Efezo 3:21 - O Mikanda Ikola

²¹ Nzambi muène a tambule fuma ni ku Ngeleja, ni mua Kristu Jezú, ku miji ioso katé ku hádia ni hádia! Amén.

Efezo 3:21 ပူးပေါင်းရင်းမြစ်များ

I Malunda 29:11

Unéne ué eie u Jihova, ni kutena, ni kijingu, ni kutolola ni ungana. Mukonda ima ioso ié-eie u Jihova, eie u Suke-ku uala ku thandu dia ima ioso.

Jisálamu 115:1

Etʼuetu kana, u Jihova, etʼuetu kana; eie-ku a ku tumbula o dijina ni fuma, mukonda dia henda ié ni kidi kié.

Jisálamu 72:19

A ximane dijina diê dikola, katé ku hádia ni hádia! o mu ngongo ioso mu izale ni kubenha kuê! Amén! ni Amén!

Izaía 42:12

A bhane fuma kua Jihova, o diximanu diê a di tange mu ikolo.

Izaía 6:3

Anga jikuata ku di tambuijila, kuila: Ukôla, Ukôla, Jihova dia Ilômbo Ieta! Oxi ioso iezala ni fuma ié!

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.

Luka 2:14

Fuma i kale ia Nzambi mu diulu! O mu ngongo uembu mu ʼaxaxe kʼathu oso a mu uabhela!

Loma 11:36

Mukonda o ima ioso muène ua i bhanga, o ima ioso iala-ku, iemanena mua muène, phala muène. O fuma i kale iê-Muène ku mivu ni mivu sé dizubhilu. Amén!

Loma 16:27

Kua Nzambi imoxiʼ èlele, uejiia ioso, o fuma iendela kua Jezú Kristu, i kale iê-muène katé ku hadia ni hadia. Amén!

Ngalásia 1:5

Nzambi muène a tambule fuma katé ku hadia ni hadia! Amén.

Efezo 1:6

Uila kiki, tu ximanienu Nzambi, mukonda dia kiadi kiê kioso kia tu idikisa, mu ujitu ua tu bhana mu ngoho kua Monʼ ê ua kazola.

Efezo 2:7

Nzambi ua bhange kiki, phala ku hádia ni hádia a kà tene kuidikiza o jinzungule josuʼ ojo ja kiadi kiê, mu mbote ia tu bhange etu mua Kristu Jezú.

Efezo 4:1

Uila kiki, eme ngi hutile, a ngi kutu mukonda dia kubhiẋila Ngana, nga mi diondo mu enda kioso kia fuama mu kixanuʼokio kia mʼixana na-kiu Nzambi.

Filipe 1:11

Muime kiavulu ibundu ibundu ia tokala o kuiuka, iijiia kua Jezú Kristu, i bhekela kujingisa ni kuximana Nzambi.

Filipe 2:11

Ki bhu xala dimi di kamba kufisala kuma Jezú Kristu muene Ngana, mu kubhana o fuma kua Nzambi, Tata.

Filipe 4:20

O fuma-phe i kale ia Nzambi ietu, Tata ietu, katé ku hadia ni hadia. Amén.

II Timote 4:18

Ngana hanji u ngi kudila ku phulu ioso i ambe ku ngi bhanga, hé u ngi bhulula katé ku Mbanza iê ia diulu. O fuma ioso i kale ia Muène katé ku hádia ni hádia. Amén.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.

I Phetele 2:5

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.

I Phetele 5:11

O kutumina ku kale kua muène katé ku hádia ni hádia! Amén.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.

Juda 1:25

muène Nzambi imoxi ngó, Mubhuludi uetu a mu bhele fuma kua Jezú Kristu Ngana ietu, ni kujînga, ni kutumina, ni kusuina, tundé kuema dia kukala, ni kiki, katé ni ku hádia ni hádia.