Efezo 4:25 - O Mikanda Ikola

²⁵ Uila kiki, ki mu tange jinge dingi makutu. Maji mu di tangela jinga o kidi kala muthu ni mukuâ. Kuma etu oso tua di bhange tu idiandu ku mukutu ua Kristu.

Efezo 4:25 ပူးပေါင်းရင်းမြစ်များ

I Jisobha 13:18

Anga muene u mu ambela, uixi: Eme uami ngi polofeta ni mukuenu, anjo ia ngi tangela mu kizuelu kia Jihova, uixi: Mu vutule, uize-nê ku bhata dié, nda a die-ku kadikoka ni kunua-ku tumenha. Mbe-phe ua mu tangela makutu.

Jisálamu 119:29

O uendelu ua makutu u ngi xale bhua lebha; maji o ngonge ié ngi bhane-iu muene ni kulenduka.

Jisálamu 15:2

U kala muthu ua tenena mu kuenda kuê, mukua kukalakala ima iaiuka, u tanga kidi ni ku muẋima.

Jisálamu 52:3

Eie o phulu ia ku kala kota, o mbote ndenge; u beta kutanga makutu, ku xikina kuzuela kidi! (Selah.)

Makatukilu 23:7

Ku maka ma makutu tunda-ku, a ku xale dikanga. O ua kambe kikuma, ni ió ua iuka, kana ku mu jibha; kuma eme ki ngi ẋikina kulungisa kisuéia.

Jisabhu 12:17

Uoso u tanga o kidi, u tukulula o kulunga; maji o mbangi ia mangonha, u tanga nzungule ia makutu.

Jisabhu 12:19

Mizumbu ia kidi, itunga i soma; dimi-phe di tanga makutu, dinanga ngó kathangana.

Jisabhu 12:22

Mizumbu i tanga makutu, ia di fuangana kisunji kua Jihova; maji oso a kumbidila o kidi, ene a mu uabhela muene.

Jisabhu 21:6

Ku kalakela o kulunda umvama u tunda mu kutanga makutu, kingoho; oso-phe a ki jijila a-lu kenga kalunga.

Jisabhu 24:28

Kana ku di xikina umbangi ua ku kundula mukuenu, bhua kambe kikuma; kifua eie uandala mizumbu ié u i bhitisa mu makutu?

Jisabhu 6:17

o mesu ma tala ni izala, o dimi di tanga makutu, o maku ma zunza manhinga ma muthu ua kambe kikuma,

Jisabhu 8:7

Mbata dikanu diami di tanga o kidi, mizumbu iami ia di-zemba ni uzuelelu ua kubhuma.

Izaía 63:8

Kuma muene uambele, kuila: Ene povo iami mu kidi, ana ka tange makutu, kiene kia di-bhangela Mubhuludi uâ.

Izaía 9:15

O kikulakaji (ua kuka) ni mukuakijingo ene o mútue; o musesedi u longa o makutu, muene o mbunda.

Hozeia 4:2

Maji kiala-mu ngoho o kuloka mu kingoho ni kutanga makutu, ni kujibha, ni kunhana, a ta jiphanda, kutunda ufumbe, kubhingana ufumbe ni ku di jibha.

Ijila 19:11

Ki mu nhane jinge, ki muende ni kuta makutu, ki muende ni ku di dingila mudienu ni ku di bhanga phulu muthu ni mukuâ.

Zakadiia 8:16

Ima i mua tokala kubhanga ienʼiii: Mu ku zuela ditangedienu o kidi muthu ni mukuâ; fundisenu mu kidi ni mu kutululuka bhu mabhitu menu.

Zakadiia 8:19

Jihova dia Ifuẋi uambe kiki: O kujila kua mbeji ia kauana, ni kujila kua mbeji ia katanu, ni kua mbeji ia kasambuadi, ni kua mbeji ia kakuinhi, kua kà kituka kutana ni kusanguluka kua dibhata dia Juda, kuma ji kala Tesa jê ja makembu. Zolenu-phe ngoho o kutanga kidi ni kutululuka.

