Efezo 3:19 - O Mikanda Ikola

¹⁹ ni kuijiia o henda ia Kristu ia tundu o kuijiia kuoso, ni mu kale ni kuizala ni kuizala kuoso kua Nzambi.

Efezo 3:19 ပူးပေါင်းရင်းမြစ်များ

Jisálamu 17:15

Eme-phe nginda ngi mona pholo ié ni kulúnga; muẋima u ngi zela, hinu ki ngi phaphumuka, mu kutala o kidifanganu kié.

Jisálamu 43:4

Phala ngi bhixile bhu kalatódio ka Nzambi, kua Nzambi uène o kusanguluka kuami kua dikota; o mu ku ku ximana, ngi ku imbila ni kakoxi, u Nzambi, Nzambi iami, tata!

Matesu 5:6

A zediua ió, o kubhanga ima ia iuka a ku kuatela nzala ni dinhota, mbata hádia ekuta.

Nzuá 1:16

Ku nzungule ia umvuama ua henda iê, etu oso tua tambula-ku ndumba ia kiadi mu kiadi.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Loma 8:35

Nanhi-phe ua kà tu batukisa ku henda ia Kristu? Ngongo, inga phaxi, inga izudidiku, inga nzala, inga tuẋi, inga dibhulubhulu, inga xibhata?

Loma 8:39

né o mundu uala ku thandu dietu, né ima iala bhoxi-elele. Né kima dingi kioso-kioso kia di bhange, kana-ku kima ki tena ku tu batukisa ku henda ia Nzambi, iene mua Kristu Jezú.

II Kolindo 5:14

Kuma tuezala ni henda ia Kristu ia tu kuatela, mukonda tua kʼijiia kuila muthu umoxi ua fuidile ene oso, mu kiki, atu ene oso a tambula mbandu mu kufua kuê.

Ngalásia 2:20

Kiki ki eme dingi ngala ku muenhu, maji Kristu uala ku muenhu moxi diami. O kiki o muenhu u ngala na-u mu xitu, nga u muena mu kuxikana Monʼa Nzambi, ió ua tenene ku ngi zola ni ku di bhakula mukonda diami.

Efezo 1:23

Mukonda o Ngeleja uene o mukutu ua Kristu ua tenena iú ua subhaka ni muène-muene, mukua kuizalesa o ima ioso mu ididi ioso.

Efezo 3:18

mu kale mu athu mua tena kutongolola kumoxi ni akua Ngana oso, kioso ki soka o kukula, ni kulebha, ni kuzonga, ni kitala,

Efezo 5:2

Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.

Efezo 5:25

Enu ue mu mala, Zolenu ahatu enu kala Kristu kia zola o Ngeleja, iú ua di bhakula bhu kididi kiê.

Filipe 1:7

Enu mua ngi kala ku muẋima izuua ioso! Nga fika kia ngi tokala muene ku mi xinganeka kieniiki enu oso, mukonda ni ku malubhambu, ni mu kuzokela o Njimbu Iambote, ni mu ku ijidisa kia fuama, enu oso mua nomona ni eme ku kiadi kia ujitu iú ua ngi bhana Nzambi.

Filipe 4:7

Bheniobho o kutululuka kua Nzambi kua somboka o kitongoluelu kioso kia muthu, kuanda ku mi bateka miẋima ni ilunji, mu ukamba ni Kristu Jezú.

Kolose 1:10

Phala mu kale mù kuenda kioso kiandala Ngana, ni kubhanga jinga ioso ia mu uabhela kiambote muène. Muandù kuima ibundu mu ikalakalu iambote, hé muenda ni kukula mu kuijiia kua Nzambi.

I Phetele 1:8

Sumbala Kristu muene kiluua mu mu mona, maji mua mu zola. Sumbala kiki ki mua mu mono, maji mua mu xikana. Kienʼ iki, enu mua sanguluka kiavulu ni ngalasa ki i ẋikina ku tanga, ngalasa iavulu o uuabhelu.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.