Efezo 4:31 - O Mikanda Ikola

³¹ Ni kulula kuoso, ni kunônga, ni kutema, ehenu-ku. Kana kukuata kuhoia-hoia, ni kulokalala. Kana kukala ni unguma.

Efezo 4:31 ပူးပေါင်းရင်းမြစ်များ

Dimatekenu 27:41

Izaú anga u zemba Jakobo, mukonda dia dibesá diodio dia mu zediuisa na-diu tatʼâ; Izaú anga u amba ku muxima uê, uixi: Izuua ia thambi ia phaietu ia zukama; phange iami Jakobo, kiene kiua ki ngi mu jibha.

Dimatekenu 37:21

Lubene anga u kʼivua, u mu kudila bhu maku mâ, uixi: O muenhu uê ki tu mu katule-u, kana.

Dimatekenu 37:4

O jiphange jê ki a mono kuma tatʼâ ua beta ku mu zola muene, o jiphange jê joso ndenge, a mu zemba, o mu kuzuela aia ni ku mu handulukila, ka tena ngó ku mu kunda ni paze.

Dimatekenu 4:8

Kaini anga u zuela ni phangʼê Abele, uixi: Tuie ku mukáu. O kioso kiala kiiadi kiâ mu mukáu, anga ki bhita-phe kuila Kaini u lungulukila Abele, phangʼiê, hé u mu jibha.

II Samuuele 13:22

Abisalone-phe ka kumuna ue kima kua Aminone, né kuâmba kizuelu kiauabha mba kiaiibha; kuma Abisolone uala kiá ni kizembu kia Aminone, mukonda ndengʼiê Tamala ua mu bhange ufusa mu kusuina.

II Samuuele 19:27

Muene kifua ua ngi tatela ko kué, kùku, ngana iami. Maji eie-phe, kùku, ngana iami, uala mukua ni anjo ia Nzambi; bhanga-phe kioso ki ua mono kia tokala.

II Samuuele 19:43

Akua Izalaiele anga a vutuila akua Juda, exi: Muenexi ua tu tokala etu, enu ndenge; mua tu tèndela-hi-phe, mu kamba ku dʼivisa ni etu, mu kutakana dingi muenexi uetu? Maka ma akua Juda anga ma beta kusuína, maka ma akua Izalaiele ndenge.

Jisálamu 101:5

Uoso uenda ni kabódio ka kutatela mukuâ, ió eme ngi mu jima o mbutu; o uala ni ukumbu ua mesu ni izala ia muẋima, ki ngi mu ehela.

Jisálamu 140:11

Muzuedi uaibhʼó, ka kale dingi ni kididi mu ngongo; mukua kusuína, uíndua u mu seia katé kia mu jikinisa.

Jisálamu 15:3

Ka xingi ndaka ni dimi diê, ka xikina kubhanga phulu kua mukuâ, kende ni kabódio mu sanzala.

Jisálamu 37:8

Eie-phe, ku njinda tunda-ku, u ehe o kutema; kuma o kuthathamana ku ku bhangesa ngó kiaiibha.

Jisálamu 50:20

U xikama mu kuâmba phange ié muene; monʼa mamʼenu u mu tatela ima ka i bhange.

Jisálamu 64:3

A bhingi dimi diâ a di zuika kala xibhata, a ku ona o milonga ialulu kala matoma.

Jisabhu 10:12

Luma lu balumuna jimvunda; maji o henda iavungina o itondalu ioso.

Jisabhu 10:18

Uoso u kondeka o luma ni ku di-uabhesa ku mizumbu, mukua makutu; uoso-phe uenda ni kabódio, kioua.

Jisabhu 14:17

Muthu u thathamana lusolo, u zanga ima; o mukua ilunji ia mudiangu, athu a mu kuma.

Jisabhu 18:8

Maka ma mbombo-kumbodi, mukua ni dikoka dia touala, a somboluela katé mu mídia.