Nzuá 8:44

Enu mua tokala ni tatʼ enu Diabhu, o jihanji ja tatʼ enu jene ji mua mesena kubhanga. Muène kijibhanganga tunde ku dimatekenu dia mundu, o mu kidi ka nangiê-mu, mukonda moxi diê ki mu moneka kidi. Diabhu kia zuela o makutu, u zuela ima iê-muène, kuma kiene o kífua kiê! Mukonda muène mukua makutu, muene tata ia makutu oso.

Loma 12:5

Kiene ue ni etu, suke tua vulu, maji tuala tu mukutu umoxi mua Kristu. Etuʼ oso tuala tu idiandu tua di sokejeka mudietu, suke idiandu ioso ki i sokela, maji mukutu uene umoxi.

I Kolindo 10:17

Némbe etu tua vulu, etu oso tu dia ku mbolo imoxi, iene imoxiʼ èlele. Kiene ue ki tua kexila tu mukutu umoxi ngó.

II Kolindo 7:14

Mbata eme nga mu telele thathe ienu kua muène, ia ku mi zuela kiambote, o enu ue-phe ki mua ngi kuatesa jisonhi. Etu ima ioso i tuene ku mi tangela, ia kidi. Kiene ue ni thathe i tua tele bhu pholo ia Tito, ia ku mi ximana enu, a i mono kuma ia kidi.

Efezo 4:15

Maji tu kale tu athu tua jijila o kuzuela kidi ni muẋima ua henda, o mu ima ioso tu kale mù kudila mua muène Kristu, o mutue uetu.

Efezo 4:22

Bhu kaxiʼ abha ni kikexilu kienu kia bhiti, zulenu o muthu Uokulu, ua bolo, mù kaiela o jihanji ja kudinganala.

Efezo 4:31

Ni kulula kuoso, ni kunônga, ni kutema, ehenu-ku. Kana kukuata kuhoia-hoia, ni kulokalala. Kana kukala ni unguma.

Efezo 5:30

Kuma etu tuala tu idiandu ia mukutu uê.

Kolose 3:8

O kiki-phe zulenu-iu iene ioso: Ni njinda, ni kutema, ni phulu, ni kuxinga, ni jindaka jabolo ki ji tunde mu kanu dienu.

Kolose 3:9

Kana ku di tela makutu mudienu, kuma o muthu Uokulu mua mu zula kiá ni ifua iê,

I Timote 1:10

ifusa, jihabhu, ió a bhanga isunji ni mala ni akuâ, akua kusumbisa abhika, atangi a makutu, akua kutatela umbangi ua makutu, ni oso dingi a bhanga ima ia kambe o kudilunga ni ulongelu ua kidi.

I Timote 4:2

O maulongelu enhá a tunda ku athu a tanga makutu ni kàdia, kuma o kitongoluelu kiâ kia di fuila mukonda kia ẋiẋidila kala kiauka ku felu iatema.

Tito 1:12

Sai-ku mukuâ, mukua kikolo kia Keleta, polofeta iâ ene, uixi: Akua Keleta makutu ka eha, ala iama iaiibha, asonde, jilaluvi.

Tito 1:2

Ubhezelu ua xamenena mu kudielela o muenhu ki uàbhua. Nzambi ka moneka makutu, muène ua tu kanena-nâ tunde xahulu ku dimatekenu dia ithangana ioso.

Jihebeleu 12:1

Mukonda dia kiki, etu a tu bhake bhu ʼaxaxe kuala kifuẋi kionéne kia jimbangi javulu. Tu tudienu ioso i tu lalamesa, ni kituxi kioso kia tu naminina, tu lengienu ni kukolokota o dikanga dioso dia tu kala ku pholo.

Tiiaku 1:21

Uila kiki, ambulenu o ifua ioso ia ufusa, ni uendelu uoso uaiibha. Mu tambule ni kubelesela o maka a Nzambi a mi kunu ku miẋima ienu, maka a tena ku mi bhulula o mienhu ienu.

I Phetele 2:1

Uila kiki-phe, ehenu o usueia uoso, ni makutu, ni mangonha, ni luma, ni kabódio, ka kulongolola athu.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.

Afundixi 16:11

Muene-phe u mu ambela, uixi: Se a ngi kuta muene kiambote ni mikolo ia ubhe, kilúua a bhanga na-iu kikalakalu kioso-kioso, ngi bhuila-phe kiá, nguzu i ngi bhua ngi kala ngó kala kiala akuetu oso.