Efezo 3:20 - O Mikanda Ikola

²⁰ Kiki o Nzambi muenʼió ua soko-bhu kubhanga ioso i tua tena o kubhinga, ni ioso i tua tena o kubanza, nʼa te-ku dingi kiatundu kiavulu, mu nguzu iê i tu kalakala moxi,

Efezo 3:20 ပူးပေါင်းရင်းမြစ်များ

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Dimatekenu 18:4

Eze ni tumenha, mu sukule o inama ienu, mu nhohene hanji mu kilembeketa kia muẋi iú.

II Samuuele 7:19

Kienhiki ue ua ki mono kima kiofele, Ngana iami, Jihova, tata! Maji hanji ua tange ue ni dibhata dia mubhikʼé uixi di xalela katé ku hádia ni hádia! Kifua athu kiene kiene kubhangʼokio Jihova, Ngana iami, tata!

I Jisobha 3:13

Ni iii i ua kambe ku i bhinga, ngi ku bhana-iu ue, ni jimbongo ni kijingo, katé ku jisobha joso ki ku kala mukuenu u soka-nê, izuua ié ioso ia muenhu ué.

II Malunda 25:9

Amaziia anga uambela o muthu ua Nzambi, uixi: Tua-nda kubhanga-phe kiebhi, o hama ia jitalendu ja phalata ji nga bhe ku masoladi a Izalaiele? Muthu ua Nzambi anga u vutula uixi: Jihova uala ni kiavulu kia ku ku bhana, o kiki ndenge.

II Malunda 9:12

O sobha Solomá ue anga u bhana kua sobha ia Saba, ia muhatu, ima ia soko ni iii ieza na-iu muene, hé u mu tela-ku dingi iandalele o muẋima uê ni iii ia bhingile; kienʼiki muene anga u vutuka, uia kʼoxi iê ni muene ni abhikʼê.

Makatukilu 34:6

O Jihova kioso kia mu bhita bhu pholo iê, Mozé, u mu kola, uixi: Jihova, Nzambi ia jihenda ni kiadi, ua lenduka, u kokoloka mu kuthathamana, u kôla mu kukuatela henda, ufiiele u vula.

Mukumbi ua Mikumbi 5:1

Nga bokona kiá mu kadíbhia kami, phangʼiami ia muhatu, bhànga diami! Nga munu uasu uami ua sumuna ni ima iami ia mazumba; nga katula kixila kiami, eme nga ki di ni uiki; o vinhu iami nga i nu ni lete. Dienu, nuenu, enu mu makamba mami! Enu nga mi zola kiavulu, nuenu muene kioso ki mua tena!

Izaía 35:2

Dia kà tulula muene kiavulu, di sanguluka ni kutana kuonéne, dia kà tumbujuka ni ngalasa; a mu bhe kijingo kia Libano, ni makembu ma Kalamelu ni Salone; ene a kà mona o fuma ia Jihova, kioso kiene o unéne ni kujinga kua Nzambi ietu.

Izaía 55:7

mukua-ituxi ehe o njila iê, o ua iibha muẋima a tule mabanzelu mê; a vutuke kua Ngana, u mu kuatela henda; nʼalukile kua Nzambi ietu, kuma muene mukua kuloloka kiavulu.

Jelemiia 32:17

Auá! Jihova, tata! Eie ua iudika o maúlu ni ixi, ni kutena kuoso kua nguzu ié, ni lukuaku lué lua sununuka; kanaku kima ki u mona kuila kisunji ku mesu mé.

Jelemiia 32:27

Tala-ze, eme Jihova, Nzambi ia Xitu ioso; mbé sai-ku kima kioso-kioso ki ngi bhekela ku diuana?

Daniiele 3:17

Talesa-ze, kuma Nzambi ietu, uoso tuene ku mu bhikila, muéne utena ku tu kudila; o ki tualʼiki muene ua-nda ku tu kudila ku kijiku kia túbhia tuê tua muzukuta, anga u tu tambula ue bhu lukuaku lué, eie u sobha.

