Efezo 3:5 - O Mikanda Ikola

⁵ Mʼ ukulu ku miji iamukuâ o kikutu kiki kà edikisile-kiu luua; o kiki-phe Nzambi mu Nzumbi iê ua ki tukuluila o Jipoxolo jê jangene ni Jipolofeta.

Efezo 3:5 ပူးပေါင်းရင်းမြစ်များ

Izaía 52:15

Mu kiki, muene uà kʼeẋika ifuẋi ia ndumba ku dibônzo, o jisobha a kà jika makanu mâ mukonda diê-muène; kuma kima ka a tangelele na-kiu a kà ki mona, kima ka kʼivile luua, kia kà a jimbulukila muene.

Matesu 13:17

Kuma ngi mi tangela kidi, jipolofeta javulu ni athu aiuka endile kumona o ima o mua-lu monʼenu, maji ka i muene; ni kuívua ima i muala kuivʼenu, maji ka ivile.

Matesu 20:7

Exi: Mukonda kana-ku muthu ua tu kase. Kuala muène: Ndenu uenu ku mulenga uami.

Matesu 23:34

Kienhiki, talesenu, ngi mi tumikisa jipolofeta ni jinjimu ni jimesene ja kulonga. Enu-phe amoxi-mu mua-nda ku a jibha, amukuá mua-nda ku a phaphela ku makulusu, amoxi mua-nda ku a beta mu malombe menu, ni ku a kaia ku mabhata-mabhata.

Luka 10:24

Mukonda ngi mi ambela kuma, jipolofeta javulu ni jingana, jendile o kumona ima i mualu monʼenu, maji ka i muene; ni kuívua ima i mua-lu kuívua enu, maji ka ivile.

Luka 11:49

Mukonda dia kiki, Nzambi mu uhete uê uambe kuma: Ngi mi tumikisa jipolofeta ni jipoxolo. Jimoxi mua-ndu ji jibha, o jamukuá mua-ndu ji zukutisa.

Nzuá 14:26

Maji o Mukuatekexi ió-phe, muène muène Nzumbi Ikôla, a-ndu mu tumikisa kuala Tata mu dijina diami, muène u mi longa ima ioso, hé u mi lembalesa ima ioso i nga mi ambela.

Nzuá 16:13

O kʼ iza-phe ió, o Nzumbi ia kidi, mùene u mi endesa mu kidi kioso. Kuma muène ka kà di zuelela o iê muène, maji ioso i evua, iene ia kà mi ambela, hé ua kà mi tangela ima ia kèza-ku.

Jipoxolo 10:28

Anga ua ambela, uixi: Enu mua kʼ ijiia kuma muthu uala Judé, a mu kidika o kukuata ukamba ni mukua ʼxi iengi, mba kubokona ngó mʼ onzo iê ni kubhongoloka-nê kumoxi. Maji eme-phe Nzambi ua ngʼ idikiza kuma ki ngâmbe dingi muthu kuiibha mba kuxila.

Loma 16:25

Tu ximane Nzambi! Kala ki nga mu tanga mu Njimbu Iambote i nga mu kola—o Njimbu ia tokala Jezú Kristu—kuila Nzambi ua soko-bho ku mi bhaka mu kuxikana. Kala ue ki kia tukuluka mu kijinganu kiòbhake mu kabuu mu jihama ja mivu ni mivu, tunde mu xahùlu.

I Kolindo 2:10

Maji etu-phe Nzambi ua tu tukuluila-iu kua Nzumbi iê. Kuma o Nzumbi u tungulula ima ioso, katé ni ima ia zongo ia sueka Nzambi.

Efezo 2:20

Enu muedi kala mu inzo iotunge. Mua tunguiua ku thandu dia disesa dia te o Jipoxolo ni Jipolofeta. O Kristu Jezú muene o ditadi dia dikota dia kuatesa bhu thungi ku inzu ienʼ iii.

Efezo 3:9

Phala ue kuidikisa athu oso o kikutu kiki kia kexile kiòsueke tundé xàhulu kua Nzambi ua bhanga o ima ioso.

II Phetele 3:2

Mbé ki mi bhekele kulembalala jinga maka ma tangele jipolofeta jangene mʼokulu, ni kitumu kia Ngana, o Mubhuludi, kiejila ku jipoxolo jê.

Juda 1:17

Maji enu-phe akuetu, mu makamba mami, xinganekenu maka ma diangele kutanga o jipoxolo ja Ngana ietu Jezú Kristu.