Efezo 2:8 - O Mikanda Ikola

⁸ Kuma ku kiadi kia Nzambi ngó ku mua bhulukila mu kuxikana. Mukonda o kubhuluka, kima ki enu mua ki mono mu nguzu ienu, maji a mi bhana-kiu kuala Nzambi.

Efezo 2:8 ပူးပေါင်းရင်းမြစ်များ

Matesu 16:17

Jezú u kumbulula, uixi: Eie ua zediua, Ximá dia Jona! Mukonda o kidi kienhiki eie kua kʼijidila ku xitu ni manhinga, maji a ku bhana-kiu kuala Tata iami uene mu diulu.

Matesu 20:9

A bokuene ku ola ia kakuinhi ni kamoxi, anga a a bhana kala muthu denádia.

Marku 16:16

Uoso u xikana, anga a mu batizala, u bhuluka; uoso-phe ka xikana, a ka mu elesa.

Luka 7:50

Jezú-phe uambela o muhatu, uixi: O kuxikana kué kua ku bhandulula. Ndaié ni kutululukka.

Nzuá 3:36

Kala kiki, uoso ua xikana o Mona, uala ni muenhu ki uábhua. Maji uoso ka xikana o Mona, ka kà mona muenhu, kikale o njinda ia Nzambi i xala ku thandu diê katé ku hádia ni hádia.

Nzuá 4:10

Jezú anga u mu vutuila, uixi: Eie se uejidile o ujitu uene mù bhana Nzambi, o ua ku bhingi menha ue, se ua mu ijidile, eie ueji ku mu bhinga muène, nʼa ku bhane menha ma muenhu.

Nzuá 5:24

Kidi, kidi, ngi mi ambela: Uoso uívua dízui diami, nʼ a xikane ió ua ngi tumu, mùene uala ni muenhu ki uàbhua; ka tena dingi kuêla, maji ua tundu kiá ku ʼalunga, iu bokona ku muenhu.

Nzuá 6:35

Jezú ua ambela, uixi: Eme ngi mbolo ia muenhu. Uoso uiza ko-kuami, kà kala dingi ni nzala, o uoso u ngi xikana eme, kà kala dingi ni dinhota.

Nzuá 6:37

Oso a ngi bhana kuala Tata, a-ndu kuiza ko-kuami. Uoso-phe ueza ko-kuami, eme ki ngi mu texi, lémbua!

Nzuá 6:40

Mbata o vondadi ia Tata iami ienhiʼii: Kuila uoso ua tale ku Mona, iú ua mu xikana, a kale ni muenhu ki úabhua; eme-phe ngi mu fukununa mu kizuua kia kà suka-ku.

Nzuá 6:44

Kana muthu u tena kuiza ko-kuami, se Tata ua ngi tumu u kamba ku mu sunga; eme-phe ngi mu fukununa mu kizuua kia kà suka-ku.

Nzuá 6:65

Uixi: Kiene ki nga mi ambelela-kiu, ngixi: Kana muthu u tena kuiza ko kuami, se a kamba ku mu bheka kuala Tata.

Jipoxolo 13:39

Uoso u xikana, u lungila kua muène ku imbamba ioso i bhinga o Kitumu kia Mozé ki ki tena ku mu lungisa.

Jipoxolo 14:27

O kia zubha kutula ni kubhongolola o Ngeleja, a a kunda ima ioso ia bhange Nzambi ni ene. A a kunda ue kioso Nzambi o njila ia kuxikana, kia i jikuila o matumbu.

Jipoxolo 15:11

Kana, ngana! Mbata tua xikana-phe kuma etu tu bhulukila mu kiadi kia Ngana Jezu; ene uâ kiene.

Jipoxolo 16:14

Ku ahatu a mu kuivua, anga bhu kala muhatu, dijina diê Lidia. Muenʼiú ngenji, mukua kufuna purpura ia kuteka, o ku bhata diê ku Tiiatila, mubhezi a Nzambi; muene anga u tu ivua. Muenʼiú Ngana ua mu jikula o muẋima mu kutambulula o maka ma tange Phaulu.

