Efezo 3:14 - O Mikanda Ikola

¹⁴ Mukonda dia kiki, nga fukama jiphuna bhu pholo ia Tata ia Ngana ietu Jezú Kristu,

Efezo 3:14 ပူးပေါင်းရင်းမြစ်များ

I Jisobha 19:18

Eme nga xalesa ue sambuadi dia midi ia muthu mu Izalaiele, ió o jiphuna jâ joso ki ja fukamena Bahale, ni dikanu diâ dioso ki dia mu bhana jibeju.

I Jisobha 8:54

Anga ki bhita-phe kuma, Solomá kia zubha kubhanga o musambu uoso iú ni kudionda kuoso kuku, hanji ku jiphuna kuala ni maku ma leka ku diulu, u fundumuka ku pholo ia kalatódio ka Ngana,

II Malunda 6:13

mukonda Solomá ua iudikile kibaka kia utadi, kia kôvadu jitanu mu kulebha ni kóvadu jitanu mu kuzanza, ni kóvadu jitatu mu kitala, hé u ki tula mu kaẋi ka lumbu, anga uimana kuthandu diê, hé u fukama ku jiphuna bhu mesuʼa kionge kioso kia Izalaiele, anga u leka maku mê ku diulu,

Ejidala 9:5

O kia zukama o kithangana kia Sata ia ngoloxi, nga balumuka mu ku di suuata ni ku di tolesa kuami, kala nga tandula kiá o izuatu iami ni divunga diami, anga ngi fukama, ngi leka maku mami kua Jihova, Nzambi iami, ngixi:

Jisálamu 95:6

Ndokuenu tu bhetame, phala tu bhezienu, tu fukame bhu pholo ia Jihova ua tu bhanga.

Izaía 45:23

Nga di-lokela mu dijina diami eme-muène; kizuela kia kidi kia tundu mu kanu diami, kizuelu kiami ki ki vutuka kuema, kuma ki di kumbidila muene; uila kiki, ngedi: Phuna joso ja kà ngi fukamena muene, o madimi moso ma kà ngi fisala mu kuloka.

Daniiele 6:10

Daniiele-phe kievu kuila sobha ua di-sinala o mukanda, ua bokona mʼonzo iê, hé uia mu xilu muala jinjanela jaʼnzo iê ja jikuka ja lungu ku Jeluzaleme; a-nga ufukama ku jiphuna jê lutatu ku kizuua, usamba, usakidila bhu pholo ia Nzambi iê, kala kiene o kifua kiê tunde ukulu.

Luka 22:41

Anga u axa kadikanga ngó ka kuila ditadi u di takula-bhu. U fukama, anga u kala mù samba, uixi:

Jipoxolo 20:36

Phaulu kia zubha o kuzuela kiki, u fukama ni jiphange ene oso, anga u samba-nâ kumoxi.

Jipoxolo 21:5

Maji o ki tua zubha kubhanga izuuʼ oio, tua katuka dingi o njila ietu. Ene oso ni ahatuʼ â, ni anʼ â, hé a tunda mu mbonge mu ku tu xinjikila, anga tu fukama-nâ ku ndundu, anga tu samba, tu di xalesa.

Jipoxolo 7:60

Anga u fukama, u di kola di dizui dia suina, uixi: Ngana, kana kuta kituxi kiki mu konda iâ! O kia zubha ku ki zuela, u batula muenhu.

Jipoxolo 9:40

Phetele-phe ua tumu ku a tundisa ene oso, anga u fukama, u samba. Anga u lunguluka kuala o kimbi, uixi: Tabita, balumuka! Muêne anga u tona o mesu, o kia mono Phetele, u bhetuka, hé u xikama.

Efezo 1:3

Tu ximane Nzambi, Tata ia Ngana ietu Jezú Kristu! Mukonda ua tu benzela mua Kristu ni ku tu bhana o mabesá moso ma nzumbi, ku ididi ia diulu.

Efezo 3:15

kua tundu o kidifua kia utata uoso mu diulu ni mu ngongo,

Filipe 2:10

Uila kiki, mu kujingisa o dijina dia Jezú, ene oso a di fukamena, kixi ió ala mu diulu, kixi ala mu ngongo, kixi ala koxi a mavu mu ʼalunga.