Efezo 4:29 - O Mikanda Ikola

²⁹ Ki mu tunde ndaka iabolo mu kanu dienu. Maji o kuzuela kuenu ku kale kua kukuatekesa akuenu kukula mu kuxikana ni a mone kioso kia bhindamena, phala kuzuela kuenu ku bhange mbote kua oso evua.

Efezo 4:29 ပူးပေါင်းရင်းမြစ်များ

Jisálamu 45:2

Eie kuuabha kué kuengi, kua anʼa mala mu ngongo ndenge; eie o kusangumuka kua ku tunga kiá ku mizumbu; Nzambi kiene kia ku tunguila ni dibesá di nangenena.

Jisálamu 5:9

Kuma enhó kuzuela kuâ ki kuala ni kukumbidila; miẋima iâ moxi ia di bhange kizakazaka kia usuéia; bhu dikelengu diâ, kina kia kalunga, sumbala a hanza ni dimi diâ.

Jisálamu 52:2

Eie dimi dié di funha usuéia uoso, o kabódio kê mukuâ ni phoko ia bhutu mu kukuama.

Jisálamu 71:24

Mu tanga jinga o kukumbidila kué, dimi diami di sakalala, né mu kumbi dia kambàmba; kuma enhó a lémbua-ku, a diuana, sonhi ja a kuata, oso a sotele ku ngi bhanga o phulu.

Jisabhu 12:13

Mukua-phulu, itondalu ia mizumbu iê, iene o mikolo iê ia di-kuta na-iu; maji o muthu uaiuka, ubhulaka ku iluezu.

Jisabhu 15:23

Muthu kuijiia kuvutula kizuelu kiambote ni dikanu diê, ki mu sanguluisa; kuma o kizuelu kiene mu touala bhu thembu iê!

Jisabhu 15:7

O mizumbu ia jinjimu, i lundulula kuijiia; maji o muẋima ua ioua-phe, ki kiene ki u bhanga.

Jisabhu 16:21

Muthu uoso uejidila ku muẋima, ió a muila uadimuka; o uzuela kiatouala, u zubhisa akuâ o kudilonga.

Ndongixi 10:12

O njimu, ku maka a tunda mu dikanu diê, kuala kubhanduluka, maji o kiôua mizumbu iê iene i mu dia.

Izaía 50:4

Jihova Nzambi ua ngi bhana dimi dia uanji, phala uoso ua bhuila ngʼijiie ku mu tela tumaka tua mbote tu mu nhohesa bhu thembu ia tokala; muene mukua ku ngi phaphumuna imene ioso, uphaphumuna dítui diami ni dʼivue, kala ki kala a-di-longi.

Matesu 5:16

Kiene ue, o mukengeji uenu u muikine bhu pholo ia athu, ene a mone ima iambote i mu bhanga, ni a ximane Tata ienu uene mu diulu.

Luka 4:22

Ene oso anga a kala mu ku mu tumbula kiambote, a diuana maka ma uabha ma-la kutunda ku dikanu diê, exi: Manhi ki muenhú monʼa Zuze?

Nzuá 1:37

Jixibulu jiiadiʼji, kia mu ivu kuzuela kiki, a kaiela Jezú.

Loma 14:19

Uila kiki, tu kaiedienu o ima i bheka paze, ima i bhekela kutungiua mudietu.

Loma 15:2

Tuendienu kala muthu ni kuuabhela mukuâ, mu ima iambote i bhekela o kutungiua mu kuxikana.

I Kolindo 14:19

Sumbala kiene, maji kioso ki tu bhongoloka mu Ngeleja, nginda ngi zuela ngó izuelu itanu athu oso i evua ni kilunji, ni ngi longe akuetu, nguami kuzuela kuinhi dia midi dia izuelu mu mbimbi jengi.

Efezo 4:12

Muène ua bhange kiki mu kuzubhisa akua Ngana kudiiudika mu kioso kia a kambe, mu kukumbidila o ungunza uâ, ni mu kutungisa o mukutu ua Kristu.

Efezo 4:16

O mu ku di tuma kuetu ni muène Kristu, o mukutu uoso u di banda kiambote, u di sokejeka ku idiandu i kumbidila mu ididi iê, mukutu uoso anga u kala mù kula, u kala mù tungiua ni henda.

Kolose 4:6

O kuzuela kuenu ku kale kua ujitu, kuotoue ni môngua, phala uoso ua mʼibhula, mu ijiie ku mu vutuila kiambote ni ujitu.

I Tesalonika 5:11

Uila kiki, di longese jingienu mudienu, ni kudikuatekesa, mu di sokejeke kumoxi, kala ki muene kubhanga jinga kiá katé kindala.

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

I Phetele 3:1

Kiene ue enu ahatu beleselenu anume enu, phala né-mbe bhu kala ni iá a kamba kutumaka o maka ma Nzambi, ki bhekela ku a nganhala mu uendelu ua mbote ua ahatu â.

II Phetele 2:18

Kuma ene a tanga maka ma ku di kaka, a zuela izala ioso, o mu hânji jâ ja xitu ni mu ufusa, a bhomba athu ió oso ambe kiá kubhuluka mu akuâ a nanga mu kutondala.