Efezo 3:1 - O Mikanda Ikola

¹ Mukonda dia kiki, eme Phaulu, ngi Pelezu ia Kristu Jezú, mu mulonga uenu mu akua matumbu.

Efezo 3:1 ပူးပေါင်းရင်းမြစ်များ

Luka 21:12

Kioso-phe ima iíi kilua i bhita, enu a-nda ku mi kuata, a-nda ku mi zukutisa. A kà mi bheka mu malombe, phala ku mi fundisa ni ku mi takula mu jikaleia. A mi ambata bhu pholo ia enexi ni jinguvulu, mukonda dia dijina diami.

Jipoxolo 21:33

Komanande anga u bhixila, bhuala Phaulu, u mu kuata, u tuma ku mu kuta ni malubhambu maiadi. Anga uibhula kiua, uixi: Iala muenʼiú, mukua-hi? O muene ua bhange ihi?

Jipoxolo 23:18

Kabhitangu anga uia-nê, u mu bheka kua Komanande, uixi: Pelezu ió, Phaulu, ua ngʼ ixana, iú ua ngi bhingi ku ku bhekela munzangala iú. Uixi muene uandala ku ku kundila tumaka, ngana.

Jipoxolo 26:29

Kuala Phaulu: Nginda muene ki ku bhite, né mu kindala, né ku hádia, kuma kiene ki nga mu bhinga kua Nzambi, kuila ni eie kiá, ni ene oso a ngʼivu lelu, mu kale muene kala ki ngalʼ eme,—maji mu kamba ngoho o malubhambu iá.

Jipoxolo 9:15

Maji Ngana u ambela Ananiia, uixi: Katuka ngó! Kuma muène mukua sedivisu iami, Eme nga mu solo phala kubheka o dijina diami ku akua jixi jengi, ni ku jisobha, ni ku anʼ a Izalaiele.

II Kolindo 1:6

Se etu-phe tu tala hadi, enu tua mi talela-iu, mu ku mi konda malamba ni ku mi bhulula. O ki kala a tu bhandulula, ni enu uenu mu bnhanduluka phala ni mu tambule nguzu ia kubhalakata mu jiphaxiʼ ojo jene jimoxi ni jetu.

II Kolindo 10:1

Kiki eme muène, ngi Phaulu, ngene mu kuila ngixi ngi mulenduki, ngi mutululuki ki ngi kala bhu mbandu ienu, maji ngi muẋinuki ki ngi kala dikanga, nga mi bhingi phe kiki: Nga mi bhingi mu kulenduka ni henda ia Kristu, kuila,

II Kolindo 11:23

Kifua ene jingunza ja Kristu? Eme kotʼélele, sumbala nga zuela kala nga tekuka. Mu kukalakala eme kotʼélele, mu jikaleia eme kotʼélele. Mu ku ngi beta ni jisanzu, kotʼélele, mu makufua luavulu muene.

Ngalásia 5:11

O ki kala, jiphange, se eme hanji ngene kulongesa o kusaia, kima kiahi-phe kia a bhekela o ku ngi zukutisa? Se kia kexile kia kidi, o dilebhu dia dikulusu di ngene mù kola hinu diabhu-ku.

Ngalásia 5:2

Talesenu! Eme, Phaulu, nga mi ambela kuma, se mua toloka phala ku mi saia, Kristu-phe ka mi bhandulula ni kima.

Ngalásia 5:24

Oso-phe a tokala Kristu Jezú, o xitu a i fuisa kiá ku dikulusu, ni jingânji jê, ni jihanji ja uhabhu.

Efezo 3:11

Nzambi ua bhange kiki kala ki andala muène mu kikanenu kiê kiòkulu-kulu kia tenesena mua Kristu Jezú, Ngana ietu.

Efezo 3:13

Uila kiki, nga mi bhingi kuila kana kukala ni usudi mukonda dia jihadi ji ngala ku mi talela, inda ji kale jenu ja kutambula fuma.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

Efezo 4:1

Uila kiki, eme ngi hutile, a ngi kutu mukonda dia kubhiẋila Ngana, nga mi diondo mu enda kioso kia fuama mu kixanuʼokio kia mʼixana na-kiu Nzambi.

Efezo 6:20

Kiene kia ngi bhekela o kukala ngi mukunji ua Njimbu ienʼíii, sumbala kindalʼiki ngala bhu lubhambu. Kala kiki, ngi sambedienu, phala kuene ku lubhambu ngibhue uôma ni kutula o Njimbu íii kala kioso ki nga tokala kuzuela.

Filipe 1:7

Enu mua ngi kala ku muẋima izuua ioso! Nga fika kia ngi tokala muene ku mi xinganeka kieniiki enu oso, mukonda ni ku malubhambu, ni mu kuzokela o Njimbu Iambote, ni mu ku ijidisa kia fuama, enu oso mua nomona ni eme ku kiadi kia ujitu iú ua ngi bhana Nzambi.

Kolose 1:24

Kiki nga sanguluka mu jihadi joso ji ngala ku mi talela enu. Mukonda nga kuata kutala hadi ioso ia ngi xindi ku jingongo ja Kristu ja xedi-ku; ngi ji bhita mu xitu iami, mu kubhangela o mukutu uê-muene, muène, o Ngeleja.

Kolose 4:18

Umenekenu uami eme ngi Phaulu, iii letala ia lukuaku luami muene. Lembalalenu o malubhambu mami. O kiadi kia Ngana Nzambi ki kale ni enu ku mualʼ oko.

Kolose 4:3

Ki mu kambe ue ku tu sambela etu, phala Nzambi a tu jikuile dibhitu dia kutanga o maka mê, ni dia kutangela o mundu o kijinganu kia Kristu. Mukonda o kijinganu kia Kristu, kiene kia ngi bhekela o ku ngi kuika ni kukala ku malubhambu.

II Timote 1:16

Ngana-phe à kuatele henda, akua bhata dia Onezifolo, kuma muéne ua ngi bhetula jinga muẋima luavulu. Muéne ka kexi ni jisonhi ja lubhambu lua upelezu uami.

II Timote 1:8

Uila kiki, ku kale ni sonhi ia kubhana umbangi ua Ngana ietu, mba sonhi iami eme ngi pelezu iê, a ngi kutu mukonda diê-Muène. Kolokota-phe mu kutala hadi ni Njimbu Iambote, kala kia ku bhana Nzambi o kutena.

Filemone 1:1

Eme Phaulu, hutile mukonda dia Kristu Jezú, kumoxi ni phange ietu Timote, tua sonekena Filimone tua mu zola, mukalakadi ni mukuetu, ni Ngeleja ioso ialù bhongoloka ku bhata diê.

Filemone 1:23

Epafala, hutile ni mukuetu, ngalanê muʼaleia mukonda dia Kristu Jezú, ua ku menekena.

Filemone 1:9

Inda-phe ngi ku dionda, mukonda dia henda ié i nga ku kuatela, maji ngandala ngó ku ku bhinga kima kimoxi. Sumbala ngala ngi Phaulu dia muthu Uokulu kiá, ngunza ia Kristu Jezú, hutile iê.

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.