Efezo 4:17 - O Mikanda Ikola

¹⁷ Ngambe-phe kiki, nga mi bhana umbangi mua Ngana, kuma: Ki mu ende dingi kala ki enda o matumbu ió kene Nzambi mu usemenhi uâ,

Efezo 4:17 ပူးပေါင်းရင်းမြစ်များ

Nehemiia 13:15

Mu izuuʼomo-phe anga ngi mona athu mu Juda a mu kama vinhu kia sabhalu, ni kubheka ita ia idima ku makundʼa jibulu; a bheka ue vinhu, ni ji-uva ni ji fiku, ni imbamba ia idifua ioso, i a kexi mu kuiza na-iu mu Jeluzaleme mu kizuua kia sabhalu; anga nga a bazela ngixi kiki ki kizuua kia kusumbisa mákudia.

Jelemiia 42:19

Jihova ua zuela ku mbandu ienu, eie u masubhu a Juda! Kana kubokona mu Ijitu; ijiienu-kiu mu kidi, kuila lelu nga mi bhela umbangi u mi bhanga kia ibha.

Ijila 15:18

Muhatu ue, uoso a zeka-nê kuala diiala anga u mu lukuila mbutu ia muenhu, kiiadi kiâ a di sukule muene ni menha, a nange kienhiki mu kukasana kuê katé mu ngoloxi.

Luka 16:28

mukonda ngala-ku ni jiphange jitanu. Muéne aie phala a kà a dimune, mbé keze dingi kunu, ku kididi kiki kia phaxi.

Jipoxolo 14:15

Enu jingana! Mu bhangela-hi kiki? Etu uetu tuala tu athu ni akuenu, o jihânji jene jimoxi! Tua mi bhana-phe o Jingolokela Jambote kuila mu-xa imʼ iii ia makutu, mu lunge kua Nzambi ia muenhu, ua tena kubhanga o diulu ni oxi, ni musanza ua kalunga, ni ima ioso iala-mu.

Jipoxolo 18:5

Kia mu sange-phe Sila ni Timote, a tundu ku Masedonia, Phaulu u jijila ngo kutanga o maka. U kala mu kuambela o Jijudé kuma Jezú muène Kristu.

Jipoxolo 2:40

Phetele anga u kala mu ku a bhana umbangi, ni ku a longesa maka dingi mavulu, uixi: Tundenu mu ʼaxaxe ka athu a thathamana, nda mu bhuluke ku muiji iú ua dianguka!

Jipoxolo 20:21

Ngʼedikiza jinga ni Jijudé ni Jingeleku, kuma a bhingi kudiela ni kueha o ituxi iâ bhu pholo ia Nzambi, ni kuxikana kua Ngana ietu Jezú Kristu.

Loma 1:21

Mukonda sumbala Nzambi a mu ijidile, ka mu bhana ujitu kala Nzambi, ka mu sakidila. A biluka-phe jisemenhi mu jiphata jâ, o muẋima uâ ua kutobha anga u vunda.

I Kolindo 1:12

Nga ki ambela mukonda kala muthu mudienu ua mu zuela ni kiê. Sai-ku ni iú, uixi: Eme ngi mukua Phaulu; o iú uixi: Eme ngi mukua Apolo; o iú uixi: Eme ngi mukua Phetele; o iú uixi: Eme ngi mukua Kristu.

I Kolindo 15:50

Ngambe-phe kiki, enu jiphange jami, kuma: O kima kiobhange ni xitu ni manhinga ki ki tena kubhingana mu Utuminu ua Nzambi; o kiokio ki-fua, ki ki tena kukala ni muenhu ki uene dingi kufua.

II Kolindo 9:6

Lembalalenu kuila: Uoso u kuua bhuʼofele, u muna ue bhuʼofele; uoso u kuua nzungule, u muna ue kia nzungule.

Ngalásia 3:17

Eme-phe ngambe kiki: kioso kikutu kia Nzambi ki a ta jinga mʼ ukulu, bhu kaxi anga bhu bhita hama jiuana ja muvu ni makuinhi atatu, anga kuiza kiua o Kitumu. O Kitumu kiokio ki ki tena kubhuisa-ku o kikutu kia tuama, ki ki tena ue kutumbulula o polomesa ia Nzambi.

Ngalásia 5:3

Kiene muene, ngi ki tanga lua kaiadi kuila: O muthu uoso ua tambulula o kusaia, nga mu bhana umbangi kuma ua di bidikala kukumbidila o Kitumu kioso.

Efezo 1:22

O Nzambi ima ioso iú ua i tula bhoxi dia inama ia Kristu, iú ua bhakula Kristu muène ku Ngeleja, kuma muene ua suku-u mu kukala Ngana ia ima ioso.

Efezo 4:22

Bhu kaxiʼ abha ni kikexilu kienu kia bhiti, zulenu o muthu Uokulu, ua bolo, mù kaiela o jihanji ja kudinganala.

Matendelelu 27:10

Kala kiki, enda ni kutumaka jinga o dízui dia Jihova Nzambi ié, o ijiia enda ni ku i kumbidila jinga, ni jingonge joso, ji ngala ku ku tendelela lelu.

Kolose 2:18

Kana kuehela muthu nʼ a mi tambule o dilau dienu, ni kuila kuma muene uala kota mu ku di tolesa kua vondadi iê, ni mu kubheza ji-anju. Muthu u kala kiki, ua landukila ngó o ima ia mono muene iú ua nanuka ngó mu ilunji iê ia xitu.

Kolose 2:4

Nga zuela kiki, phala kana muthu a mi jimbidise mu kuzuela kuê kua kubhomba, né-mbe mua mu mono muene uala muthu uambote.

I Tesalonika 4:6

Bhu kaẋʼ abha-phe, ki bhu kale muthu u somboka, mba u bhanga mukuâ phulu mu maka kala iá, kuma Ngana muzokedi a ima ioso iii. Kikiphe tua mi dimuna dingi kala ki tua diangele ku mi dimuna, ni ku mi bhana umbangi, kuma Muène hinu ua ka bhana kaxtiku kua oso a bhanga ima kala iii.

I Timote 5:21

Nga ku tendelela ku mesu ma Nzambi, ni ma Jezú Kristu, ni ma jianju jangene, kuila mu ioso i u bhanga jinga, ima iii u i kumbidila muene sè hèle mba kubhanga kima ni kathômbo ka muthu.

I Timote 6:13

O kiki nga ku tendelela bhu mesu ma Nzambi, u bhana ima ioso kukala ni muenhu, ni bhu mesu ma Jezú Kristu, ua fisalele umbangi uambote bhu pholo ia Pônsio Pilatu, kuila:

II Timote 4:1

Nga ku tendelela ku mesu ma Nzambi ni ma Kristu Jezú ua kà fundisa athu a muenhu ni madifundu, mu kuiza kué ni mu Utuminu uê, kuila:

I Phetele 1:18

Kuma enu mua kʼijiia kuila a mi kula ku muenhu uenu ua usemenhi, u mua tambula ku jitata jenu, kana mu itadi i di bota, ia phalata ni ulu,

II Phetele 2:18

Kuma ene a tanga maka ma ku di kaka, a zuela izala ioso, o mu hânji jâ ja xitu ni mu ufusa, a bhomba athu ió oso ambe kiá kubhuluka mu akuâ a nanga mu kutondala.