Efezo 4:18 - O Mikanda Ikola

¹⁸ Kuma ala athu a vundu mu ilunji. Mbata ene a sanduka ku muenhu u tunda kua Nzambi, mukonda dia kutobha kuala moxi diâ, ni mukonda dia kukola o miẋima iâ.

Efezo 4:18 ပူးပေါင်းရင်းမြစ်များ

Jisálamu 74:20

Ta-ku muẋima ku kikutu kié; kuma o jihota joso javundu mu ngongo, jezala usuéia ni kukaka.

Izaía 25:7

O kivunga kia pholo muene ua kà ki bhuisa-ku ku mulundu uenhú, iú, kioso ki ene ku di vunga na-kiu ifuẋi ioso, ni kivunga-mútue mua mu suamena akua jixi.

Izekiiele 14:5

Phala ni ngi tena o kukuatela dibhata dia Izalaiele mu muẋima uê, mukonda ene oso a ngixiʼeme phala kukaiela o iteka iâ.

Daniiele 5:20

Maji kioso kia mu nanuka muẋima uê, kilunji anga ki mu xixila ni ukumbu, a mu lundumuna bhu kiandu kia ungana uê, kijingo iá a mu tambula-kiu.

Ijila 11:16

ni kihendembumba, ni kangimbi, ni mukuku, ni kaháula, ni oso akua kidifua kiê.

Matesu 13:15

Mbata o muẋima ua mundu iú ua kolokota, Mátui mâ ma kokoloka kuívua, mesu mâ a ma jika; ku lengesa o kumona ni mesu, kuívua ni mátui, kuijiia ni muẋima, nʼa lunguluke dingi, eme ni ngʼa sake.

Marku 3:5

Muene ua exi suí, ene oso, ni dilamba ni njinda, mukonda kia mu iibhila o kukola kua kua muẋima, mbata nguâ-uâ ku tongolola, nʼejiie. Anga u ambela o diiala: Sunununa lukuaku. Muene kia lu sunununa, lukuaku lue lua disanze kala lua mukua.

Nzuá 12:40

Nzambi muene ua a fuisa mesu, iú ua a kolesa o miẋima; kuiengesa kuila ka mone ni mesu, nʼ a tongolole ni muẋima, nʼ a lunguluke dingi, eme ni ngʼ a sake.

Jipoxolo 17:30

Mu jithembu ja kukamba ku kʼijiia, Nzambi ua dixibhidiê. Maji o kiki-phe ua tumu athu oso mu ngongo kudiela ni kueha o ituxi iâ.

Jipoxolo 3:17

Kiki-phe enu mu akuetu, o Jezú ku mu bhanga kiki, nga mono kuma o kukamba ku kʼ ijiia kuene kua mi bhangesa-kiu, ni enu ni afundixi enu; mbata ioso i mua kexi mu kubhanga, enu ki mu ijidile.

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.

Loma 11:25

Uila kiki, ki ngi mesena jiphange, kuila mu kamba kuijiia o kijingano kiki, mba mu kala mu jinjimu ja ku di metena: mukonda o kuxita mu thulu kua kuata Izalaiele, ki kuanda kujiza, maji katé ngó kia kà bokona muvimba ua dialuilu dia akua jixi jengi, ió oso ki Jijudé, ki eza kua Nzambi.

Loma 11:7

O kiki-phe tuila ihi? Tuila kuma o kima kia kexi kusota akua Izalaiele, ka ki mono. Ofele ngó a a solo kuala Nzambi, ene a ki mono. Amukuâ-phe a di bhange mixilu ku kixanu kia Nzambi.

Loma 2:19

Eie ua di fika muene kuila u muendexi a ifôfo, u mukengeji ua athu ala mua vundu,

I Kolindo 1:21

Kuma o Nzambi, mu unjimu uê, ua bhangesa kuila athu a lémbua ku mu ijiia Muène, mu kuijiia kua ene, maji kia mu uabhela kubhulula oso a xikana. O kienhiki, Nzambi ua ki bhangela mu uoua ua maka mê u tuala kutula.

I Kolindo 2:8

Makota a mu tumina leluʼ idi ku mundu, o unjimu uenʼ iú ka uijiia. Kuma se a uijidile, hinu Ngana ia fuma ka tena ku mu jibhila ku dikulusu.

II Kolindo 3:14

Ni kidi, ene ue a xitile mu thulu. Kuma katé ni leluʼidi, ki a tanga mu madivulu a kikutu kiokulu, uandanda uenhó hanji ua a futu o ilunji. Kuma o uandanda uenhó ku u katula-ku, kikale kioso ngó muthu kia kala mu kisangela ni Kristu.

II Kolindo 4:4

Ene a kambe kuxikana, kuma o nzambi iaiibha ia mundu iú ua bhake o ilunji iâ mua vundu. Muène ka ehela kumona o mukengeji ua a kiela, o mukengeji ió u tunda ku Njimbu Iambote ia fuma ia Kristu, muène o kidifua kia Nzambi kia kidi.

Ngalásia 4:8

Mu thembu iabhiti mʼ ukulu, mukonda dia kukamba o kuijiia Nzambi, mua kexi kubhikila jinzambiʼ ojo ki jinzambi ngó ja kidi.

Efezo 2:1

Mʼukulu enu mua kexile mu afi mu nzumbi mukonda dia kuxibhaka kuenu kua Nzambi ni mukonda ue dia ituxi ienu.

Efezo 2:12

Thembu ieneʼoio mua di batukile ni Kristu. Mua kexile mu asonhi, o mu dianda dia Izalaiele, o muiji uòsole kua Nzambi, enu ki mu tokalele-mu. Ki mu kexile ni mbandu ue ku ikutu ia tundu ku jipolomesa ja bhele Nzambi o mundu uê. Enu mua kexile mu ngongo mumu, sé ngó kima ki mu dielela, sé ue Nzambi.

Kolose 1:21

Enuʼ enu mʼ ukulu mua kexile dikanga ni Nzambi. Mua di bhangele mu jinguma ja Nzambi mukonda dia ima iaiibha i mua xinganeka jinga, ni mukonda ue dia ima iaiibha i mua bhanga jinga.

I Tesalonika 4:5

Kana ni huinga ia hânji iaiibha ia ufusa, kala ki bhanga ió ka xikana, a kambe kuijiia Nzambi.

Jihebeleu 5:2

Kuma muène ue ua zuata dibhuilu, u tena kulendukila ió a tobho, ni oso a jimbidila, a di bhale mu kutondala.

Jihebeleu 9:7

Mu balaka ia mukuá-phe kikale o nganga ia dikota ubheka uê u bokona-mu lumoxi ngó ku muvu. Uambata ue manhinga ma ibhaku ma kubhakuila Nzambi mukonda diê muène, ni mukonda ue dia itondalu ia mundu, ia bhange sé ku kʼijiia.

Tiiaku 4:4

Mu akua jiphànda! Kifua ki mua kʼijiia kuma o ukamba ua mundu unguma kua Nzambi? Uila kiki, uoso ua mesena kukala kamba dia mundu, ua di bhange nguma ia Nzambi.

I Phetele 1:14

Mu kala mu ana mua tumaka Nzambi; ki mu kaiele o funza ia maluimbi menu mokulu mu thembu ia uoua.

I Nzuá 2:11

O uoso-phe u zemba phangʼiê, uala mua vundu, uenda mu kitombe, kejiia kuoso ku a di tela, mukonda o usuku ua mu fuisa o mesu.