Efezo 4:15 - O Mikanda Ikola

¹⁵ Maji tu kale tu athu tua jijila o kuzuela kidi ni muẋima ua henda, o mu ima ioso tu kale mù kudila mua muène Kristu, o mutue uetu.

Efezo 4:15 ပူးပေါင်းရင်းမြစ်များ

Jisálamu 32:2

Ua zediua uoso kala dingi ni mulonga kua Ngana, ku muẋima ki ku mu xala makutu.

Zakadiia 8:16

Ima i mua tokala kubhanga ienʼiii: Mu ku zuela ditangedienu o kidi muthu ni mukuâ; fundisenu mu kidi ni mu kutululuka bhu mabhitu menu.

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

Nzuá 1:47

Jezú kia mono Natanaiele ua-la mù kuiza ko-kué, uixi: Talenu! Muthu ió mukua Izalaiele ua kidi, moxi diê kene ni kádia!

Loma 12:9

O henda ki i kale ia kádia. Iaiibha mu i lenga, iauabha mu i naminina.

I Kolindo 11:3

Maji nga mesena-phe mu kʼ ijiia kuma o diiala dioso, ua mu kala ku pholo Kristu; o muhatu, ua mu kala ku pholo o diiala; o Kristu, ua mu kala ku pholo Nzambi.

II Kolindo 4:2

Imbamba ioso-phe ia kubhanga ni kusueka ni ioio ia jisonhi, tua i dila hunji. Ki tu bhange kudimuka, o maka ma Nzambi ki tu a lungulule mu mangonha. Inda tu bhanga jinga ima ia fuama o kidi, kiene kia bhekela o ku tu tumbula kuala enhoso, bhu pholo ia Nzambi.

II Kolindo 8:8

Ki nga ki ambela ue kala ngandala ku mi tumina. Maji nga mesena ngó kuila mu ijiia ue o muanu ua akuenu, phala ene a mone ue mba o henda ienu ia kidi.

Efezo 1:22

O Nzambi ima ioso iú ua i tula bhoxi dia inama ia Kristu, iú ua bhakula Kristu muène ku Ngeleja, kuma muene ua suku-u mu kukala Ngana ia ima ioso.

Efezo 1:4

Nzambi ua tu sola mua muène tunde mʼ ukulu munhá, kioso oxi kiluua i kala ni dimatekenu diê, phala tu kale tu athu azele, sé ngó isenga bhu pholo ia muène. Mukonda dia henda iê ia tu kuatela.

Efezo 2:21

O mua muène, muene inzu ioso mu ia di sokejeka kiambote, iú ua i bhangesa kukula mú kala tembulu iangene ia Ngana.

Efezo 4:25

Uila kiki, ki mu tange jinge dingi makutu. Maji mu di tangela jinga o kidi kala muthu ni mukuâ. Kuma etu oso tua di bhange tu idiandu ku mukutu ua Kristu.

Efezo 5:23

Kuma o ngana uala ni ukota ua kutumina ndona iê, mukuâ ni Kristu ki ala ni ukota ua kutumina o Ngeleja. Kristu muène o Mubhuludi ua Ngeleja, kuma uene o mukutu uê.

I Phetele 1:22

O ki mualʼ iki, kuma mua di zelesa kiá o mienhu ienu mu kutumaka o kidi, o henda ienu ue ia jiphange ki i moneka kádia, di zodienu-phe mudienu ni muẋima ua fulujuka.

I Phetele 2:2

Muila kala mu anʼ auisu a mi vuala-ke, mu sema jinga o lete ia disanze ia nzumbi, phala ki mu i nua, mu kole muenhu, mu kule.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.

I Nzuá 3:18

Enu, tata, tuana tuami! O henda ietu i tu di zola na-iu, ki i kale ia maka ngó mu kuzuela mba izuelu ia hatu i tunga ngó bhu dimi. Maji ia fuama i kala henda ia kidi, i di londekeza jinga mu ima ioso i tu bhanga.

Afundixi 16:15

Muhatu anga u mu ambela, uixi: Uala ku ngʼila kiebhi kuma ua ngi zolo, maji o muẋima ué ki uala kumoxi nʼeme? Ua ngi bhange kiá kasekelu lutatu luosʼulu, kua ngi tangela kima kioso kia mu ku bhana o nguzu ié iavulu kiki.