Efezo 2:14 - O Mikanda Ikola

¹⁴ Mukonda Kristu muène ua tu bhekela o paze mu kubhangesa kuila o kifuẋi kia Jijudé, ni iá ki Jijudé, a di bhanga kiá kifuẋi kimoxi ngó. O kibatulu kia bhitile bhu kaxi kâ, kia kexi mu ku a bhekela o unguma, muène ua ki bulu-bhu ni mukutu uê.

Efezo 2:14 ပူးပေါင်းရင်းမြစ်များ

Estere 3:8

Hamane anga u ambela Asuuelu, uixi: Sai muiji a di muangena mu jisengu joso ja utuminu ua muenxi, kifua athu engi, kene ku di tuma ni akuaʼxi a tungu-nâ, o itumu ia muenexi ue kene ku i aiuka mukonda o utuminu uâ uengi; muenexi ka mu bhana kubhanduluka kua kima, né-mbe muene u a lendukila anga a kala moxiʼumu.

Mikeia 5:5

Muenhú anga uà kà kala muene paze ietu. Kioso o Asídia kia kʼèza mu ixi ietu mu ku i lua, nʼa bhite ni kudiota ku thandu dia jinzu jetu ja matala, etu tua kà mu ixanena sambuadi dia abidi, ni dinake dia mona-ngana muaxaxi ka athu, ni a tu kudila.

Zakadiia 6:13

Muene-muène ua kà tunga o Tembulu ia Jihova, a kà muizalesa ni fuma ni unène; anga ua kà xikama bhu kiandu kiê, nʼa kala mu ku tumina anga ua kà kala nganga bhu kiandu kiê; o ima i iadi iii anga ia kà divisa muene kiambote ni kutululuka kuoso.

Luka 1:79

Ni kumuikina oso a xikama mu kuvunda kua kizenji kia kalunga; mbé o kuendesa inama ietu mu njila ia kutululuka.

Luka 2:14

Fuma i kale ia Nzambi mu diulu! O mu ngongo uembu mu ʼaxaxe kʼathu oso a mu uabhela!

Nzuá 10:16

Ngala ue ni jimbudi jamukuá, ki jala mu kibhanga kiki. Jenhiji ki bhinga ngi ji takana. Jene jívua o dízui diami, hé ji kala kilunga kimoxi ni mubidi umoxi.

Nzuá 11:52

Kienhiki o muiji ió ue ki uene ngó ua fuila, maji uà fuila kubhongolola kumoxi anʼ a Nzambi oso a di muangena ku makanga.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Jipoxolo 10:28

Anga ua ambela, uixi: Enu mua kʼ ijiia kuma muthu uala Judé, a mu kidika o kukuata ukamba ni mukua ʼxi iengi, mba kubokona ngó mʼ onzo iê ni kubhongoloka-nê kumoxi. Maji eme-phe Nzambi ua ngʼ idikiza kuma ki ngâmbe dingi muthu kuiibha mba kuxila.

Jipoxolo 10:36

Enu muejiia kuma muene ua tumikisa maka ku ana a Izalaiele, o Njimbu Iambote ia paze ia kolele Jezú Kristu, muène Ngana ia mundu uoso.

Loma 5:1

Kia tu xikina Nzambʼ iki mu kuxikana, tuala ku paze ni muène mukonda dia Ngana ietu, Jezú Kristu.

Ngalásia 3:28

O mua Jezú Kristu ki muene dingi katungu ka Judé ni iú ki Judé, ki muene mubhika ni fôlo, ki muene diiala ni muhatu; enu oso enuenu amoxi.

Efezo 2:15

Iú ua bhuisa-ku o Kitumu kia Jijudé ni ijila iâ, ni malunda mâ, o ifuẋi iiadʼ iii, iú ua i bhange kimoxi ngó, kia ubhe, kia di umbu kua muène. O mu kubhanga kiki, ene oso ua a bheka ku paze.

Efezo 2:17

Uila kiki, Kristu ueza mu kubhana o jingolokela ja Njimbu Iambote ia paze. Paze ko-kuenu mua kexile dikanga kua Nzambi, paze kua ene o Jijudé a kexile bhua zukama.

Efezo 3:15

kua tundu o kidifua kia utata uoso mu diulu ni mu ngongo,

Efezo 4:16

O mu ku di tuma kuetu ni muène Kristu, o mukutu uoso u di banda kiambote, u di sokejeka ku idiandu i kumbidila mu ididi iê, mukutu uoso anga u kala mù kula, u kala mù tungiua ni henda.

Kolose 1:20

Uila kiki, Nzambi ua solele ue kua Mona kuluuluila-ku o ima ioso ni muène Nzambi, kia zubha kubhanga paze ni manhinga ma kufua kua Monʼê ku dikulusu diê; iene ioso kindala i luulukila kua muène o Mona, kixi ima mu ngongo, kixi ima ku diulu.

Kolose 2:20

Se o Kristu mua fuila-nê kumoxi, jindonda ja mu ngongʼ umu mua ji ehela-ku kiá. O kiki-phe mu alukila-hi dingi ku ima ia mu ngongo, hé mu bhikila o ijila ioio iala ku mi xina o athu?

Kolose 3:11

O ku uthu uobhe ki kuene Ngeleku, ki kuene Judé, ki kuene a mu saie, ki kuene a kambe ku mu saia, ki kuene muthu uengi, ki kuene kabinji, ki kuene mubhika, ki kuene folo; kuala ngó Kristu ua di bhange muène iam ioso, ua tungu ue mua ene oso.

Kolose 3:15

O kutululuka ku tunda kua Nzambi, ku mi tetulule mu miẋima. O kutululuka kueniuku kuene Nzambi kua mʼixanena kukala idiandu ku mukutu umoxi. Hé muila ue ni kusakidila.

Jihebeleu 13:20

Kiki-phe Nzambi ua fukununa Ngana ietu Jezú mu madifundu, o mukonda dia kufua kuê, muène o Mubidi ua Dikota ua jimbudi. Uila kiki, mu manhinga ma Jezú, o kikutu ki nangenena a ki kolêsa ni kidimbu.

Jihebeleu 7:2

Mbalahamu anga u mu bhakuila o mbandu ia kakuinhi ka ima ioso ia tambula ku jinguma mu ita. O dijina dia Melekizedeke dia lombolola luiadi: Moxi, Sobha ia Kuiuka. Mukonda-phe muène ua kexi Sobha ia Saleme, dijinʼidi dia lombolola ue dingi kuila Sobha ia Paze.