Efezo 4:13 - O Mikanda Ikola

¹³ Mu kieniiki, katé ki tua kà bhixila etu ene oso mu kuongama kua kuxikana kuetu, ni mu kuijiia o Monʼ a Nzambi. Anga tu kala ku uadiakime, hé tuia ni kukula katé mu kitale kia tenena kia Kristu.

Efezo 4:13 ပူးပေါင်းရင်းမြစ်များ

Izaía 53:11

Kienhiki, muene ua-nda kumona kikalakalu kia lukuaku luê, anga u tana; Selevende iami, Muthu Uaiuka, mu kuijiia kuê kuene na-ku, ua-nda kulungisa athu a ndumba; mukonda muene ua-nda kuambata o ikuma iâ ku thandu diê.

Sofoniia 3:9

Kuma kienhokio-phe ifuẋi ioso nga kà i bhana mizumbu ia zele, phala ene oso a tene ku hingila o dijina dia Jihova, phala ene oso a mu bhikile ni muẋima umoxi.

Zakadiia 14:9

Jihova muene ua kà kala Sobha mu ngongo ioso. Bhu kizuuʼokio-phe, Ngana ia kà kala imoxi ngó ni dijina diê dimoxi ngó.

Matesu 11:27

Ima ioso a ngi bhana-iu kuala Tata iami. O Mona kana muthu ua mu ijiia, inda Tata ngó ua mu ijiia; Tata ue kana muthu ua mu ijiia, inda o Mona ngó ua mu ijiia, ni ió uoso Mona u sola ku mu idikiza-nê.

Nzuá 1:16

Ku nzungule ia umvuama ua henda iê, etu oso tua tambula-ku ndumba ia kiadi mu kiadi.

Nzuá 16:3

A kà bhanga imʼiíi, mukonda Tata ka mu ijiia, eme uami ka ngʼijiia.

Nzuá 17:21

O ene oso nʼ a kale umoxi. Tata iami! Mukuâ ni eie ki uala mo muami, eme ngala mo mué, ene ua a kale mo muetu, oso muene a kala umoxi, o mundu phala u xikane kuma eie ua ngi tumu.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Nzuá 6:69

Etu tua xikana, tua kʼijiia kuma eie u Muthu Ukôla ua tundu kua Nzambi.

Jipoxolo 4:32

Kifuẋi kioso kia iá a xikana anga a kala muenhu umoxi, ni muxima umoxi. Kana-bhu muthu ua tena kuila ku jimbongo jê u jijila-ku kimbamba kuma kiê-muène, maji ene oso a kala ni ima ioso mu kisangela, anga enda ni ku di uanena na-iu ene oso mudiâ.

I Kolindo 1:10

Nga mi diondo-phe, jiphange, mu dijina dia Ngana ietu Jezú Kristu, kuila mu dʼivua jinga kiambote mu kuzuela, ki mu kale mu kudiuana-uana ku ibuka-ibuka mudienu. Inda mu kala kumoxi kiambote mudienu, mu kala ni kilunji kimoxi, mu fika kiene kimoxi.

I Kolindo 14:20

Jiphange, kana kuxinganeka kala mu anandenge. Mu iaiibha mu kala mu ana auisu, maji-phe mu kuxinganeka mu kala mu adiakimi.

I Kolindo 2:6

Maji-phe eme nga mu tanga o unjimu uene mu ʼaxaxe ka athu a tenena kiá mu nzumbi. Maji kʼ o unjimu-phe ua mu ngongʼ umu, ki unjimu ue ua makota ene kutumina ku mundu, a xikamena kuila o kutumina kuâ kuanda kujima.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

Ngalásia 4:19

Mu tuana tuami, tata! Mukuâ ni mama ia suku-bhu, nga mi katela dingi mika ia kuvuala. Ngi kuata muene kutala hadi, katé Kristu kia di bhanga moxi dienu.

Efezo 1:17

Eme ngalù bhinga kua Nzambi ia Ngana ietu Jezú Kristu, Tata ia fuma, kuila a mi bhane o Nzumbi iê, mukua kuijidisa ni kujingununa o ima, phala mu tene ku mu ijiia muène kala kia fuama.

Efezo 1:23

Mukonda o Ngeleja uene o mukutu ua Kristu ua tenena iú ua subhaka ni muène-muene, mukua kuizalesa o ima ioso mu ididi ioso.

Efezo 2:15

Iú ua bhuisa-ku o Kitumu kia Jijudé ni ijila iâ, ni malunda mâ, o ifuẋi iiadʼ iii, iú ua i bhange kimoxi ngó, kia ubhe, kia di umbu kua muène. O mu kubhanga kiki, ene oso ua a bheka ku paze.

Efezo 4:12

Muène ua bhange kiki mu kuzubhisa akua Ngana kudiiudika mu kioso kia a kambe, mu kukumbidila o ungunza uâ, ni mu kutungisa o mukutu ua Kristu.

Efezo 4:3

Mu kuata muanu ua kubhanga kioso ki mua tena mu ku di bhaka mu usoko ua kuongama kua mi bhana o Nzumbi, mu dijikita diê dia paze.

Efezo 4:5

Sai-ku Ngana imoxi ngó, kixikanu kimoxi, ni batizu imoxi.

Filipe 3:10

Mukonda ngendi ngó kuila Kristu ngi mu ijiia muene, ni nguzu ia kufukunuka kuê, ni ngi kale mu kisangela kia jihadi jê, ngende ni kudifangana-nê mu kufua kuê;

Filipe 3:8

Kidi kiene, ima iosololo ngi i kita kingoho mu ujitu ua kuijiia Kristu Jezú, Ngana iami. O mukonda dia muène, ima i nga kuatele, nga i texi dikanga, ioso ia di boto. Ememuene-phe nga i kiti dixilu, phala ngi nganhale Kristu, nda ngi kondamene kua Muène.

Kolose 1:28

Muène Kristu tuala ku mu kola etu, ku athu oso. Tuedi ni kudimuna athu oso, ni ku a longa ni unjimu uoso, phala ki bhu kale muthu u kamba kutenena bhu pholo ia Kristu, kizuua ki tu mu bheka kua Nzambi.

Kolose 2:2

Nginda a bhetuke mu miẋima iâ, a takane kumoxi mu henda, a kale ni jimbongo ja kubhua phata mu kutongoloka, ejiie o kijinganu kia Nzambi, muène Kristu.

Jihebeleu 5:14

O kudia kua nguzu-phe kua tokala adiakime, mukonda dia ku di longa, a sungu kiá kilunji kia kutungula kioso kiauabha, mu kiki kiaiibha.

II Phetele 1:4

Kiene kia mu bhangesa ku tu bhana jipolomesa jê jakulu kinéne ja ujitu. Muène ua bhange kiki phala ku jipolomesʼiji, ja ujitu, tu nomone ku kidifanganu kiê kia unzambi, mbe se tueji ku di bhala kiá mu kubola kuene ku mundu mukonda dia jihânji jaiibha, tu tene kubhulaka.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.