Efezo 2:11 - O Mikanda Ikola

¹¹ Uila kiki, xinganekenu, kuma mʼ ukulu enu mu matumbu (akua jixi jengi) mu xitu, a mi luka jinga mu akua dibôlo, kuala o Jijudé a dʼ ixana kuma akua kusaia, kusaia-phe ngó kua xitu, kuobhange ni maku ma athu ku mikutu iâ.

Efezo 2:11 ပူးပေါင်းရင်းမြစ်များ

Izekiiele 20:43

Muenhomo, hé mua kà xinganeka kiua o jinjila jenu, ni ibhangelu ienu ioso i mua di kasanesa na-iu, hé mua kà di kuatela fuokoso enuʼenu muene, mukonda dia kuiibha kuenu kuoso ku mua bhanga jinga.

Izekiiele 36:31

Kinhókio-phe kiene kiua ki mua kà banza o njila jenu ja ibha, ni ibhangelu ienu, muexi ki i iukile? Anga mua kà di kala ni fokoso enuʼenu-muène, mukonda dia makuiibha menu ni maufusa menu.

Matesu 20:7

Exi: Mukonda kana-ku muthu ua tu kase. Kuala muène: Ndenu uenu ku mulenga uami.

Loma 11:17

O kiki o jithangu jamukuâ ja mudiva ua kudima, a ji bukuile-ku, eie u luthangu lua mudiva ua muxitu iá a ku phaphe ku kixina muʼ axaxe ka jithangu. Kiene ue enu ki mu Jijudé, mua di bhange kala o mudiva uenʼ ió ku muxitu, kindala mua tambula ku nguzu ni ku umvuama ua muenhu ua Jijudé.

Loma 2:26

O ió ki Jijudé, a kambe ku a saia-phe kia bhaka o ijila ia Kitumu, né ka a saie, Nzambi, manhi kanda ku a kita kala a a saie?

Loma 2:27

Kala kiki enu mu Jijudé, a kà mi êlesa kuala ió ki Jijudé! Mukonda enu o Kitumu mua mu ki bula, sumbala a mi sonekena-kiu, o kusaia, a mi saie. O ió ki Jijudé a mu tumaka o Kitumu, sumbala ku mukutu kà a saie.

I Kolindo 12:2

Enu muejiia kuma kioso ki mua kexile mu matumbu, mua sendukile ni itekʼ oio ia di fuila, mu kaiela kioso-kioso kia mi longesa.

I Kolindo 6:11

Enu amoxi-mu, kiene ki mua kexile. Maji a mi sukula ku ituxi, a mi lumbila kua Nzambi, o Muène iú ua mi xikina bhu pholo iê mukonda dia Jezú Kristu, Ngana ietu, ni mukonda dia Nzumbi ia Nzambi.

Ngalásia 2:15

Etu a tu vuala tu Jijudé, ki tuala tu akua ituxi kala o matumbu, ki Jijudé. Maji-phe tua kʼ ijiia ue kuila muthu ka tena kulungila mu kubhanga imbamba ia Kitumu, kikale u lungila mu kuxikana Jezú Kristu.

Ngalásia 6:12

Oso andala o ku dʼidikiza ni ku di ximana (ku di ta nzabala), mu xitu, ene a mu mi bhinjika ni ku mi saia. A ki bhangela-phe ngó o kuiengesa ku a zukutisa, mukonda dia dikulusu dia Kristu.

Efezo 2:2

Mu thembuʼ omo enu muene mu mua kexile mù kuendela kala ki tuma ngana ioio iavu o utuminu uê mu dimbinza muene o nzumbi kindala iala moxi dia ana abhukumuka, a kamba kutumaka Nzambi.

Efezo 5:8

Kuma enu-enu mʼ ukulu mua kexile mu kitombe, maji o kiki muala kiá mu mukengeji mua Ngana. Endenu-phe ni kuenda kala anʼa mukengeji.

