Efezo 2:19 - O Mikanda Ikola

¹⁹ Uila kiki, enu ki mu Jijudé, ki muala dingi mu asonhi, mba mu athu engi. Maji muala kiá mu akua bhata, mua sokela ni akuenu akua Ngana oso mu dianda dia Nzambi.

Efezo 2:19 ပူးပေါင်းရင်းမြစ်များ

Matesu 10:25

Kienhiki, o xibulu kabasa i sokela ni mesene iê, o mubhika kabasa u sokela ni ngana iê. Kia lembela muène mukua dibhata diê, a mu ixana, exi: Belezebubu, akua mbèle iê, a kà exana kiebhi?

Ngalásia 6:10

Uila kiki, bhuoso bhu tu muena o kithangana, tu bhangienu mbote athu oso, kota-kota-phe a tokala mu dianda dia kuxikana.

Efezo 2:12

Thembu ieneʼoio mua di batukile ni Kristu. Mua kexile mu asonhi, o mu dianda dia Izalaiele, o muiji uòsole kua Nzambi, enu ki mu tokalele-mu. Ki mu kexile ni mbandu ue ku ikutu ia tundu ku jipolomesa ja bhele Nzambi o mundu uê. Enu mua kexile mu ngongo mumu, sé ngó kima ki mu dielela, sé ue Nzambi.

Efezo 3:15

kua tundu o kidifua kia utata uoso mu diulu ni mu ngongo,

Efezo 3:6

O kikutu kieniiki: Mukonda dia Njimbu Iambote, o akua jixi jengi, ala uâ mu kisangela kumoxi ni Jijudé mu mabesá moso ma Nzambi. Kuma ala idiandu ku mukutu uene umoxi; akua kisangela mu polomesa ia bhana Nzambi mua Kristu Jezú.

Filipe 3:20

Maji-phe, etu kokuetu ku diulu, ku tua kinga ku tunda Mubhuludi uetu, Ngana Jezú Kristu.

Jihebeleu 11:13

Athu oso enʼiá afua, ezala ni kuxikana. O jipolomesa ja a bhele Nzambi ka ji tambuile luua, maji a ji muena ngó mu kanga, hé a ji tanesa ku makanga kuenioko ku ja monekena. Anga a di fisala kuila asonhi, jingenji mu ngongʼ umu.

Jihebeleu 13:14

Kuma mu ngongʼumu ki tuala-mu ni dibhata di nangenena, maji tua mu sota dibhata hinu dià keza-ku.

I Phetele 2:11

Enu akuetu, phange jami, nga mi diondo, mu asonhi, mu jingenji mua tundu mu ixi ienu enu muala ku jixi jengi, kulenga jinga jihânji ja xitu ji lua ita ni muenhu ua muthu.

I Nzuá 3:1

Talesenu kia kulu o henda ia tu idikiza Tata! O henda iê ia tu idikiza ia kulu kinéne katé kia tu ixana tu anʼa Nzambi. Ni kidi-phe, tuala muene tu anʼê. Kiene kia kambela o mundu ku tu ijiia, mukonda muène ue Nzambi ki ua mu ijiia.