Efezo 3:6 - O Mikanda Ikola

⁶ O kikutu kieniiki: Mukonda dia Njimbu Iambote, o akua jixi jengi, ala uâ mu kisangela kumoxi ni Jijudé mu mabesá moso ma Nzambi. Kuma ala idiandu ku mukutu uene umoxi; akua kisangela mu polomesa ia bhana Nzambi mua Kristu Jezú.

Efezo 3:6 ပူးပေါင်းရင်းမြစ်များ

Izekiiele 47:22

Kia kà kala-phe kuila, mu ku i lundula, mu i tela muondona, phala ene ni athu engi a mu nhunganena muʼaxaxe kenu, hé a vualela ana mu kaxi kene; ene ue a kà mi kala kala athu òvuale ku anʼa Izalaiele; a kà bokuena kumoxi ni enu mu undundu, muʼaxaxe ka miji ia Izalaiele.

I Kolindo 12:12

Kiene kimoxi kala o mukutu ua vula idiandu, o idiandu iene ioso, sumbala iavulu, ia di bhange mukutu umoxi, ni Kristu ue kiene.

I Kolindo 12:27

Kienʼ iki enu uenu muala mu mukutu ua Kristu; kala muthu mudienu uala kidiandu ku mukutu uene umoxi.

Ngalásia 3:14

Kiki kia bhiti, phala o dibesá dia tanga Nzambi kubhana Mbalahamu, dʼize ue ku thandu dia akua matumbu mua Kristu Jezú. Mbé etu ene oso o polomesa ia Nzumbi tu i tambuile mu kuxikana.

Ngalásia 5:24

Oso-phe a tokala Kristu Jezú, o xitu a i fuisa kiá ku dikulusu, ni jingânji jê, ni jihanji ja uhabhu.

Efezo 3:3

Kuma o kikutu kia Nzambi kia suekele, ua ngi idikiza-kiu mu kisumua. (Tu-maka tutu eme nga tu soneka kiá,

Efezo 5:30

Kuma etu tuala tu idiandu ia mukutu uê.

Efezo 5:7

Enu-phe, enʼ ió kana ku di lunga-nâ.

Kolose 2:19

Ka kuatenena dingi kua Kristu, o Mutue ió ua tokala mukutu uoso. Mukonda mu kutena kua Kristu, mukutu uoso uivua kuila ua di sokejeka kiambote, ua takana ni mu masokuelu ni mixibha, anga u kala mu kukula o ukudilu ua mesena Nzambi kuila kiene ki u kula.

I Nzuá 1:3

O kima ki tua mono, ki tuevu, kiene ki tua mi tudila o Njimbu iê, phala enu uenu mu kale ku ukamba kumoxi ni etu, uila etu ki tuala mu kidi kiene ku ukamba kumoxi ni Tata ni Monʼê Jezú Kristu.

I Nzuá 2:25

Kuku kuene o kukana Kristu kua tu kanena etuʼoso, kua ku tu bhana o muenhu ki uàbhua.