Matendelelu 15:15

Uxinganeka jinga, ulembalale kuma eie ue ua kexi u mubhika mʼoxi ia Ijito, maji Jihova Nzambi ié muene ua ku kula. Eie ue nga ku tumu kubhanga jinga kienhiki.

Matendelelu 16:12

Uenda jinga ni kulembalala kuila eie uakexe u mubhika ku Ijitu; kala kiki jingonge jiji u ji bhaka kiambote, uenda-phe ni ku ji bhanga.

Matendelelu 5:15

Kuma-phe eie-muène ue ki ki ku jimbi dingi kuila ua kexe u mubhika mʼoxi ia Ijito, eué Jihova Nzambi ié ua sunununa o lukuaku luê lua undanda, iú ua ku katula-mu ni ʼkuaku luê lua suina. Mukonda dia kiki-phe, Jihova Nzambi ié iu ua ku tendelela uixi, u aiuka jinga o kizuua kia sabhalu kia dinhohenu.

Matendelelu 8:2

Xinganeka phala u kale mu lembalala njila ioso ia mi bhitisa Jihova Nzambi ienu, mu makuinhi auana a mivu osoʼâ mu kikangalakata, phala a mi bateke, nda a mi lole, mbé o kuijiia kioso kia mi kala ku miẋima moxi, mba mu xikina kutumaka ijiia iê, mba kana.

Matendelelu 9:7

Xinganekenu, ki ki mi jimbe ki muakexi mu kulokalala njinda ia Jihova Nzambi ienu mu kikangalakta; tunde mu kizuua ki mua tundu mu Ijito, katé bhu kididi bhu muezʼabha, mua di bhanga jinga mu axibhaki a hatu, bhu pholo ia Jihova.

Filipe 3:3

Kuma o kusaia kua kidi, etu tuala na-ku, tu akua kubheza Ngana ni Nzumbi ia Nzambi, ki ene, kana! Kuma etu o kujinga kuetu kuala mu kudituma ni Kristu Jezú. Ki tu dielela kima ki bhanga athu ku kanga mu xitu.

Kolose 1:21

Enuʼ enu mʼ ukulu mua kexile dikanga ni Nzambi. Mua di bhangele mu jinguma ja Nzambi mukonda dia ima iaiibha i mua xinganeka jinga, ni mukonda ue dia ima iaiibha i mua bhanga jinga.

Kolose 2:11

Enu-phe a mi bokuesa mua muène ni ku mi saia, kana mu kusaia kua kubatula kaxitu ku mukutu, kala ki bhanga athu, maji mu kusaia kua muène Kristu, kua ku mi kula ku nguzu ia mukutu iú ua ituxi.

Kolose 2:13

Sumbala mʼokulu mu nzumbi enu mua kexile mu madifundu mu ikuma ienu, ni kukamba ku mi saia o dibôlo dienu dia xitu. Maji leluʼidi Nzambi ua mi phaphumuna iú ua mi bheka dingi ku muenhu kumoxi ni Kristu. Muene ua tu loloka o ikuma ietu ioso.

Kolose 3:11

O ku uthu uobhe ki kuene Ngeleku, ki kuene Judé, ki kuene a mu saie, ki kuene a kambe ku mu saia, ki kuene muthu uengi, ki kuene kabinji, ki kuene mubhika, ki kuene folo; kuala ngó Kristu ua di bhange muène iam ioso, ua tungu ue mua ene oso.

I Samuuele 17:26

Davidi anga u zuela ni mala a mu imanena, uixi: A mu bhanga kiebhi, uoso u jibha mukua Fidíxia iú, anga u katula o dilebhu dioso dia te muene kua Izalaiele? Kiiala kienhiki kia mukuadibôlo ku Fidíxia, mukua-hi muene, phala a tene kulebhula kiki o kilômbo kia Nzambi ia muenhu?

I Samuuele 17:36

Eme ngi mubhikʼé, kienhiki ki nga jibha o hoji ni úlusu; kiiala kiki-phe kia mukua-dibôlo ku Fidíxia, kiene ue ki ngi mu bhanga; mukonda muene ua lebhula kilômbo kia Nzambi ia muenhu,