Jisabhu 19:12

Sobha, o ki muiza kutema, mukua ni muzonga ua hoji ia munzangala; o ki muiza kubhanga mbote, mukua ni dimume di tula ku kisasa.

Jisabhu 25:23

Kitembu ki tunda ku suku, kiza ni ku xinjikila mvula; o dimi di tanga iaiibha, di bhekela pholo ia funduluka ni njinda.

Jisabhu 26:20

Bhua kambe jihuinhi, túbhia ta jima; o bhua kambe mukua jimbuémbue; mvunda isuka.

Jisabhu 29:22

Kiiala kia mukua njinda, u vulumuna jimvunda; o mukua nganji, mukua ku di vudixila o itondalu.

Jisabhu 29:9

Muthu uejiia, kia di kuata ni iú kʼejiia kima, kixi u di vunza mba uolela, ió kunhoha ka ku mono.

Jisabhu 6:19

o mbangi ia mangonha itanga makutu, ni mukua kuzokesa jiphange u kuna jimvunda muʼaxaxe kâ.

Ndongixi 7:9

Kana kulenguluka ku kala ni njinda mu muenhu ué, kuma o njinda ia tunga bhu homba ia maióua.

Jelemiia 6:28

Ene oso, ene a beta o kuẋinuka, anga a nanga ni ku longolola; a kolo kala ngondo ni felu: ene oso uendelu uâ ua ku di bolesa.

Jelemiia 9:4

Muthu ni muthu a di lange ku dikamba diê, kana ue kudielela phange ioso-ioso; kuma phange joso muene a mu bhanga ngó mangonha kuabhu; o makamba oso enda ni kutatela.

Jipoxolo 21:30

Mbanza ioso anga i salumuka, o mundu edi ni ene bulukutu mvengete, hé eza ni kulenga, a kuata Phaulu, a mu sunga-sunga bhu kanga dia Tembulu; kithanganʼokio mabhitu a Tembulu a ma jika.

Loma 3:14

makanu mâ mezala kuxinga ni kulula.

I Kolindo 14:20

Jiphange, kana kuxinganeka kala mu anandenge. Mu iaiibha mu kala mu ana auisu, maji-phe mu kuxinganeka mu kala mu adiakimi.

I Kolindo 5:8

Uila kiki, tu bhangienu o fesa ia Phasu ietu, kana ni mbolo ia kifulu-fulu kiokulu, o kifulu-fulu kia ituxi ni jiphanda, maji ni mbolo ja hangala, o mbolo ja kuiuka ni kidi.

II Kolindo 12:20

Kuma ngala ni héle, sumba ku matelu-matelu, hinu ki ngi mi sanga, ki mu kala uila ki nga mi mesena kukala, eme uami ki ngi kala uila ki mua ngi mesena kukala. Ngala ue ni hele, sumba ku matelu-matelu hinu nga kà sanga jimvunda ni madixinga, kizembu ni luimbi, makulokalala, kutangelela, ukumbu, ni jikavuanza.

Ngalásia 5:20

Ubhezelu ua iteka, uanga, athu a di kuatela unguma, a di dia milonga, a di bhanga kusuina, a di temena, a di kuata jimvunda, akua difuba, akua luimbi. A di zemba, a di muangununa ku madianda-madianda, ni ku ibuka-ibuka.

Efezo 4:22

Bhu kaxiʼ abha ni kikexilu kienu kia bhiti, zulenu o muthu Uokulu, ua bolo, mù kaiela o jihanji ja kudinganala.

Efezo 4:25

Uila kiki, ki mu tange jinge dingi makutu. Maji mu di tangela jinga o kidi kala muthu ni mukuâ. Kuma etu oso tua di bhange tu idiandu ku mukutu ua Kristu.

Efezo 4:26

Se u kala ni njinda, kuehela kuila i ku bhangesa kuta kituxi; kumbi ki di ku bhuile mu njinda.

Kolose 3:19

Enu mu mala, Zolenu ahatu enu, kana ku a thathamena jinga.