Jipoxolo 16:31

Kuala ene: Xikana Ngana Jezú, nda u bhuluke, ni eie ni mbèle ié.

Loma 10:14

Maji a di kola-phe kiebhi kua muène, se kiluua a mu xikana? A mu xikana-phe kiebhi, se o Njimbu kiluua a ivua?

Loma 10:17

Mu kieniiki o kuxikana kuijiia mù kuivua o hundu, o kuivua o hundu, kuijiia ku Njimbu Iambote ia Kristu. Mu kieniiki, o kuxikana kuijiia mù kuivua o ngolokela, o kuivua o ngolokela, kuijiia ku Njimbu Iambote ia Kristu.

Loma 4:16

Mukonda dia kiki, kueza o kuxikana, o kikutu kia polomesa ia Nzambi ni ki naminina ku kuxikana phala ni ki kuate, ni ki kale kia kiadi ku luvualu lua Mbalahamu, Kuma o polomesa ki i tokala ngó a mu kualuka o Kitumu, maji ni ió ue oso a xikana mukuâ ni kia xikanene Mbalahamu. Mukonda mu Nzumbi muene tata ia etu-ene oso.

Loma 4:5

Uoso-phe ka kalakala, maji ua xikana kua Nzambi ió ua tena kulungisa muthu uabhumu, nʼa mu tange kuila ua-di-zele, o kuxikana kuê a ku bhange konda kuma kulunga.

Loma 9:16

Kieniiki kima ki ki tundu ku muthu ua solo, mba ku muthu ua tena o kukibhanga, maji kua Nzambi mukua kulenduka.

Ngalásia 3:14

Kiki kia bhiti, phala o dibesá dia tanga Nzambi kubhana Mbalahamu, dʼize ue ku thandu dia akua matumbu mua Kristu Jezú. Mbé etu ene oso o polomesa ia Nzumbi tu i tambuile mu kuxikana.

Ngalásia 3:22

Maji o Mikanda Ikôla-phe iambe kuila athu oso a a jikila bhoxi dia kutena kua ituxi, phala o polomesʼ oio i bhinga kuxikana Jezú Kristu, i kale ia ene oso a xikana.

Efezo 1:19

ni kioso kiavulu o kutena kuê kua mu kalakala mu ʼaxaxe ketu etu tua xikana.

Efezo 2:10

Kuma etu tuala tu ufunu ua Nzambi muene, ua tu kalakela mua Kristu Jezú phala tu kale mù bhanga imbamba iambote, ioso ia tu iudikila Nzambi muène, phala tu kale mù kuendela-mu.

Efezo 2:5

kioso mu nzumbi ki tua kexile tu afi mu ikuma ietu, kiene muène kia tu phaphumuna kumoxi ni Kristu. Ku kiadi kia Nzambi ngó ku mua bhulukila.

Filipe 1:29

Mukonda Nzambi muene ua mi bhana o ujitu ua kubhiẋila Kristu, kana ngó o ku mu xikana, maji ni ku mu talela ue hadi.

Kolose 2:12

Mbata kizuua kia mi batizala, a mi fûndu kumoxi ni Kristu mu batizu. O mu batizu, enu mua fukunuka-nê dingi kumoxi, mu kuxikana o nguzu ia Nzambi, ua fukununa muène Kristu mu madifundu.

II Tesalonika 1:9

Enʼ ió o kaxtiku kâ kà kala kingumba kinangenena, o bhu pholo ia Ngana a kà a sandula-bhu, ni ku fuma ia kusuina kuê.

Jihebeleu 6:4

O ió a lueza o kuxikana a bhuluka-phe kiebhi lua mukuá? Kuma ene a kexile kiá mu mukengeji ua Nzambi. A lolele kiá o mbote ia diulu, a nomuene kiá kua Nzumbi Ikôla.

I Phetele 1:5

O mabesá enʼiâ phala enu oso mu kutena kua Nzambi, a mi lange mu kuxikana, ni mu kukinga o kubhulukʼ oko kua-ndù tukuluka mu kithangana kia kà suka-ku.