Efezo 2:5 - O Mikanda Ikola

⁵ kioso mu nzumbi ki tua kexile tu afi mu ikuma ietu, kiene muène kia tu phaphumuna kumoxi ni Kristu. Ku kiadi kia Nzambi ngó ku mua bhulukila.

Efezo 2:5 ပူးပေါင်းရင်းမြစ်များ

Luka 15:24

Mukonda monʼami iú ua fuile, lelu ua bhana o muenhu; ua texikile, lelu ua moneka. Anga a kuata kubhanga fesa!

Nzuá 5:21

Mukonda kala Tata kia fukununa afi, hé u a bhana muenhu, kiene ue o Mona u bhana muenhu kua oso a mesena.

Nzuá 6:63

O Nzumbi ia Nzambi muène u bhana o muenhu; o muthu ka tena-phe kubhandulula kima. O maka iá, u nga mi tangela-nâ, a Nzumbi ni muenhu.

Jipoxolo 15:11

Kana, ngana! Mbata tua xikana-phe kuma etu tu bhulukila mu kiadi kia Ngana Jezu; ene uâ kiene.

Loma 16:20

O Nzambi, otho ia paze ietu, kindala uanda ku titidila Satana bhoxi dia inama ienu. O kiadi kia ngana ietu Jezú Kristu, ki kale ni enu oso.

Loma 3:24

Maji Nzambi mu kiadi kiê u a lungisa, kia vutuka, sé ku a bhinga kima, mukonda dia Jezú Kristu u tena ku a bhulula.

Loma 4:16

Mukonda dia kiki, kueza o kuxikana, o kikutu kia polomesa ia Nzambi ni ki naminina ku kuxikana phala ni ki kuate, ni ki kale kia kiadi ku luvualu lua Mbalahamu, Kuma o polomesa ki i tokala ngó a mu kualuka o Kitumu, maji ni ió ue oso a xikana mukuâ ni kia xikanene Mbalahamu. Mukonda mu Nzumbi muene tata ia etu-ene oso.

Loma 5:10

Tua kexile tu jinguma ja Nzambi, maji Muène ua tena ku tu luulula, iú ua tu bhange tu makamba mu kufua kua Monʼ ê. Kota-kota kiki, ki tua luuluka kiá, tua kà bhuluka dingi kiengi mu muenhu ua Kristu.

Loma 5:6

Kuma ki tua kexile hanji tua lémbua kubhanga kima kioso-kioso, Kristu kia bhixila bhu thembu iê ia solo Nzambi, ua fuila athu abhumu bhu kididi.

Loma 5:8

Maji o Nzambi-phe ua tu idikiza o henda ia muène ia tu kuatela; mukonda kioso ki tua kexile hanji tu akua ituxi, kiene kia tu fuila Kristu bhu kididi.

Loma 8:2

Kuma o Kitumu kia Nzumbi ia Nzambi kia tu bhekela muenhu mua Kristu Jezú, kia ngi bhana ufolo ku kitumu kia ituxi ni kalunga.

Efezo 2:1

Mʼukulu enu mua kexile mu afi mu nzumbi mukonda dia kuxibhaka kuenu kua Nzambi ni mukonda ue dia ituxi ienu.

Efezo 2:8

Kuma ku kiadi kia Nzambi ngó ku mua bhulukila mu kuxikana. Mukonda o kubhuluka, kima ki enu mua ki mono mu nguzu ienu, maji a mi bhana-kiu kuala Nzambi.

Efezo 5:14

Mukonda kioso ki di tukulula mua zele, ki di bhanga mukengeji. Kiene kia ki ambela, exi: Phaphumuka eie uaii ku kilu, u fukunuke mu ʼalunga, kristu nda a ku bhake mua zele.

Kolose 2:13

Sumbala mʼokulu mu nzumbi enu mua kexile mu madifundu mu ikuma ienu, ni kukamba ku mi saia o dibôlo dienu dia xitu. Maji leluʼidi Nzambi ua mi phaphumuna iú ua mi bheka dingi ku muenhu kumoxi ni Kristu. Muene ua tu loloka o ikuma ietu ioso.

Tito 2:11

Kuma Nzambi ua tukulula kiadi kiê mu kubhana kubhuluka ku athu oso.

Tito 3:5

Muène o ku tu bhulula, ki kia kaiela mu imbamba ia kuiuka kuetu i tua bhange etu, maji mu kulenduka kuê muène. O ku dibônzo diê, iú ua tu zelesa ni Nzumbi iê Ikôla mu ku tu vualulula dingi ni ku tu bhana muenhu ua ubhe.

Dijingunuinu 22:21

O kiadi kia Ngana ietu Jezú Kristu, ki kale ni enu oso.