Kolose 3:8

O kiki-phe zulenu-iu iene ioso: Ni njinda, ni kutema, ni phulu, ni kuxinga, ni jindaka jabolo ki ji tunde mu kanu dienu.

I Timote 3:11

Ahatuʼâ ue ki bhinga a kala jifiiele, ka kale ni jimbuèmbue. A kale ku mesu a zele, a kumbidile jinge mu ima ioso.

I Timote 3:3

Ka kale mukua kukodiua mba kiiala kia thathamana, maji u bhinga u kala mukua kilendu, ua xididika. Ka kale mukua luimbi lua kitadi.

I Timote 5:13

Kua di te dingi kuila a di longa usonde, hé a kuata kunhunga ngó inzu ni inzu. O kia beta dingi kuiibha, o kuila ku usonde ene a ta-ku dingi kabódio, a kala itoka, a zuela ima ki ia tokala.

II Timote 2:23

O kudikuata ni athu jiphata ja usemenhi-phe, ja uoua, ditune-ju. Eie kuma ua kʼijiia, ku dizubhilu diê ji bheka jimvunda.

II Timote 3:3

Ka moneka henda ia muthu, kene kuloloka, akua kutatela ngó akuâ, keji kufikisa jihanji, a kaka, a di zemba ni ima iambote.

Tito 1:7

Kuma bispo u bhinga ka kala ni kuêla, mbata muène dikota dia Ngeleja, muingi ua dibhata dia Nzambi. Ka kale ni izala, ka kale muthu u thathamana, ka kale mukua jimvunda, mba muthu u uabhela kunua vinhu, mba mukua kubeta. Ka kale ni luimbi lua nganhu iaxidi.

Tito 2:3

Ambela ue adiakimi a ahatu kuila ende ni ujitu, ua fuama athu ala ni muenhu uazele. Ka kale ni kabódio, ka kale mu ubhika ua kunua vinhu iavulu. Maji a kale mú longa jinga ima ia mbote,

Tiiaku 1:19

Lembalala jingenu-phe kiki, enu jiphange jami nga mi zola. Muthu ni muthu-phe a lenguluke kuivua, maji a kokoloke kuzuela, a kokoloke o kutêma.

Tiiaku 3:14

O ki kala-phe enu mu kala ni difutu, ni kulula, ni kudiuabhela kia ngó enu-enu mu miẋima ienu, ki mu di ximane-phe, ki mu kale mu kuta makutu.

Tiiaku 4:11

Enu, jiphange jami, ki mu kale mu ku di âmba mudienu. Uoso u âmba phangʼiê, mba phangʼiê u mu fikila, uambe o Kitumu, ua fikila o Kitumu. O ki uila Kitumu u ki fikila, kualé dingi u mubhangi a Kitumu, maji u mubatuidi a milonga.

I Phetele 2:1

Uila kiki-phe, ehenu o usueia uoso, ni makutu, ni mangonha, ni luma, ni kabódio, ka kulongolola athu.

I Nzuá 3:12

Ki tu sokele ni Kaini ua tokalele kua Diabhu mukua kutondalesa, anga u jibha phangʼiê. Mukonda diahi kia mu jibha? Mukonda o Kaini imbamba iê ia bhangele iaiibha, o ia phangʼiê Abele iaiuka.

I Nzuá 3:15

Muthu uoso u zemba phangʼiê, kijibhangânga. Enu mua kʼijiia-phe kuma, kana kijibhangânga uala ni muenhu ki uàbhua, ua mu tungu moxi diê.

Dijingunuinu 12:10

Anga ngʼívua dízui dia dikota mu diulu, dixi: Kiki kueza ubhulukilu ua Nzambi ietu! Kiki o Nzambi ietu uedikiza o unéne uê kuila Muène Sobha! Kiki o Kristu iê, ua londekeza ki kala o ungana uê! Kuma o mutatedi ua jiphange jetu a mu lundumuna, ua kexile ku a tatela bhu pholo ia Nzambi muanha ni usuku, mu diulu a mu kaie-mu.