Efezo 4:2 - O Mikanda Ikola

² Ithangana ioso muila ni kubatâma kuoso, ni kubelesela, ni kuxididika, ni ku di lendukila. Mu londekesa jinga o henda ienu mu ku di kuatekesa kala muthu ni mukuâ.

Efezo 4:2 ပူးပေါင်းရင်းမြစ်များ

Jisálamu 138:6

Kuma Jihova sumbala kota dia ngana, maji u suua ió ua batama; mukua izala-phe u mu muena ngó mu kanga.

Jisálamu 45:4

Mondala, uende ni kijingo kié; iene ioso u soke na-iu mu kubhângela o kidi, ni kukuatekesa athu edi ni kulúnga ni kubelesela; lukuaku lué lua dilu lu ku longe kubhanga ima ia undanda.

Jisabhu 16:19

Muthu sembele-ze o kukala ni muẋima ua batama, bhuamoxi ni ió oso a lenduka; dikue kuuana o mbole ia kubhunda ni akua izala.

Jisabhu 3:34

Kutanga kidi, o jisemenhi muene ue u a bhanga kasekelelu; u bhana-phe kiadi kua oso a talamana.

Ndongixi 7:8

O ku mona disukilu dia ima kota, kuindi dimatekenu diê; kota ue o muthu uambote, kana ió ua di zangeleka o muẋima.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Sofoniia 2:3

Sotenu Jihova enu oso mua batama miẋima, muala mu ngongo, muene mu ku kaiela o mabatuilu mê; Sotenu kubhanga o mbote, Sotenu o kulenduka ni kubatama, sumba bhu kizuua kia njinda iê, Jihova u mi sueka.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Dialuilu 12:3

Mozé-phe ua kexi muthu ua xididika, athu oso mu ngongo ndenge.

Matesu 11:29

Di tuikienu jungu iami, mu di longe ko kuami; mbata eme nga belesela, nga batama muẋima, nda mu mone kutululuka kua jinzumbi jenu.

Marku 9:19

Muene u a kumbulula, uixi: Enu tata! Muiji ua kambe o kuxikana, tu kalaʼdi kate bhebhi? Kate bhebhi, ki ngi mi lendukila? Ngi bhekele-nê kunu.

Jipoxolo 20:19

Nga sedivila Ngana ni kubatâma kuoso, ni masoxi. O kieniokio, sumbala ni iluezu i nga bhiti na-iu mukonda dia Jijudé ku ngi ta ikutu.

Loma 15:1

Etu-phe tuala ni nguzu mu Akuxikana, tua tokala tu kuatekesa oso a bhuila, kuambata o imbamba iâ. Kana ku kuata ku di uabhela ngó etu-ene.

I Kolindo 13:7

O henda ki i zondo mu phaxi, maji i xididika mu ima ioso ni kuxikana, i dielela mu ima ioso, i bhalakata mu ima ioso.

Ngalásia 6:2

Mu enda ni ku di ahujula o imbamba mudienu; o mu kubhanga kiki, kiene ki mu kumbidila o Kitumu kia Kristu.

Efezo 1:4

Nzambi ua tu sola mua muène tunde mʼ ukulu munhá, kioso oxi kiluua i kala ni dimatekenu diê, phala tu kale tu athu azele, sé ngó isenga bhu pholo ia muène. Mukonda dia henda iê ia tu kuatela.

Kolose 1:11

O nguzu iê ia fuma i mi suinise katé mua tena o kukolokota mu ima ioso, ni kuxididika.

I Timote 6:11

Maji eie-phe u muthu ua Nzambi, ima ienhiʼii lenga-iu. U kaiele jinge o kuiuka, o kuxila Nzambi, o kuxikana, o kuzola, o kukolokota ni kubelesela.

II Timote 2:25

U longesa ni kubelesela oso a ẋinuka, né kiá a mu xinukina muène. Sumba Nzambi u a bhana o kithangana kia kudiela, nʼeze mu kujiia o kidi.

Tiiaku 1:21

Uila kiki, ambulenu o ifua ioso ia ufusa, ni uendelu uoso uaiibha. Mu tambule ni kubelesela o maka a Nzambi a mi kunu ku miẋima ienu, maka a tena ku mi bhulula o mienhu ienu.

I Phetele 3:15

Kôlesenu-phe Kristu ku miẋima ienu, kuma muène Ngana ienu. Mu kale polondo kuvutuila muthu uoso ua mʼ ibula o kudielela ku muala na-ku.

I Phetele 3:8

Mu kuzubha-phe, kalenu ni muẋima umoxi ni kixinganeku kimoxi, mu di xinganeke jinge mudienu. Mu di zole kala mu jiphange, mu nengane miẋima, mu batâma.