Efezo 4:4 - O Mikanda Ikola

⁴ Sai-ku mukutu umoxi ngó ni Nzumbi imoxi, ni kima kimoxi kia mi dielelesa enu oso mu ku mʼixana kua Nzambi.

Efezo 4:4 ပူးပေါင်းရင်းမြစ်များ

Jisálamu 122:8

Mukonda dia jiphange jami ni makamba mami, nginda muene a kale ni kubhanduluka.

Jelemiia 14:8

Eie u Kidielelu kia Izalaiele, eie u Mukudidi uê mu kithangana kia jiphaxi! u di bhangela-hi kala u nzuangiza moxiʼumu? mba u ngenji-a-thumba u bhambukila kuzekela usuku?

Jelemiia 17:7

Muthu uoso-phe u dielela kua Jihova, muene ua zediua, uedi o kudielela kuê Jihova muene.

Matesu 28:19

Enu-phe ndenu, mua ka longe jixibulu ku akua jixi joso, ni ku a batizala mu dijina dia Tata, ni dia Mona, ni dia Nzumbi Ikôla;

Jipoxolo 15:11

Kana, ngana! Mbata tua xikana-phe kuma etu tu bhulukila mu kiadi kia Ngana Jezu; ene uâ kiene.

Loma 11:29

Kuma Nzambi kene kualuluka mu ubanzelu uê, ku mbandu ia ió uoso a mu sola kuala muène anga u mu zediuisa.

I Kolindo 10:17

Némbe etu tua vulu, etu oso tu dia ku mbolo imoxi, iene imoxiʼ èlele. Kiene ue ki tua kexila tu mukutu umoxi ngó.

I Kolindo 12:20

O kiki-phe idiandu i vula, maji o mukutu-phe umoxi ngó.

II Kolindo 11:4

Mbata enu mu tambulula ni ngalasa ioso muthu uoso-uoso u mi sanga, hé u kola Jezú iengi, ki muène Jezú tua mu kola etu. Anga mu xikana nzumbi iengi, mba njimbu iengi ki iene ia Nzumbi ia Nzambi i mua tambuile ko kuetu-etu!

Efezo 1:18

Nga mu bhinga phala a jikule o ilunji ienu, a mi tonese o mesu ni mu mone o mukengeji, nda mu ijiie ioso ia tu dielelesa Nzambi mu kixanu kiê. Mbé ni mu ijiie ue kioso kiavulu o jimbongo ja mabesá mê ma tange kubhana o mundu uê,

Efezo 2:16

O mu kufua kuê ku dikulusu, Kristu ua jibha o unguma uoso. O mu dikulusu diê, muene mua takanesena o miji iiadiʼ oio mu kukala mukutu umoxi ngó, iú ua a vutula ni ku a luulula kiiadi kiâ ni Nzambi.

Efezo 2:18

Kuma ni Jijudé, ni iá ki Jijudé tua tambula kua Kristu o disesa dia kubhiẋila etu ene oso ni Nzumbi imoxi bhu pholo ia Tata.

Efezo 2:22

Mu kieniiki, enu oso ue mua tunguia mua Kristu kumoxi ni akuenu oso mu kukala dibhata dia Nzambi, mua tena kubhanga kibuta kiê mu Nzumbi.

Efezo 4:1

Uila kiki, eme ngi hutile, a ngi kutu mukonda dia kubhiẋila Ngana, nga mi diondo mu enda kioso kia fuama mu kixanuʼokio kia mʼixana na-kiu Nzambi.

Efezo 5:30

Kuma etu tuala tu idiandu ia mukutu uê.

Kolose 1:5

Kioso o ngolokela ia kidi, ia Njimbu Iambote, ki ia bhixila lua dianga kokuenu, kienhokio kiene ki muevua ue ku mi zuelela o kudielelʼ oko kuijiia ku Ngimbu Iambote. Kala kiki, o henda ni kuxikana ku muala na-ku kua tundu mu kidielelu kiokio ki muala na-kiu, kia kudielela ima ioio ia mi lundila mu diulu.

Kolose 3:15

O kutululuka ku tunda kua Nzambi, ku mi tetulule mu miẋima. O kutululuka kueniuku kuene Nzambi kua mʼixanena kukala idiandu ku mukutu umoxi. Hé muila ue ni kusakidila.

II Tesalonika 2:16

Kiki-phe, Ngana ietu Jezú Kristu muène, ni Nzambi, Tata ietu ua tu zola, ió ua tu bhana o kubhua uôma ni kukondoka o malamba sè kufula, ni kudielela kuambote mu kiadi kiê,

I Timote 1:1

Eme Phaulu, Poxolo ia Kristu Jezú, mu kijila kia Nzambi Mubhuludi uetu, ni Kristu Jezú kidielelu kietu,

Tito 1:2

Ubhezelu ua xamenena mu kudielela o muenhu ki uàbhua. Nzambi ka moneka makutu, muène ua tu kanena-nâ tunde xahulu ku dimatekenu dia ithangana ioso.

Tito 2:13

O kiadi kienhiki ki tu longa ue kukala mù kingila o kizuua kietu kia kuzediua, kioso kia kà tukuluka ni fuma Nzambi ia dikota, Mubhuludi uetu, Jezú Kristu.

Tito 3:7

Phale o ki tu zubha kulungila ku kiadi kia Nzambi muène, tu kale tu alundudi, tua dielela kutambula o muenhu ki uàbhua u tuala kukinga.

I Phetele 1:21

Muène iú ua mi bhangesa kukala mu axikani a Nzambi, ió ua mu fukununa muène mu madifundu, iú ua mu bhana o ungana. Mu kienʼiki, o kuxikana kuenu, ni kudielela, ku muala na-ku, kua kuatenena kua Nzambi.

I Nzuá 3:3

Muthu uoso-phe mua Kristu u kuata kudielela kiki, ki bhinga u di zelesa kala kia zele muène Kristu.