Efezo 2:21 - O Mikanda Ikola

²¹ O mua muène, muene inzu ioso mu ia di sokejeka kiambote, iú ua i bhangesa kukula mú kala tembulu iangene ia Ngana.

Efezo 2:21 ပူးပေါင်းရင်းမြစ်များ

I Jisobha 6:7

O mu kutunga o tembulu, matadi a dianga jinga ku a iudikila kiambote kua tundu, o kioso kieza na-u kiene ue kia a te ku inzo ia Jihova; kala kiki, kioso kia kexi mu kutunga kʼevua jingaku kuṗhoṗha kua malutelu mba kukoka kua dikuua mba kubeta dingi ni felu ioso-ioso.

Jisálamu 93:5

Eie umbangi ué uoso u ua bhana ua kidi kiene; mʼonzo ié, u Jihova, muene mua fuama o kuzela kuoso sé dizubhilu.

Izekiiele 42:12

Ni kia di-fu ue o mabokuenu a maxilu a talela ku njila ia uombe, kua kexile ue dibokuenu dimoxi bhu hota ia njila, o njila ia bhiti ku pholo ia kimbaka kia kadilu, ku mbandu ia thunda, kioso ki u bokuena mu maxilu.

I Kolindo 3:9

Kuma etu tuala tu jingunza, tu kalakala kumoxi phala Nzambi, o enuʼ enu muala mu dibhia di bhanga Nzambi o kikalakalu kiê. Enu muala ue mu inzu i tunga Nzambi.

II Kolindo 6:16

O kididi kia Tembulu ia Ngene ia Nzambi, ki bangana kiebhi ni iteka ia akua mundu? Kuma etu tuala tu tembulu ia Nzambi ia muenhu. Uila kiambe muène Nzambi, uixi: Eme ngiia mu kutunga, hé ngi kala-nâ kumoxi. Ngi kala ngi Nzambi iâ, ene a kala mundu uami.

Kolose 2:19

Ka kuatenena dingi kua Kristu, o Mutue ió ua tokala mukutu uoso. Mukonda mu kutena kua Kristu, mukutu uoso uivua kuila ua di sokejeka kiambote, ua takana ni mu masokuelu ni mixibha, anga u kala mu kukula o ukudilu ua mesena Nzambi kuila kiene ki u kula.

I Timote 3:15

O ki kala-phe ngi bhanga hanji izuua, mukanda iú u ku idikiza kioso kia tokala kukala athu mʼonzo ia Nzambi, kuma o inzo iê iene o ngeleja ia Nzambi ia muenhu, o philadi ni disesa kua tula o kidi.