Efezo 4:30 - O Mikanda Ikola

³⁰ Kana kubheka malamba kua Nzumbi Ikôla ia Nzambi. Kuma o Nzumbi muene o kidimbu kia kuila o Nzambi uala momuenu; muène ue o diẋikina dia kuila Kizuua kí bhixila kia Nzambi ku mi kula.

Efezo 4:30 ပူးပေါင်းရင်းမြစ်များ

Dimatekenu 6:3

Ngana anga uamba, uixi: Nzumbi iami ki i kuata kubhanga jinga ni muthu, ki ki kale se dizubhilu, kuma muene ue xitu; izuua iê-phe a i fikisa mu hama ia muvu ni makuinhi aiadi.

Dimatekenu 6:6

Ngana anga u dielesa mu ku bhanga o muthu mu ngongo, kia mu bhekela lamba ku muxima uê.

Jisálamu 78:40

Lukuxi luosʼulu lua mu kitukila mu kikangalakata; a mu nhemuna jinga mʼoxi ia kukuta i bhekela o ngunzu!

Jisálamu 95:10

Muiji uenhú anga a ngi kuma mu makuinhi auana a mivu, ngixi: O iá athu ala ni mixima ia kudianguka! o jinjila jami a lémbua ku jʼijiia!

Izaía 43:24

Kua ngi sumbila lumbungu lua uasu ua dizumba mu kitadi, ku ngʼikutisa ue ni matheka ma jisata jé; maji ua ngi kumisa ngó ni ituxi ié, eie ua ngi bhuidisa ni ikuma ié.

Izaía 63:10

Maji ene a baluka, a luualesa o Nzumbi iê Ikôla; kia mu bhangesa ku kituka nguma iâ, anga muene-muène u zoka-nâ.

Izaía 7:13

Muene-phe, uixi: Kindala ivuenu, enu mu dibhata dia Davidi: O ki mua mu tatesa athu ki kia mi soko, hanji mu tatesa dingi Nzambi iami?

Izekiiele 16:43

Mbata-phe eie kua xinganeka o izuua ia unzangala ué, eie ua ngi lokalala o njinda ni ima iosuʼiii; tala-ze, eme ue o njila ié nga-nda ku ku lauila-iu ku thandu dia mútue ué—Jihova Nzambi ua ki tange,—o ku thanduʼa maufusa mé moso kua-nda kutaku dingi o kuximika kué kuosʼuku.

Hozeia 13:14

Hinu eme ngʼa kula ku uzonda ua mbila, hádia eme ngʼa tambula dingi kua kalunga-a-ngombe. Eie kalunga, o hadi i ua talesa jinga athu iii kuebhi? Eie mbila, o kusengulula kué kuebhi? O kudiela kua-nda kusuama, ki kua kà moneka dingi ku mesuʼami.

Marku 3:5

Muene ua exi suí, ene oso, ni dilamba ni njinda, mukonda kia mu iibhila o kukola kua kua muẋima, mbata nguâ-uâ ku tongolola, nʼejiie. Anga u ambela o diiala: Sunununa lukuaku. Muene kia lu sunununa, lukuaku lue lua disanze kala lua mukua.

Luka 21:28

Imʼ iii ki ia-ndu mateka kubhita, talenu bhulu, mu bhetuke mítue, kuma o kubhindumuka kuenu kua bhixila.

Nzuá 3:33

Uoso ua tambula o maka ma umbangi uê, ua londekeza kuma Nzambi kidi.

Jipoxolo 7:51

Mu kuzumbuka Xitevá, uixi: Enu mua thathamena-hi kiosuʼiki, tata! Mua kolela-hi kinéne o muẋima, matui a mi xiluka, mua lémbua kuivua o maka ma Nzambi! Enu izuua ioso mua di bhange kala o jitata jenu, nuka mu kamba kuẋinukina o Nzumbi Ikôla!

Loma 8:11

Maji se o Nzumbi ia Nzambi ua fukunuine Jezú mu ʼalunga, ua tungu moxi dienu, uoso ua fukunuine Kristu Jezú mu ʼalunga hadia ua kà phaphumuna ue o mikutu ienu ia kumbama, mukonda dia Nzumbi iê ia tungu moxi dienu.

Loma 8:23

Ki iene ngó, maji ni etu uetu, tua nomona-ku kiá ku Nzumbi ia Nzambi, tuala kikema moxi dietu kiosuʼ iki tuala kukinga Nzambi ku tu bhanga tu anʼ ê, ni ku tu kula o mukutu uetu uoso.

I Kolindo 1:30

Maji enu-phe Nzambi muene ua mi ongeka kumoxi ni Kristu Jezú, a mu bhange kuala Nzambi kukala muene unjimu uetu. O mua Kristu muene mua tu ẋikinina Nzambi bhu pholo iê, ni ku tu bhanga tu mundu ua ngene ua Nzambi, iú ua tu bhulula.

I Kolindo 15:54

Uila kiki, o mukutu iú ua kalunga, ki ua kà zuata ua muenhu ki uabhua, o ió ufua ki ua kà zuata ió ki u tena dingi kufua, kiene kia kà bhita kiokio kiosoneke mu Mikanda Ikôla, kuila: Kalunga a mu sengulula. O kikôue kia ku mu tolola kia tenena!

I Tesalonika 5:19

Kana kujima o kikalakalu kia Nzumbi Ikôla.

Jihebeleu 10:29

Abha-phe kia kà bhita kiebhi ni ió ua ditunu o Monʼ a Nzambi, iú ua mono kuila o manhinga ma kikutu kia Nzambi ma mu kolêsa, kima kia ngoho? Kia kà bhita kiebhi ue ni uoso u lokalala o Nzumbi ia kiadi kia Nzambi? Xinganekenu-phe, se o kaxtiku kê ka mu tokala, ka kà soka kiebhi!

Jihebeleu 3:10

Kia ngi bhekela kufutuluka ni muiji uenʼ ió, ngixi: O kulueza mu ixinganeku iâ iaiibha ka ku eha, jinjila jami a tokoka ku jʼ ijiia.

Jihebeleu 3:17

Akuahi ue a a futulukila mu makuinhi a uana a muvu? Enʼ ió a tele ituxi, o imbi iâ anga i buidila mu kikangalakata.

Afundixi 10:16

Anga a tubhula o jinzambi ja jixi jengi muʼaxaxi kâ, a kala mu bhikila Jihova; muene anga u kala ni muẋima ua kuxinganeka o kusebuluka kua Izalaiele anga u kala ni henda iâ.