Daniiele 6:20

O kia bhixila bhu ngenda, uixana Daniiele ni dízui dia dilamba, sobha hé uzuelesa Daniiele, uixi: Daniiele, selevende ia Nzambi ia muenhu! O kuila Nzambi ié, ua mu bhikila jinga mu ithangana ioso, ua tena ku ku kudila ku jihoje?

Matesu 3:9

Kana kukala mu kuila moxi dienu, muixi: Etu tuavu tatʼ etu Mbalahamu. Kuma ngi mi tangela-kiu kuila Nzambi ua soko-bhu kubhanga matadiʼ ama ni ma kituka ana Mbalahamu.

Nzuá 10:10

O muíi uiza ngó mu kunhana, ni kujibha, ni kumuanga. Maji eme ngeza, phala o jimbudi ji kale ni muenhu, ji bhanduluke kiavulu.

Loma 16:25

Tu ximane Nzambi! Kala ki nga mu tanga mu Njimbu Iambote i nga mu kola—o Njimbu ia tokala Jezú Kristu—kuila Nzambi ua soko-bho ku mi bhaka mu kuxikana. Kala ue ki kia tukuluka mu kijinganu kiòbhake mu kabuu mu jihama ja mivu ni mivu, tunde mu xahùlu.

Loma 4:21

Mbata muẋima uê ua mu tetuluka, kuma kima kia tange Nzambi muene, ua soko-bhu o ku ki bhanga.

I Kolindo 2:9

Uila kiki-phe, kia ki soneka mu Mikanda Ikôla, exi: Ima kiluua mesu a i mona, kiluua matui a ʼivua, Kiluua ngó muẋima ua muthu u i fika kuila hadia i bhita, Iene ima ia iudika Nzambi mu ku i bhana oso a mu zola.

II Kolindo 9:8

Nzambi-phe ua sokobho o ku mi bhana kia tundu ioso i mua bhindamena, phala izuua ioso mu kale mua tenena mu imbamba ioso ia mbote.

Efezo 1:19

ni kioso kiavulu o kutena kuê kua mu kalakala mu ʼaxaxe ketu etu tua xikana.

Efezo 3:7

Iene o Njimbu Iambote ia ngi katuila kuma ngi ngunza, mukonda dia kiadi kia Nzambi kia ngi bhana mu kukalakala kua nguzu iê.

Kolose 1:29

O mu kuzubha kibatuʼiki, kiene ki nga kuata mu kuxikana o nguzu ia Nzambi, ua fukukukalakela, nga bângama ni nguzu ia muène Kristu ua mu ngi suinisa moxi.

I Timote 1:14

O Ngana ietu, iú ua lundulula o jinzungule ja kiadi kiê ku thandu diami, iú ua ngi bhana o kuxikana ni henda i tuene na-iu mu kisangela ni Kristu Jezú.

Jihebeleu 11:19

Mbalahamu kia mu tetulukila kuila Nzambi ua soko-bho kubheka dingi Izake ku muenhu, né ku ʼalunga ku aii, o ki kia bhiti kifua Mbalahamu ua tambula muene monʼê Izake ku ʼalunga.

Jihebeleu 7:25

Uila kiki, muène ua soko-bho kubhulula katé kia zubha, ene oso ejiia kua muène, ni a bhixile kua Nzambi. Kuma Jezú ua kalé kiá ku muenhu mu ku a diondela jinga.

Tiiaku 4:12

Sai-phe umoxi ngó u bhana o Kitumu, u batula o milonga,—muène Nzambi. Muenhó, muène u tena kubhulula, muène u tena kufuisa. Eie-phe ua di fika eie nanhi, u êlesa phangʼié mua Kristu?

II Phetele 1:11

Maji mu kubhanga kiki, a kà mi bhana ungana ua kubokona mu Mbanza ixalela, ia ngene ia Ngana ietu. Mubhuludi Jezú Kristu.

Juda 1:24

O kiki Nzambi ió ua tena ku mi fudisa ku-di-bhukana ni mu di bhale, ua tena ku mi bhixidisa bhu pholo ia kubenha kuê ni kusanguluka, sé ngó kisemu,