Efezo 2:15 - O Mikanda Ikola

¹⁵ Iú ua bhuisa-ku o Kitumu kia Jijudé ni ijila iâ, ni malunda mâ, o ifuẋi iiadʼ iii, iú ua i bhange kimoxi ngó, kia ubhe, kia di umbu kua muène. O mu kubhanga kiki, ene oso ua a bheka ku paze.

Efezo 2:15 ပူးပေါင်းရင်းမြစ်များ

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

II Kolindo 5:17

Kienhiki se muthu u kala mua Kristu, muthu uengi ua di bhange. Kuma ima iokulu ia bhiti, talesa, ima ioso ieza ku ubhe.

Ngalásia 3:10

Oso-phe a dielela mu kutumaka o imbamba ia Kitumu, ala ni mázui ma Nzambi ku thandu diâ. Kuma kiosoneke mu Mikanda Ikôla, exi: Uoso u kamba kuenda ni kubhanga ima ioso iosoneke mu Divulu dia Kitumu, uala ni mázui ma Nzambi ku thandu diê!

Ngalásia 3:28

O mua Jezú Kristu ki muene dingi katungu ka Judé ni iú ki Judé, ki muene mubhika ni fôlo, ki muene diiala ni muhatu; enu oso enuenu amoxi.

Ngalásia 6:15

Kuma mua Kristu Jezú, ki u kala a ku saie, ki u kala ka ku saie, kiene kioso ki kia kate-ku kima; kia kate-ku o ku mi bhangulula athu obhe.

Efezo 2:10

Kuma etu tuala tu ufunu ua Nzambi muene, ua tu kalakela mua Kristu Jezú phala tu kale mù bhanga imbamba iambote, ioso ia tu iudikila Nzambi muène, phala tu kale mù kuendela-mu.

Efezo 2:14

Mukonda Kristu muène ua tu bhekela o paze mu kubhangesa kuila o kifuẋi kia Jijudé, ni iá ki Jijudé, a di bhanga kiá kifuẋi kimoxi ngó. O kibatulu kia bhitile bhu kaxi kâ, kia kexi mu ku a bhekela o unguma, muène ua ki bulu-bhu ni mukutu uê.

Efezo 2:16

O mu kufua kuê ku dikulusu, Kristu ua jibha o unguma uoso. O mu dikulusu diê, muene mua takanesena o miji iiadiʼ oio mu kukala mukutu umoxi ngó, iú ua a vutula ni ku a luulula kiiadi kiâ ni Nzambi.

Efezo 4:16

O mu ku di tuma kuetu ni muène Kristu, o mukutu uoso u di banda kiambote, u di sokejeka ku idiandu i kumbidila mu ididi iê, mukutu uoso anga u kala mù kula, u kala mù tungiua ni henda.

Kolose 2:14

Ua jimuna o mukanda ua makongo etu, a tu kuikile mukonda dia ijila ia Kitumu. Ima ia tu fudisile ua i katula mu njila, o mukanda ua dikongo dietu ua u batela ku dikulusu diê.

Kolose 2:20

Se o Kristu mua fuila-nê kumoxi, jindonda ja mu ngongʼ umu mua ji ehela-ku kiá. O kiki-phe mu alukila-hi dingi ku ima ia mu ngongo, hé mu bhikila o ijila ioio iala ku mi xina o athu?

Kolose 3:10

enu mua zuata muthu uobhe. O kikexilu kia ubhe kiki muène o muthu uobhe ala ku mu umba kuala Nzambi ni kuijiia kuengi, phala kudifangana ni muène uoso ua mu bhanga.

Kolose 3:11

O ku uthu uobhe ki kuene Ngeleku, ki kuene Judé, ki kuene a mu saie, ki kuene a kambe ku mu saia, ki kuene muthu uengi, ki kuene kabinji, ki kuene mubhika, ki kuene folo; kuala ngó Kristu ua di bhange muène iam ioso, ua tungu ue mua ene oso.

Kolose 3:15

O kutululuka ku tunda kua Nzambi, ku mi tetulule mu miẋima. O kutululuka kueniuku kuene Nzambi kua mʼixanena kukala idiandu ku mukutu umoxi. Hé muila ue ni kusakidila.

Jihebeleu 7:16

Muène ka mu bhangele nganga mu ngonge ia kihindu kia xitu. Maji ua di bhange nganga mu kutena kua muenhu ki uene mbambe.

Jihebeleu 8:13

O Nzambi kia zuelʼiki kuila kikutu kiobhe, o kikutu kia dianga ua ki mono kiokulu kiá. O kimbamba-phe kiokulu, kiala kiá mu kukuka, kindala kianda kujimuka athu ku mesu.

Jihebeleu 9:23

O ima iii-phe, kuma ifikisu ia ima ia kidi ku diulu, a i zelesa ue kienʼ iki. Maji o ima muène ia diulu, ia bhingi jisata ja beta ujitu.