idifanganu, maji o Ngana iene imoxi i tua mu bhikila.

I Kolindo 8:6

Etu-phe kua tu kala ngó Nzambi imoxi. Muène Tata ua bhanga o ima ioso, etu tuala kulaia phala muène. Sai-ku ue Ngana imoxi ngó, muene Jezú Kristu; o kua Muene kuene kua bhangela o ima ioso; o muenhu u tuala na-u tua u muena kua Muène.

II Kolindo 11:4

Mbata enu mu tambulula ni ngalasa ioso muthu uoso-uoso u mi sanga, hé u kola Jezú iengi, ki muène Jezú tua mu kola etu. Anga mu xikana nzumbi iengi, mba njimbu iengi ki iene ia Nzumbi ia Nzambi i mua tambuile ko kuetu-etu!

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

Efezo 4:13

Mu kieniiki, katé ki tua kà bhixila etu ene oso mu kuongama kua kuxikana kuetu, ni mu kuijiia o Monʼ a Nzambi. Anga tu kala ku uadiakime, hé tuia ni kukula katé mu kitale kia tenena kia Kristu.

Filipe 2:11

Ki bhu xala dimi di kamba kufisala kuma Jezú Kristu muene Ngana, mu kubhana o fuma kua Nzambi, Tata.

Filipe 3:8

Kidi kiene, ima iosololo ngi i kita kingoho mu ujitu ua kuijiia Kristu Jezú, Ngana iami. O mukonda dia muène, ima i nga kuatele, nga i texi dikanga, ioso ia di boto. Ememuene-phe nga i kiti dixilu, phala ngi nganhale Kristu, nda ngi kondamene kua Muène.

Tito 1:1

Eme Phaulu, ngunza ia Nzambi, Poxolo ia Jezú Kristu, nga soneka o mukanda iú. A ngi tungula ia a ngi tumikisa mu kukuatekesa ni kusuinisa o kuxikanʼoko kuene na-ku athu a Nzambi, phala ku a endesa mu kidi kiene kulonga o ubhezelu uetu.

Tito 1:4

Nga ku sonekena eie Tito, u monʼami ua kidi, mu kuxikana kuetu kumoxi ni eie ni eme. Nga ku indila kuila o kiadi ni paze i tunda kua Nzambi Tata, ni kua Kristu Jezú, Mubhuludi uetu, i kale jinge ni eie.

Jihebeleu 13:7

Lembalalenu athu a mi kexile ku pholo, a kexile ku mi tangela o maka ma Nzambi. O ki mu xinganeka jinga bhua sukila o uendelu uâ mu ngongo, a fikisienu mu kuxikana kuâ.

Jihebeleu 6:6

Maji o ku pholo ku eza kunu a lueza, o kuxikana a ku texi! Ki ki xikina ku a bheka dingi mu kudiela, kiosuʼiki kiala kuila o Monʼa Nzambi a mu tona ku mu ta ku dikulusu, a mu sebulula bhu pholo ia mundu.

Tiiaku 2:18

Sai-phe ni muthu uila, uixi: Eie uala ni kuxikana, eme ngala ni ima i ngi bhanga. Ngʼidikize-phe o kuxikana kué kua di kalela sè ima i u bhanga, eme-phe mu ima i ngi bhanga, muene mu ngi ku idikiza o kuxikana kuami.

I Phetele 3:21

O menha enhó-phe ene a di fuangana ni batizu iala ku mi bhulula mu leluʼidi. O batizu ki kima phala kudisukula o dixidilu dia mukutu, maji polomesa i tu bhanga kua Nzambi, i tunda ku kitongoluelu kia zele kiambote. O kubhuluka kuenhuku kuijiia mu kufukunuka kua Jezú Kristu,

II Phetele 1:1

Eme Ximá Phetele, ngi mubhika, ngi Poxolo ia ngene ia Jezú Kristu. Nga sonekena akuetu, a mono ue kuxikana kua sokela ni kuetu mu ujitu, a ku muena mu kuiuka kua Nzambi ietu, ni Mubhuludi Jezú Kristu.

Juda 1:20

Maji enu-phe, akuetu, nga mi zola, suinenu ni kuia dingi ku pholo mu kuxikana kuenu ku muala na-ku, kuma kiene o kixikanu kikôla ki mua kuata. Muila ni kusamba jinga mu nguzu ia Nzumbi Ikôla.

Juda 1:3

Enu akuetu, nga mi zola, kioso ki nga tele o muẋima mu ku mi sonekena o maka ma kubhuluka kuetu etu-ene-oso, kua ngiza kibhidi kia ku mi sonekena mu ku mi suinisa mu kuzokela o kixikanu kia bhana Nzambi, tunde ukulu ku akua Ngana.